Lɛɛ gbɔwɔ ɓa 2:25 - Yálá laawoo hɛɓɛ (dc)

²⁵ Yálá ə ɲɛ̨i hee Israɛlə lonnii diɛ, di mąąwɛli ə ɉon.

Yálá laawoo hɛɓɛ

²⁵ Yálá ə ɲɛ̨i hee Israɛlə lonnii diɛ, di mąąwɛli ə ɉon.

Bible

²⁵ Ɣâla è Eezuɛ-ŋai díluɛ-laai kàa é gbîŋ lɛ́ dîa.

Lɛɛ gbɔwɔ ɓa 2:25 Referans Kwoze

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Mąątɛ̨nɛ̨ 55:22

Naa nɛ̨ɛ̨i mą yɛ kwɛ̨in nwulɔ, Kɛlaa, nii yɛ kɔ́ kɔ́. Vaa wooɠaa nɛ̨ɛ̨i na yɛ wulɔ, Kɛlaa ɓɔwa kwɛaɠaa ka tii.

Mąątɛ̨nɛ̨ 1:6

Mąąhɔlɔɓo, Yai-Laa ə tələnmo nuą kpaalə kɔ́lɔn, Kɛlaa, nu ɲɔ̨nwɔ̨ɔ̨ɠaa kpaalə hu a kala.

Lukə 1:25

«Yii nwɛi, Ną́mu Yálá əgɛ lɔ tii, əgɛ, ə nwumɛ̨ həɠə ɲɛ̨́i nuą ɲɛ̨i ɓa.»

Maafîu 7:23

Nąąlɔwai, ŋą kɛ diɛ: ‹Və́ ka kɔ́lɔn! Ka ka mąą kwɛa mą́ą́ ka mɛ̨nį ɲɔ̨n gɛ nuą ŋɛ̨i.›»

Samia Veerɛi 16:12

Gbəli hu, Yai-Laa kaa pai ɲɛ̨́i mąąwɛli kaai, ə pənə ə nwún na nɛɛ, a háákələi nɛ̨ŋɛ̨n naa ŋɛ̨i maahvalən.»

Zôo 33:27

Yɛ́ tomą nuą ɲɛ̨i ɓa, yɛ kɛ diɛ: «Ŋą́ kɛi nɛ̨ŋɛ̨n ɉəɠə, ŋą́ kɛi túwɔ́ pələ ɲɔ̨n gulɔ, Kɛlaa Yálá nwɛi, hvo ɉón ni yɛ pələi ŋą́ túwɔ́ la.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Lɛɛ gbɔwɔ ɓa 1:8

Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Gɛlaɠaa 7:34

A tɛ̨ą, mɔ̨nɔ̨i nwɔ́ nuą kaa mįi Eziptə lɔi hu, ŋą́ą́ gaa, ŋą́ą́ di ɲiŋɛ̨ woo mɛ̨n, ŋą́ yɛɛ, ə gɛ, ŋą́ di nwun mąąɓo. Yiihu kɛa, gáá ə́ tɔɔi ə́ li Eziptə lɔi hu.›

Lɛɛ gbɔwɔ ɓa 3:9

Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Lɛɛ gbɔwɔ ɓa 18:8

Mɛ̨nįɠaai kpɔ Yai-Laa ə gɛ a Eziptə tɔɔmun da nwɔ nuąi diɛ, Israɛlə nuą mąą mɛ̨nį ɓa, Moisə ə gəlee hukulɔ mɔlɔ́ ɓa. Mɔ̨nɔ̨ɠaai laa diɛ bələ pɔ, da bələi Yai-Laa ə di kulɔ la ɉu, ə gəlee hukulɔ.

Dutɛrɔnome 26:7

Ku wɔlɔ Yai-Laa ku nąnni di wɔ Yálái ɓa. Yili ə ku wɔlɔ woo mu hon, ə ku wɔ mąąwɛli laa kaa; da mɔ̨nɔ̨i ku kɛi mįi, ə mą kɛ laanɔ̨nwɔ̨i ku kɛ ɉu.

Mąątɛ̨nɛ̨ 10:14

Ə́ wɛi, yá nu ɲɛ̨iyá da nwɔ mɔ̨nɔ̨ kaa, yá di kaa, yɛ́ di laa ə́ yee kpala, ɛlɛɛ, nui a mɔ̨nɔ̨ laa lowo, a gilitɔɔ yɛ́, Yɛ́ ɓə a təli ɓalo.

Mąątɛ̨nɛ̨ 31:8

Gáá pai mąnąi a kwəinɛ̨ɛ̨, ə́ wɔ tələnmolaa mąą mɛ̨nį ɓa, mąąhɔlɔɓo yáá nwɔ́ mɔ̨nɔ̨i kaa, da mą́ą́wɛli pələ.