Lɛɛ gbɔwɔ ɓa 2:20 - Yálá laawoo hɛɓɛ (dc)

²⁰ Di nąn yɛ diɛ: «Nu kpɔ kaa mį? Lə mɛ̨nį ɓa, ka nɛɛ laa kaa pa? 'Ka li ka dəli, ə pa, gwa diɛni gu kɔ̨nɔ̨n mįi.»

Yálá laawoo hɛɓɛ

²⁰ Di nąn yɛ diɛ: «Nu kpɔ kaa mį? Lə mɛ̨nį ɓa, ka nɛɛ laa kaa pa? 'Ka li ka dəli, ə pa, gwa diɛni gu kɔ̨nɔ̨n mįi.»

Bible

²⁰ Nya ƃe è ǹônii-nɛyãai marê kɛ̀ ǹyɛɛ diai, “Nalôŋ kpîŋ káa mí? Ká nɛ̀ɛ naa lé mɛni ma? Ka dóli kwa dîa-ni kú kúlaa míi gîe ma.”

Lɛɛ gbɔwɔ ɓa 2:20 Referans Kwoze

Zɛnɛse 31:54

Yili pulu, di haláá kulɔ laa ɲee ɓa, di di kwɛlɛ nuą təli, da diɛni di mįi, naa mįi kɛɛ pulu, da diɛni di yii laa ɲee ɓa.

Zɛnɛse 43:25

Ɉakɔbə lonnii, ɉąmą tiyɛ̨ɠąąi tii di paa la, di gələə pɛli diɛ Ɉosɛfə paa mąąkpɔn. Daa kɛ mo diɛ, diɛ kɛ mą: «Da diɛni di kaa pai hvóló ŋą kɔ̨nɔ̨n mį́i gee ɓa.»

Hebreu 13:2

'Ká hvo lɛ̨ą nwɛ̨ąlaa kɛɛ ɓa, hvo gaai, nu taɠaa di lɛɛ kpɔ nwɛ̨ąlaa kɛi, di malakaɠaa nwɛ̨ąlaa kɛ di tɛɠi.

Timote dɔlɔɔ 5:10

hvo kɛli, nu kəlee di kɛ a gɔlɔnŋąą diɛ mąątɛ̨nɛ̨ dúwɔ́ pələ lɛlɛɛɠaa hu, a nɛ̨ɛ̨nui aa lon gulɔ ɉu, ɲɛ̨i ponoɔ, yɛ kpɔnmąą tɛɛ mąąhəɠə nuą pɔ, yɛ kpɔnmąą tɛɛ mąąwɛli nuą pɔ, yɛ mɛ̨nį lɛlɛɛ huwui lɔpee gəlee kɛ nuą diɛ.

Zôo 42:11

Niɛni hinąą, da mąąhalani, da gɔlɔn nuą kpɔ tii kɛ tɔlɔɔ-tɔlɔɔ, di pa di woo pilii ma. Da diɛni di hɛli pu ɲəi bɛlɛ́n, diɛ di woolaa mɔ̨nɔ̨ kɛnɛ̨i tii Yai-Laa ə naa mą, mąą mɛ̨nį ɓa. Yili pulu nu tɛitɛi ə mɛ̨inɛ̨ɛ̨ kɛ mą a wali kpuwuluɠaa, da hɛni gbonoɠaa.

Zôo 31:32

Nwɛą hvo kɛi yii yɛnɛ̨ɛ̨ bɔ́ɔ́li, Ŋą́ kɛi nwɔ́ pɛlɛ laa ɓo hiɛ kulɔ mun dɔwɔ.

Zɛnɛse 18:5

Ŋą́ li ŋą́ kɔ̨nɔ̨n da pɛli ŋą́ paa la ka pɔ, ka mį́i, ka hu ə walawala, kaa li ka wɔ hiɛi ɓa, ə gɛ, ka hvə pa tɛɛ ɓɛ bɔ́ɔ́li kpɛli-kpɛli.» Nwɛ̨ąąi tii di nwoo ɲąąpənə, diɛ mą: «Bələi tii ə mo la, gɛ tii, kwaa hvaa mą.»

Zɛnɛse 29:13

Yii lɔ Laban ə mąąhala Rebeka lon ɉulɔnu pa mɛ̨nį bələ mɛ̨n, ə gilɛ həɠə, ə li ə Ɉakɔbə laakwiɛn, da yaa di pa bɛlɛ́ laaləi. Ə mɛ̨nį kəlee hukulɔ Laban ɓa.

Lɛɛ gbɔwɔ ɓa 2:19

Nonnii diɛ mą: «Eziptə hulɔnu ta ka tii, ɓɛlɔwai daatɛlɛɛ mɛ̨i kaa nuąi ti a ɉinąą, di kpəɲan na ku tɔwɔ, ya ɓə tɔɔ ku pulu, ə yá haɠa ə dɛɛ ku wɔ taatɛlɛɛɠaai pɔ, di di kpələ.»

Lɛɛ gbɔwɔ ɓa 2:21

Pai Moisə ə mo, ə lɛɛ ɉulɔnui tii pɔɔli. Yili yaan, ə non Sipora tɛɛ Moisə pɔ a nɛ̨ą.