Lɛɛ gbɔwɔ ɓa 20:2 - Yálá laawoo hɛɓɛ (dc)

² «Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Yálá laawoo hɛɓɛ

² «Ɲą́ą́ gáá a Yai-Laa, ka wɔ Yálá, yai ka kulɔ Eziptə luwɔlaa hu.

Bible

² “Ńyãa ƃa Yâwɛɛ Ɣâla nyii íkùla ǹuɛ-lâai su Ize lɔii sui.

Lɛɛ gbɔwɔ ɓa 20:2 Referans Kwoze

Dutɛrɔnome 5:6

«Ɲą́ą́ ɓə gáá a Yai-Laa ka wɔ Yálá, Ɲą́ą́ ɓə ka kulɔ Eziptə lɔi hu, nuwɔ pɛlɛ́i tii mu.

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Levetekɔ 26:13

Ɲą́ą́ Yai-Laa ka wɔ Yálá, ɲą́ą́ ɓə ka kulɔ Eziptə nuą di wɔ lɔi hu, diɛi ka kɛ di yəi a luwɔɠaa. Ɲą́ą́ ɓə nuwɔlaa kpɔnɔ̨i tii kulɔ ka nwun ma, gɛ́ gɛ kaa hiɛ a ka nwun muhəɠɛɛ.

Mąątɛ̨nɛ̨ 81:10

Yálá ta kpɛli hvo kɛ ə́ yəi, 'hvo kwɛli hvilɛn yálá takpɛli ɓa.

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Levetekɔ 19:36

'Ka wɔ hɛn gɔɔn gəgənŋąą di kɛ a di pɛliɛ ɉu. Ɲą́ą́ ɓə gáá a Yai-Laa, yai ka kulɔ Eziptə lɔi hu.

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Dutɛrɔnome 5:15

Mąąnɛ̨ɛ̨ ka kili ə pu ɉu kaa, ka kɛ a luwɔɠaa Eziptə lɔi hu. Ɛlɛɛ, Yai-Laa ka wɔ Yálái ə ka kulɔ laa a vaŋą kɛnɛ̨, a nwɔ huwalawalai ɲəi, hɛn da hva tɔɔ na. Yili mąą mɛ̨nį ɓə Yai-Laa ka wɔ Yálái ə ka tí la, yɛ ka túwɔ́ yələ mąą həɠə.

Levetekɔ 23:43

əgɛ, kwɛlan ɉəli pələ tɛitɛi, kaa gbaɠala kaa, kaa diɛ kələɠaa ɓə Israɛlə lonnii di kɛ mu, ɓɛlɔwai ŋį́ di kulɔ la Eziptə lɔi hu. Ɲą́ą́ ɓə gáá a Yai-Laa ka wɔ Yálá.»

Dutɛrɔnome 15:15

Mąąnɛ̨ɛ̨ ka ka kiliŋąhiɛ, kaa diɛ, ka kɛ a luwɔɠaa Eziptə lɔi hu, ɛlɛɛ, Yai-Laa ka wɔ Yálái ɓə ka nwun mąąɓo. Yili mąą mɛ̨nį ɓə gɛi, gɛ́ dɔ́nŋąą ŋɛ̨i tɛɛ la ka pɔ háákələi.

Dutɛrɔnome 13:10

Kɛlaa yaamun, hvo kɛ li ka baa, gwɛni tɔlɔɔ pili mą, ɛlɛɛ nɔi nuą di gbəli laa kulɔ.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Mąątɛ̨nɛ̨ 50:7

Nwɔ́ nu huwui! 'Ka ka wəli tɔɔ, gáá mɛ̨nį ɓoi, Israɛlə, gáá ə́ hɔn moi; «ɲą́ą́ ɓə gaa a Yálá, ə́ wɔ Yálá ɓaa a Ɲą́ą́!»

Lomaŋ 10:12

Yili ɓa, ɓɛlaɓo hvo Ɉuifəɠaa da huwu takpɛliɠaa di lɔwai. Di kəlee di Nąmu kaa tanɔ̨n, nui a nwoo tɛ bɔ pələ, a mɛ̨inɛ̨ɛ̨ kɛ mąą nu ɓa.

Lomaŋ 3:29

Awala kɛti, Yálá kaa lɔ mɔ̨ɔ̨ a Ɉuifəɠaa diɛ tɔ̨nɔ̨ gbən di wɔ Yálá, hvo mɔ̨ɔ̨ a huwu takpɛliɠaa di wɔ Yálá, a tɛ̨ą, gaa kpɔ a hįi kəlee nwɔ Yálá

Ɉeremi 31:1

Yai-Laa woo ka, yɛ diɛ: «Ɲələ a pa həlii, gáá pai kɛi a Israɛlə pɛlɛ́ɠaa kəlee di wɔ Yálá, diɛn, di ɓo a nwɔ́ nuą.»

Kɔlɔnikɔ Veerɛi 28:5

Nwɔ Yálái Yai-Laa ə dɛɛ Aramə tɔɔmun bɔ kɔ́ hu, yili ə kɔluwɔ tamąą hon di li a dɛ Damasə daai. Yálá ə pənə nwɔ̨nɔ̨ ə nɔ Israɛlə tɔɔmun ɲee mu, kɔ́ ə kala mą kpɔ a ɲąąnwąnąą.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 15:13

Yáá Ə́ wɔ nu huwui nwun mąąɓo, a wɛlikɛmąąlaa, a huwalawalalaa, Yáá tɔɔ di tɔwɔ, Yɛ́ li a diɛ ɓɛi ə́ wɔ Mąąhəɠəlaa kaa heeni laa.

Lɛɛ gbɔwɔ ɓa 15:16

Ɲɔw aa di hu pu diɛ, Ə́ wɔ yee walawala laa aa di mąą ɲɔw, daa di kpuwulu kɛ, yɛ kwɛni. Di kaa pai lɛɛi tí, ə lɛɛ ɉu Yai-Laa Ə́ wɔ nu huwui ə tɛɛ; a Ə́ wɔ nu huwui Ə́ di həɠə ɉu, di tɛɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Lɛɛ gbɔwɔ ɓa 20:1

Yálá ɓə nwooɠaa ŋɛ̨i kəlee ɓo, yɛ diɛ:

Lɛɛ gbɔwɔ ɓa 29:46

diɛ pɛli gbaɠala kaai, diɛ ɲą́ą́ ɓə gáá a Yai-Laa; ɲą́ą́ ɓə a di wɔ Yálá, ɲą́ą́i di kulɔ Eziptə lɔi hu, gɛ́ pɛli lɛɛi di lɔwai. Ɲą́ą́ Yai-Laa, ɲą́ą́ ɓə a di wɔ Yálá.

Levetekɔ 11:45

Mąąhɔlɔɓo, ɲą́ą́ Yai-Laa, ɲą́ą́ ɓə ka kulɔ Eziptə lɔi hu, ə gɛ, ŋį́ kɛ a ka wɔ Yálá; mąąnɛ̨ɛ̨ ka mąą ə həɠə, mąąhɔlɔɓo, mą́ą́həɠɛɛi.»

Nwun mąąɓo 2:1

Yai-Laa nwɔ malaka ə həɠə Gilgalə, ə pa Bokimə, yɛ Israɛlə lonnii diɛ: «Ɲą́ą́ ɓə ka kulɔ Eziptə lɔi hu, ŋą́ pa a kaa nɔi ŋɛ̨i hu, yai ŋą́ naakwɛlanmo ka kalaɓɔlɔni diɛ. Ŋą́ mo diɛ, gɛ́ diɛ, mįnɛ̨i gu lɔwai, vá gala.

Azaya 43:3

Mąąhɔlɔɓo, ɲą́ą́i a Yai-Laa, ə́ wɔ Yálá ɓaa a ɲą́ą́, Israɛlə nwɔ Mąąhəɠəmun, ə́ nwun mąąɓomun. Ŋą́ Eziptə kɛ a ə́ mąąhaláá hɛn, gɛ́ ə́ nwun mąąɓo la, ŋį́ Nubi da Seva di tɛɛ a ə́ mąąhvalin;

Ɉeremi 2:6

Di hvo kɛli diɛ: «Yai-Laa tii ku kulɔ Eziptə lɔi hu, gaa mį? A yaai tii tɔɔ ku tɔwɔ nɔi pun ɉu, da gbalə lɔi hu, moloon nɔi tii hu, a nɔi hu kpalaa tii, yii gaa a nu nwun na pili lɔi, ɉu kpinɛ̨ɛ̨, a lɔi yii nu hva hee ɉu.»

Ɉeremi 16:14

Hvólóɠaa kaa pai həlii, di hvo kɛa pai kɛi diɛ: Yai-Laa tii Israɛlə nuą kulɔ Eziptə lɔi hu, gaa a vulú,

Ɉeremi 34:13

«Yai-Laa Israɛlə nwɔ Yálái woo ka: Kwa ka nąnni ku woo ə laa mą, ku ɲąą yili, ɓɛlɔwai ŋį́ di kulɔ la Eziptə lɔi hu, nuwɔ pɛlɛ́ mu.

Izikiɛ 20:7

Ŋą́ kɛ diɛ; mowo mɛ̨nɠaai tii ka káá ka ɲɛ̨i kulɔi di pɔi, ka ka kili həɠə laa, ká kəlee. 'Ka hvo ka kɔ́hɔɓo a Eziptə haliɠaa, ɲą́ą́ ɓə gaa a Yai-Laa ka wɔ Yálá.

Izikiɛ 20:19

Ɲą́ą́ ɓə gáá a Yai-Laa ka wɔ Yálái, 'ka nwɔ́ tiɓoɠaai hon, ka lɛɛ nwɔ́ tɔ́n nwooɠaai pulu; ka di pɔ mɛ̨nį kɛ.

Amɔsə 2:10

Gɛɛ yili hvo kɛ, ŋį́ di kulɔ Eziptə lɔi hu. Ŋą́ lɛɛ di pɔ kwɛlan bow nąąn ɲee mu, nɔi pun ɉu. Ɛlɛɛ ɉu, nɔi ŋɛ̨i kɛ a Amɔrə nuą di wɔɔ, ŋį́ naa tɛɛ ka pɔ.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Levetekɔ 25:38

Ɲą́ą́ Yai-Laa ka wɔ Yálá ɲą́ą́ ɓə ka kulɔ Eziptə lɔi hu, gɛ́ Kanaan lɔi tɛɛ ka pɔ, gɛ́ pɛli gbɔ́wɔ́ lɛi la tii a ka wɔ Yálá.

Levetekɔ 25:42

Mąąhɔlɔɓo, nuąi ŋį́ di kulɔ Eziptə lɔi hu, nwɔ́ tí nuą li, nu ta hva pɛli di lɔwɔ́tɔɔi yɛ da kɛi luwɔ lɔwɔ́tɔɔ.

Levetekɔ 25:55

«Mąąhɔlɔɓo, ɲą́ą́ ɓə Israɛlə lonnii kɛ a nwɔ́ tí nuą, diɛi tii ŋį́ di kulɔ Eziptə lɔi hu. Ɲą́ą́ ɓə gáá a Yai-Laa ka wɔ Yála.

Dutɛrɔnome 20:1

Ka kulɔ kaa li pɛlɛi ka yowoɠaa diɛ a kɔ́, ka hooɠaa kaa, da kɔ́ kɔ́ wotoloɠaa, di kpulu hu kɛnɛ̨ dɛɛ kaa, mąą hvo nɛ̨ɛ̨li ka hvo ɲɔw; mąąhɔlɔɓo Yai-Laa ka wɔ Yálái kaa ka pɔ, yaai ka kulɔ Eziptə lɔi hu.

Nwun mąąɓo 6:10

Ŋą́ mo kaa, gɛ́ kaa: Ɲą́ą́ ɓə gáá a Yai-Laa, ka wɔ Yálá, mąą hvo nɛ̨ɛ̨li ka hvo kwɛli hvilɛn Amɔrə nuą di wɔ haliɠaai di kaa laa diɛ, ɓɛi ka káá laa heeni. Ya ka ti, ka hvo nwóó hon ni!»

Tɔɔɓɛlaa dɔlɔɔ 18:39

Ɓɛlɔwai Israɛlə nuą di gaa la tii, nu kəlee di pɛlɛ nɔi ɓa, diɛ kɛ: «Yai-Laa ɓə a Yálá! Yai-Laa ɓə a Yálá kpɔɔ kpɔɔ.»

Tɔɔɓɛlaa veelɛ 17:7

Yili ə laa tii Israɛlə nuą diɛ, mąąhɔlɔɓo, di nɛ̨ŋɛ̨n ɉəɠə Yai-Laa di wɔ Yálái ɓa, yai di kulɔ Eziptə tɔɔmun ɲee mu luwɔlaa hu. Di kɛi kɛa kwɛli hvilɛn haliɠaa diɛ,

Tɔɔɓɛlaa veelɛ 17:12

Di kɛi kwɛli hvilɛn haliɠaa diɛ, yaan, Yai-Laa ə kɛ diɛ, 'ka hvo yili kɛ.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Mąątɛ̨nɛ̨ 81:11

Ɲą́ą́, Yai-Laa, Ɲą́ą́ ɓə gáá a ə́ wɔ Yálá, Yai ə́ kulɔ Eziptə lɔi hu, 'ə́ laa taɠa kpɔ kɛnɛ̨, ŋą́ kɔ̨nɔ̨n nɔ ə́ la.

Izikiɛ 20:5

«Ɲą́ą́ Mɛ̨nį kəlee ŋą Hééɓomun Yálá nwóó laa həli diɛ, yɛ diɛ: Ɲələi ŋą́ Israɛlə həɠə la a; nííɓa lɔi, ŋą́ ɲéé tɛ yələi, ŋą́ gwɛla Ɉakɔbə yəi bɛlɛ́n nu huwu ɓa; ŋą́ gbɔ́ɔ́ lɛ diɛ Eziptə lɔi hu, ŋą́ ɲéé tɛ yələi, ŋą́ gwɛ́la, gɛ́ diɛ: Gáá a Yai-Laa ka wɔ Yálá.

Osia 12:10

Kɛlaa, ɲą́ą́ nwɛ́i, ɲą́ą́ Yai-Laa, ə́ wɔ Yálá ɓaa a ɲą́ą́, ə həɠə Eziptə lɔi hu, ə həli la yiihu ɓa. Gáá pai pənəi ŋį́ ə́ lɔ ə́ wɔ həɠə pɛlɛ́ɠaai mu, yɛ bələi ə kɛ la, a ɲələi tii, gwa kaani gu gu kee kaa la.