Lɛɛ gbɔwɔ ɓa 19:18 - Yálá laawoo hɛɓɛ (dc)

¹⁸ Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Yálá laawoo hɛɓɛ

¹⁸ Sinai yee ə kɛ lɔ a nwɔ̨n nulu. Mąąhɔlɔɓo, Yai-Laa aa kɛ yɛɛ laa nwɔ̨n ɉu, nwɔ̨n nulu ə kɛi tɛ yɛ kpaɠa nwɔ̨n nulu, ɲee yɛ kpɛlin gbɔ kɛnɛ̨.

Bible

¹⁸ Sana Yeei ma è kpìni kpɔ́ a luru. Kpɛ́ni fêi, Yâwɛɛ è kɛ̀ naa kpɔ́ yɛ̂ɛ suluŋ ŋɔŋ-luru. Ǹûai kélee dí kpɛ̀liŋ kpɔ́ a zu kɛ́tɛ.

Lɛɛ gbɔwɔ ɓa 19:18 Referans Kwoze

Nwun mąąɓo 5:5

Yeeɠaa di kɛi kpɛlin Yai-Laa ɲɛ̨itɔwɔ, ə mą kɛ, Sinai yee yaa kpɛli. Yai-Laa, ə́ kaa a Israɛlə nwɔ Yálá.

Mąątɛ̨nɛ̨ 144:5

Yai-Laa, yələ kɔ́lɔn voloon, ə́ yɛɛ, tunwɔ̨n yeeɠaa diɛ, di mɛ̨i lulu ə tɛ!

M̀ɛni-lɛɛi 15:8

Ɛlɛɛ, Yálá hee pɛlɛ́ laa ə hvɛɛ a lulu, Yálá nwɔ mąąwiɛlaa, da ŋą yəi kɛnɛ̨laa mąą mɛ̨nį ɓa. Ɛlɛɛ, nui lɔpee ta hva pɛli kɛ lɔi yálá hɛlɛ́n, ə lɛɛ ɉu, mɔ̨nɔ̨ mɛ̨ihveelɛi tii malaka mɛ̨ihveelɛi tii yəi, bɔ mɛ̨nį ə kɛ.

Lɛɛ gbɔwɔ ɓa 3:2

Nąą ɓə Yai-Laa nwɔ malaka ə gbɔwɔ lɛ laa mą nwɔ̨n nən gɛnɛ̨ hu wulu lon da ɓa. Moisə ɲɛ̨i ə kɛ nwului tii ɓa, nwɔ̨n yɛ ɓo mą nąą kəlee, kɛlaa, hvo kɛi gələn.

Ɉeremi 4:24

Ŋą́ ɲɛ̨i hee ɲeeɠaa diɛ; di kaa kpɛli ɉii. Ɲee kpu kpuɠaa kəlee diɛ gɛ ɉuwu-ɉuwu.

Zɛnɛse 19:28

Ɓɛlɔwai ə ɲɛ̨i hee la Sodomə taa da Gomorə taa di mɛ̨i pələ, da di kwɛlɛ lɔiɠaa kəlee, ə lulu kɛnɛ̨ ta kaa yɛ tɛ kpɔ yɛ tíi kɛnɛ̨ kələn nulu.

Mąątɛ̨nɛ̨ 104:32

A ɲɛ̨i pili lɔi mɛ̨i, lɔi mąą a kpɛlin, A tunwɔ̨n yeeɠaa diɛ, di mɛ̨i lulu yɛ tɛ.

Dutɛrɔnome 33:2

«Yai-Laa ə kulɔ Sinai yee ɓa pələ yɛ pa. Yɛ bələi hvóló a ɓɛla la, ə həɠə Seirə pələ, ə ɓɛla nwɔ nuą mɛ̨i, yɛ həɠə Paran yeeɠaa lɔwai ə pa nwɔ nuąi pɔ, nwɔ malakaɠaa di ɓo bɔ; nwɔ tɔ́n yɛ ɓo ɲəi yɛ kpalan nən.

Dutɛrɔnome 5:22

Yai-Laa ə mɛ̨nįɠaai ŋɛ̨i ɓo ka kəlee kaa, ka ɲąąkpɔnŋąą, ə kɛ ɲee nwuɔ̨ nwɔ̨n ɉąą nwɔ̨n nulu da tulɔ kpinįn ɉuwia hu, a nwoo kɛnɛ̨, ɛlɛɛ, hvo mɛ̨nį ta pɛlɛ mą. Ə di pɛ̨ɛ̨ kwɛni ɓɛla hveelɛ mɛ̨i, ə gwɛni ɓɛlaɠaai tii tɛɛ bɔ́.

Lɛɛ gbɔwɔ ɓa 24:17

Yai-Laa Mąąɲinɛ̨n ə lɛ Israɛlə lonnii diɛ yɛ nwɔ̨n nən ɲee tona.

Hebreu 12:26

Yálái ŋɛ̨i nwoo ə kɛi lɔi tumo, aa mo yiihu, yɛ: «Gáá pai lɔi kpɛlin ɉi tanɔ̨n gbən a gbəli-kpəli, hva lɛɛ lɔ a lɔi yaa tanɔ̨n, yələkɔlɔn naa kaa ɉu.»

Azaya 6:4

Gbonŋąą di kɛi kpɛlin, di tómą nwoo ɓa, Yálá hee pɛlɛ́ laa ə hvɛɛ a nwɔ̨n nulu.

Zɛnɛse 15:17

Ɓɛlɔwai kpinį ə pɛlɛ la, ɲąąɓa, nwɔ̨n deŋą ta ə tɛɛ, ɉuwɔɠaai tii ləi Abramə ə ɉu tee-tee, di mɛ̨i, nwɔ̨n nən yɛ ɓo mą.

Piɛrə veelɛ 3:10

Ną́mu Jesus pa hvóló kaa pai kɛi yɛ nwuɔ̨ mun bai lɔwai. Yələkɔlɔn gaa pai tɛɛi a tin gɛnɛ̨, yələ kwəi hɛnŋąa kəlee kaa pai həɠeen ɉi, lɔi da ɉu hɛnŋąa kəlee di kaa pai kələn ɉi.

Hebreu 12:18

Ká hvo ká mąąlɛɠɛ li hɛn da ɓa, yii nu yá ə́ yee tunwɔ̨n mą, yɛ bələi: Nwɔ̨n nən, kɛɛkpinįɛ, kpinį, túlɔ́-hvaŋą,

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Maafîu 24:7

Lɔi kaa pai kɛ kɔ́ pɛlɛi lɔi takpɛli ɓa; tɔɔɓɛlaa diɛ kɔ́ pɛlɛ di kee ɓa. Pulu kpɛa-kpɛaɠaa diɛ too; lɔi yɛ kpɛlin yɛ pu ɉu nąą taɠaa.

Zakari 14:5

Kaa kaa pai kɛi pui kaa li nɛ̨ŋɛ̨ lɔi hu, yai gaa ɲeeɠaa lɔwai, mąąhɔlɔɓo, nɛ̨ŋɛ̨ lɔi tii ɲee lɔwai, gaa pai həlii kpɔ Asalə, ka káá pai pui lɔ yɛ bələi ka pu la, a ɲələi nɔi ə kpɛlin na, a Ɉuda tɔɔmun Oziasə nwɔ yələi. Yili pulu, Yai-Laa nwɔ́ Yálái kaa pai pai, nwɔ nu mąąhəɠɛɛɠaa kəlee di ɓo bɔ.

Mąątɛ̨nɛ̨ 114:7

Lɔi, 'kpɛlin 'ə́ pɛlimun tɔwɔ, yai a Ɉakɔbə nwɔ Yálái, tɔwɔ.

Mąątɛ̨nɛ̨ 77:18

Tulɔ kpinįnŋaa di tulɔ pu, tulɔ yɛ duwɔ, ə́ wɔ mɛ̨ɛ̨kɔwɠaai diɛ kulɔ pələ kəlee.

Lɛɛ gbɔwɔ ɓa 20:18

Israɛlə nu huwu kəlee di ɲələgbąnąą tíŋąą tii mɛ̨n, da dulu woo, diɛ nwɔ̨n nən gaa, da nwɔ̨n nulu, yɛ kulɔ ɲee hu, di kulɔ pulu, di mąą yɛ kpɛlin.

Lɛɛ gbɔwɔ ɓa 19:13

Nui a gulɔ nwəlii, a ɉɔn ɲɔ̨n tii kɛ, nu ta hvo ɲee tunwɔ̨n mąą nu ɓa, kɛlaa, da ɉɔɔ a kwɛni ə haa, a wala kɛ ti, da mon a tonwą; ə kɛ a taatɛlɛɛ, ə mą kɛ a nu kan, mąą hvo nɛ̨ɛ̨li hvo lɛɛ yɛnɛ̨ɛ̨. Ɓɛlɔwai dulu woo kaa pai tɔɔi la, nu taɠaa kaa pai tɛi ɲee ɓa.»

Tɛsalonikə veelɛ 1:7

ɛlɛɛ, káái di heɛ ká mɛ̨i, gaa pai hvįitɔɔ tɛɛi gu pɔ, a ɲələi gu Nąmu Jesus kaa pai pai la, yɛ həɠə yələi pələ, da malakaɠaai ŋą huwalawalalaa hu,

M̀ɛni-lɛɛi 9:2

Ə nowa kpon gweaa laa ɓo, ɛlɛɛ, lulu ta yɛ kulɔ laa, yɛ hulun gɛnɛ̨ ta hu lulu. Ə́ vóló hu tɛɠi, ɛlɛɛ da hvaŋą.

Zɛnɛse 11:5

Yaan, Yai-Laa ə yɛɛ, ə gɛ, ə daai tii mąąkpɛɛ, ɛlɛɛ bɛlɛ́i ŋɛ̨i nuą kaa dɔɔi, ə gaa.

Lɛɛ gbɔwɔ ɓa 19:17

Moisə ə mo nuą diɛ, di kulɔ ɓɛi di kɛ laa, diɛ li Yai-Laa laakwiɛn ɉi, di tɔɔ ɲee kɔ́wɔ la.

Lɛɛ gbɔwɔ ɓa 34:2

Ə́ kɛ pələ pɛli, tínąą ə́ tɛ Sinai yee nwuɔ̨ yələwala pinɛ̨ɛ̨, ə́ tɔɔ nííla laa ɲee nwuɔ̨.

Dutɛrɔnome 5:4

Yai-Laa ə pələ ɓo kaa ɲee tonna, nwɔ̨n ɉąąi, ka ɲɛ̨i heɛ ka kee ni diɛ.

Azaya 64:1

Yɛ nwɔ̨n gaa lɔwɔ kələn ɉi, yɛ nwɔ̨n a kɛli yáɠaa nɛ̨n, əgɛ ə́ yowoɠaa di pɛli ə́ laa kɔ́lɔn ɉi, lɔiɠaa hu a pu kɛ diɛ ə́ tɔwɔ.

Dutɛrɔnome 4:36

Ə lɛɛ yələkɔlɔn ɉu, yɛ ka mąąkwɛli a nwoo, ka lɛɛ lɔi mɛ̨i, ə nwɔ nwɔ̨n gɛnɛ̨i lɛ kaa, ɛlɛɛ, ka nwooɠaa mɛ̨n nwɔ̨n nən ɉu.

Nehemi 9:13

Ə́ lɛɛ yələkɔlɔn ɉu, ə́ pələ ɓo diɛ, ə́ yɛɛ Sinai yee nwuɔ̨. Ə́ tíɓo haŋąą tɛɛ di pɔ, da tɛ̨ą tɔ́nŋąą da di hiɛ pələ. Da yɛnɛ̨ɛ̨ kɛ pələ a nɛlɛɛ.

Mąątɛ̨nɛ̨ 18:9

Nwɔ̨n nulu ə kɛi kulɔ ɉunwɔ̨i, kɛɛ kala nwɔ̨n nən yɛ kulɔ na, nwɔ̨n dəŋąɠaa diɛ ɓo ɉu.

Mąątɛ̨nɛ̨ 68:9

lɔi ə kpɛlin, yələ kɔ́lɔn gbɛlimąn, ə həɠeen Yálá ɲɛ̨itɔwɔ, yai Sinai yee nwuɔ̨, Yálá ɲɛ̨itɔwɔ, a Israɛlə nwɔ Yálái.

Mąątɛ̨nɛ̨ 77:19

Ɓɛlɔwai ə́ wɔ yələ gbąnąąi ə kɛi pola la, Mąną-mąnąɠaa diɛ lɔi mɛ̨i pɔ̨nɔ̨, lɔi ə tumo, ə kpɛlin.

Mąątɛ̨nɛ̨ 114:4

Yeeɠaa diɛ pili yələi, yɛ ɓɛlaa hilɛɠaa, yee kpu kpuɠaa diɛ gɛ yɛ ɓolu lonnii.

Habakukə 3:6

A kpɛla a tɔɔ, lɔi yɛ kpɛlin A ɲɛ̨i hee lɔiɠaa diɛ, diɛ kpɛlin a ɲɔw. Yee kpɛa kpɛaai wɔlɔ kɛ laa, da ɓuwɔ, Ɲee kpu kpuɠaa diɛ taɠa, diɛ kɛ a pələlee.