Lɛɛ gbɔwɔ ɓa 20:10 - Yálá laawoo hɛɓɛ (dc)

¹⁰ Kɛlaa, voló mɛ̨ihveelɛ yələ, hvįįtɔɔ yələ li, Yai-Laa ə́ wɔ Yálái nwɔɔ li. 'Hva kólói lɔpee ta kɛ a mąą yələ, ə kɛ a yɛ́ kpinįi, ə kɛ a ə́ lon ɉulɔnu, ə kɛ a ə́ lon nɛ̨ɛ̨nu, ə kɛ a ə́ wɔ luwɔ hilɛ da ə́ wɔ luwɔ nɛ̨ą, da ə́ yəi taatɛlɛɛɠaa, ə mą kɛ nwɛ̨ąi gaa ə́ yəi bɛlɛ́n.

Yálá laawoo hɛɓɛ

¹⁰ Kɛlaa, voló mɛ̨ihveelɛ yələ, hvįįtɔɔ yələ li, Yai-Laa ə́ wɔ Yálái nwɔɔ li. 'Hva kólói lɔpee ta kɛ a mąą yələ, ə kɛ a yɛ́ kpinįi, ə kɛ a ə́ lon ɉulɔnu, ə kɛ a ə́ lon nɛ̨ɛ̨nu, ə kɛ a ə́ wɔ luwɔ hilɛ da ə́ wɔ luwɔ nɛ̨ą, da ə́ yəi taatɛlɛɛɠaa, ə mą kɛ nwɛ̨ąi gaa ə́ yəi bɛlɛ́n.

Bible

¹⁰ Kɛ́lɛ mɛ̀i feerɛ ɣelei káa a fii tɔɔ ɣele Yâwɛɛ Íɣâla mɛni ma. Ífe tíi da kélee kɛ̀ a maa-ɣele tí, ƃía é pɛ́lɛ íloŋ-surɔ̂ŋ mâ da íloŋ-nɛnii, é pɛ́lɛ íyee mu-surɔ̂ŋ ma da íyee mu-nɛnii, da ítaa-tulɛi é pɛ́lɛ ŋɔ̃yai ma gáa ítaai sui.

Lɛɛ gbɔwɔ ɓa 20:10 Referans Kwoze

Lɛɛ gbɔwɔ ɓa 34:21

«Ka kóló kɛ hvóló mɛ̨ida yee mu, mɛ̨ihveelɛ yələ, ka ka hvįįtɔɔ, ə kɛ a kɛɛ hįį lɔwai, ə kɛ a ɉihɛn gulɔ lɔwai, mąąnɛ̨ɛ̨ ka ka hvįįtɔɔ.

Lukə 23:56

Nɛa tii di pənə də li di pulu, di wulɔ kun nɛ̨ɛ̨ kɛ pələ pɛli, əgɛ, di bu Jesus powa ɓa. Hvįįtɔɔ yələ, di di hvii tɔɔ yɛ pələi di bɛ̨ɛ̨ la tɔ́n ɉɛɓɛ́ hu.

Nehemi 10:31

Yii gaa tii ku hvo kɛa pai ku lonnii nɛ̨ą tɛɛi nɔi hu nuą pɔ, ə lɛɛ, ku hvo pai di lonnii nɛ̨ąą həɠəi a ku lon ɉinąą di nɛ̨ąni.

Lɛɛ gbɔwɔ ɓa 31:13

«Mo Israɛlə nuą diɛ, yɛ́ diɛ: Ka nwɔ́ túwɔ́ yələɠaa mąąwiɛ. Mąąhɔlɔɓo, gwa kaani gu lɔwai mɛ̨nį kɔ́lɔn bələ li a yələ kəlee. Ə gɛ, nuą diɛ pɛli gbaɠala kaai diɛ kɛ Ɲą́ą́ Yai-Laa, ɲą́ą́ ɓə ka mąąhəɠə.

Lɛɛ gbɔwɔ ɓa 16:26

Hvóló mɛ̨ida yee mu, ka pɛli mą ka da yɛɠɛ, kɛlaa, voló mɛ̨ihveelɛ yələ, gaa a túwɔ́ yələ, da hva kɛ laa.»

Lɛɛ gbɔwɔ ɓa 35:2

Hvoló mɛ̨ida yee mu, nuą da di mąą kóló kəlee kɛ, voló mɛ̨ihveelɛ yələ, a kɛ ka yəi a hvóló mąąwiaa, a Sabatə, a Yai-Laa nwɔ hvįįtɔɔ yələ. Nui lɔpee a kóló kɛ a mąą yələi, da baa.

Levetekɔ 23:3

«Nu kəlee ə mąą kóló kɛ hvóló mɛ̨ida yee mu, kɛlaa, voló mɛ̨ihveelɛ yələ kaa a hvįįtɔɔ hvóló; ka ka ɲąąkpɔn a mąą yələ, ka náá mąąwiɛ. Ka hvo kóló ta lɔpee kɛ a mąą yələ. Yai-Laa nwɔ hvólói li, ɓɛi lɔpee ka kɛ laa heeni, ka ka kili lɛɛ ɉu.

Izikiɛ 14:7

Nui lɔpee yɛ ə kɛ a Israɛlə nwɔ pɛlɛ́i mu mun da, yɛ ə kɛ a nwɛą yii gaa heeni Israɛlə lɔi hu, a mąą kwɛa mą́ą́, ə hali mɛ̨nį hee nį́į́ hu, ɉɛn pai dooi nɛ̨ŋɛ̨n ɉu ə ɲee kąnąn mą; yili a tɔɔ yɛ pa gwə́i mɛ̨nį hu kulɔmun mąąni kɛi, ɲą́ą́ Yai-Laa, ɲą́ą́ gbinįi ɓə ŋį́ nwoo pulu pənə.