Lɛɛ gbɔwɔ ɓa 2:10 - Yálá laawoo hɛɓɛ (dc)

¹⁰ Naa kulɔi ə mo ɲįnį ɓa, ə ɉəɠə, ə li la tɔɔmun non pɔ. Tɔɔmun non ə nokoloi tii həɠə a non, ə naa hee a: Moisə. Mąąhɔlɔɓo, yɛ diɛ: «Ŋį́ nwun mąąɓo ya yəi.»

Yálá laawoo hɛɓɛ

¹⁰ Naa kulɔi ə mo ɲįnį ɓa, ə ɉəɠə, ə li la tɔɔmun non pɔ. Tɔɔmun non ə nokoloi tii həɠə a non, ə naa hee a: Moisə. Mąąhɔlɔɓo, yɛ diɛ: «Ŋį́ nwun mąąɓo ya yəi.»

Bible

¹⁰ Tãi ǹôloŋ è kɛ̀tɛ lai, è pà la Gâloŋ ǹóŋ-nɛnii pɔ́. Ǹôloŋ è nâa kɛ̀ a gâloŋ ǹóŋ-nɛnii ǹóŋ. È ǹáa sèe a Mose, ǹyɛɛi, “Kpɛ́ni fêi, ŋá gùla yá su.”

Lɛɛ gbɔwɔ ɓa 2:10 Referans Kwoze

Hebreu 11:24

Laa na laa háálai, Moisə kɛnɛ̨i ə mo, hvo hvaa mą di hvo dəli a Faraɔn lon nɛ̨ɛ̨nu, lon.

Samuɛlə dɔlɔɔ 1:20

Anə ə koo həɠə, naayɛɛ lɔwai həliɛ, ə naayɛɛ a lon ɉulɔnu ə naa hee a Samuɛlə, mąąhɔlɔɓo, ŋą́ vɛli Yai-Laa ɓa.

Zɛnɛse 16:11

Ə́ kaa pai lon ɉulɔnu hɔlɔɓoi, ə́ naa hee a Ismaɛlə. Mąąhɔlɔɓo, Yai-Laa aa ə́ wɔ laanɔ̨nwɔ̨ kaa.

Zɔ̂ŋ Maa-ŋuŋ 3:1

Nwɛlikɛmąą laa kɛnɛ̨i Nąn ə gɛ a guɔ, 'ká gaa tai, da gu təli a Yálá lonnii; ɛlɛɛ, gu kaa kpɔ tii la! Yili ɓə aa gɛ, yɛnɛ̨ɛ̨ hva pɛli gu kɔlɔn ɉii; gbala ə tɔɔ, di ɲɛ̨i hvo ni pono li Yálá ɓa.

Galatə 4:5

Ə pa, ə gɛ, nuąi kɛ dɔ́n mu, ə di nwun mąąɓo, ɛlɛɛ, mąąlaa ə tɛɛ gu pɔ, guɔ pɛli kɛi la a Yálá lonnii.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Zɛnɛse 48:5

Yiihu kɛa, non veelɛi ŋɛ̨i ə́ ɉɔlɔɓo ɓɛ Eziptə lɔi hu gɛɛ və́ pai, diɛ ɓaa: Ɛfraimə da Manase, gáá di laa tooi nwɔ́ lonnii pɔ, yɛ bələi Rubɛn da Simeɔn di kaa la.

Zɛnɛse 4:25

Adamə da nɛ̨ą di pənə di lon ɉulɔnu takpɛli hɔlɔɓo, di naa hee a Sɛtə. Ɛvə yɛ diɛ: «Yálá aa hvaa mą, Abɛlə ŋɛ̨i Kain ə baai, aa bɔɔi tɛɛ bɔ́.»

Lɛɛ gbɔwɔ ɓa 2:9

Tɔɔmun non yɛ nɛ̨ɛ̨nui ɓa: «Nokoloi ŋɛ̨i həɠə, ə́ li la, ə́ gulɔ ɉu. Gáá pai ə́ hvɛla kulɔi.» Nɛ̨ɛ̨nui ə li a non, ə gulɔ ɉu.

Samia Veerɛi 22:17

Ə lɛɛ ɲələi, ə gbə́ŋə, ə gúlɔ ɲa leeɠaa yəi.