Lɛɛ gbɔwɔ ɓa 19:14 - Yálá laawoo hɛɓɛ (dc)

¹⁴ Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Yálá laawoo hɛɓɛ

¹⁴ Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Bible

¹⁴ Nya ƃe Mose è kùla ǹyéei tôŋ su é lí ǹûai pɔ́ naa ǹyée kwára é díkɛ dí díseɣe-ŋai wáa.

Lɛɛ gbɔwɔ ɓa 19:14 Referans Kwoze

Lɛɛ gbɔwɔ ɓa 19:10

Yai-Laa yɛ Moisə ɓa: «Li ə́ mo Israɛlə lonnii diɛ, di di mąąhəɠə háákələi da tinąą; di di mąą həɠəɠaa waa.

Zɛnɛse 35:2

Ɉakɔbə ə mo ɲəi bɛlɛ́n nuą diɛ da bɔ nuą, yɛ diɛ: «Ɉaliɠaai ka yəi, ka ka yee kulɔ gəlee hu, ka ka mąąhəɠə, ka ka mąą həɠəɠaa mąąhvalin.

Lɛɛ gbɔwɔ ɓa 19:13

Nui a gulɔ nwəlii, a ɉɔn ɲɔ̨n tii kɛ, nu ta hvo ɲee tunwɔ̨n mąą nu ɓa, kɛlaa, da ɉɔɔ a kwɛni ə haa, a wala kɛ ti, da mon a tonwą; ə kɛ a taatɛlɛɛ, ə mą kɛ a nu kan, mąą hvo nɛ̨ɛ̨li hvo lɛɛ yɛnɛ̨ɛ̨. Ɓɛlɔwai dulu woo kaa pai tɔɔi la, nu taɠaa kaa pai tɛi ɲee ɓa.»

Lɛɛ gbɔwɔ ɓa 19:15

Yɛ nuą diɛ: «Gɛɛ hvóló haaɓa hvo tɛɛ, mąąnɛ̨ɛ̨, ka mąą mɛ̨nį kəlee ə kɛ a bɛliɛ ɉu, nu ta hvo laa nɛ̨ą kwɛlɛ.»

Samuɛlə dɔlɔɔ 21:5

Ɉaláá laa həli mun yɛ Davidə ɓa: «Lɛɠɛ kpɛli-kpɛli hvo ɲəi, kɛlaa, ɉaláá lɛɠɛ ta kaa ɓɛ. Akɛ ə́ pɔ nuą di hvo ni lɛɠɛ li nɛ̨ąą diɛ.»

Kɔlɔnikɔ Maa-ŋuŋ 15:12

Ə mo diɛ yɛ diɛ: Kaai ɓaa Levi huwuhu nuą nwun nąmįną, 'ka ka mąąhəɠə, ka ká yəi bɛlɛ́n nuą kəlee, yili pulu, ka li ka Yai-Laa Israɛlə nwɔ Yálái nwɔ mįnɛ̨ kəhi həɠə, ka paa la ɓɛi ŋį́ nąą pɛli a nwɔɔi.

Lonon mo 31:23

Hɛnŋąą kpɔ nwɔ̨n va di kələn, ka di lɔ nwɔ̨n ɉu, di mąąhəɠə mɛ̨nį ɓa. Yili pulu, ka di mąąhəɠə a yá mąąhəɠɛɛ. Ɉɛnŋąąi tii nwɔ̨n va ɲɛ̨i tɔɔ diɛ, ka di mąąhəɠə lɔ a yá.