Lɛɛ gbɔwɔ ɓa 19:13 - Yálá laawoo hɛɓɛ (dc)

¹³ Nui a gulɔ nwəlii, a ɉɔn ɲɔ̨n tii kɛ, nu ta hvo ɲee tunwɔ̨n mąą nu ɓa, kɛlaa, da ɉɔɔ a kwɛni ə haa, a wala kɛ ti, da mon a tonwą; ə kɛ a taatɛlɛɛ, ə mą kɛ a nu kan, mąą hvo nɛ̨ɛ̨li hvo lɛɛ yɛnɛ̨ɛ̨. Ɓɛlɔwai dulu woo kaa pai tɔɔi la, nu taɠaa kaa pai tɛi ɲee ɓa.»

Yálá laawoo hɛɓɛ

¹³ Nui a gulɔ nwəlii, a ɉɔn ɲɔ̨n tii kɛ, nu ta hvo ɲee tunwɔ̨n mąą nu ɓa, kɛlaa, da ɉɔɔ a kwɛni ə haa, a wala kɛ ti, da mon a tonwą; ə kɛ a taatɛlɛɛ, ə mą kɛ a nu kan, mąą hvo nɛ̨ɛ̨li hvo lɛɛ yɛnɛ̨ɛ̨. Ɓɛlɔwai dulu woo kaa pai tɔɔi la, nu taɠaa kaa pai tɛi ɲee ɓa.»

Bible

¹³ Núu fé pâi lɛɣɛ̂i maa nuui ma a ǹyée, kɛ́lɛ da pâi maa nuui sɔɔ̂i a kɔni kpaa máŋ dí m̀óŋ a sɔ̀la é lɛ̀ɛ la zu é saa. A nɛ̃ɛ ma kpîŋ é kɛ́ a núu-kpune kpaa máŋ taa-tulɛ vé lɛ̀ɛ a vúlu. Tãi da dúrii wóo mɛni lai da pâi pâi ǹyéei ma.”

Lɛɛ gbɔwɔ ɓa 19:13 Referans Kwoze

Hebreu 12:20

Mąąhɔlɔɓo, di hva pɛli kɛ mɛ̨nįi ti dɔ́n mu. Dɔ́n ti ɓaa kɛ: «Nui lɔpee a mąąlɛɠɛ ɲee ɓa, ə kɛ a taatɛlɛɛ, da ɉɔɔ a kwɛni ə haa!»

Lɛɛ gbɔwɔ ɓa 19:19

Dulu woo ta lɔ ɓə kɛi pɛlɛ mą, ɓɛlɔwai Moisə ə kɛi hvaa la, Yálá yɛ bulu pənə, yələ gbąnąą woo hu.

Lɛɛ gbɔwɔ ɓa 19:16

Voló haaɓa yələ, yələwala pɔ, yələ gbąnąą tín ə tɔɔ, mąną-mąną ə gɛ, tulɔ kpinįn ɉuwia ə yɛɛ ɲee ɓa, tulu woo kɛnɛ̨ yɛ tɔɔ, nɔi lonnii kəlee diɛ kpɛlin ɓɛi di kɛ laa tɔɔni.

Tɛsalonikə dɔlɔɔ 4:16

Gbala ə tɔɔ, malaka kɛnɛ̨ ɓə pai nwoo pilii, ɛlɛɛ, Yálá nwɔ túlúi woo ə tɔɔ, gu Nąmu yaa kpinįi, a yɛɛ yɛ həɠə yələi, a kɛ tii, nuąi haa Kristə hu, da gbɛa nwun,

Korɛntə dɔlɔɔ 15:52

lɔ tii tanɔ̨n, a nu ɲɛ̨i yalima tanɔ̨n, a dúlú kpɛli hvɛɛi lɔwai. Gbala ə tɔɔ, dúlú woo a pa tɔɔi haa nuą da nwun a di mąąhəɠɛɛ, ɛlɛɛ, guɔn, gu mąą ə hvalin.

Lɛɛ gbɔwɔ ɓa 19:14

Moisə ə ɲee yɛɛ, ə pa nuą pɔ. Ə nuą mąąhəɠə, di di mąą həɠəɠaa waa.

Lɛɛ gbɔwɔ ɓa 19:17

Moisə ə mo nuą diɛ, di kulɔ ɓɛi di kɛ laa, diɛ li Yai-Laa laakwiɛn ɉi, di tɔɔ ɲee kɔ́wɔ la.

Lɛɛ gbɔwɔ ɓa 34:3

Nu takpɛli hvo lɛɛ ə́ pɔ, mąą hvo nɛ̨ɛ̨li di hvo nui lɔpee kaa ɲee ɓa, ə mą kɛ taatɛlɛɛ ɓə, ə tikpə ə kɛnɛ̨, da hvo naa mįi laa ɲee ɓa.»

Nwun mąąɓo 20:37

Gɔ́kulááɠaa tii di kulɔ di loo pələi, di pɛlɛ Givea taa ɓa, di ɉu nuą kəlee paa.