Lɛɛ gbɔwɔ ɓa 18:24 - Yálá laawoo hɛɓɛ (dc)

²⁴ Moisə ə nwəli tɔɔ mɔlɔ́ woo ɓa, mɛ̨nįɠaai yili ə mo mą, ə gəlee kɛ.

Yálá laawoo hɛɓɛ

²⁴ Moisə ə nwəli tɔɔ mɔlɔ́ woo ɓa, mɛ̨nįɠaai yili ə mo mą, ə gəlee kɛ.

Bible

²⁴ Mose è ŋ̀óli tɔ̀ɔ mɛni-ŋai kélee ma m̀ɔ̂lɔ è mò mai. È gélee kɛ̀ yɛ̂ɛ berei è mò la mai.

Lɛɛ gbɔwɔ ɓa 18:24 Referans Kwoze

Korɛntə dɔlɔɔ 12:21

Ɲɛ̨i kɔ́w hva kɛ yee ɓa: «Mą́ą́ kpaan və yɛ», ə mą kɛ, nwun galən hva pɛli kɛi kɔ́wɔ ɓa: «Mą́ą́ kpaan və yɛ́.»

Hanwon 1:5

Ə mą kɛ kilimąą nuą diɛ kpɛli, da di wəli tɔɔ mą, da dɔlɔ kaa. Nwun gɛ ɉu nuą da taalə hɔlɔɓo ɉu.

Ɛsdrasə 10:5

Ɛsdrasə ə muhəɠə nąąlɔwai, ə mo ɉaláá laa həli nuą nwunąməną diɛ, da Levi huwuhu nuą, da Israɛlə nu huwu kəlee, di di kwɛla; di gɛ yɛ bələi di mo la.

Ɛsdrasə 10:2

Ya ɓə, Yehiɛlə lon Sekania, yai kɛ a Elamə lon da, ə mo Ɛsdrasə ɓa, yɛ mą: «Kwa ku hɔn gɛ a Yai-Laa, a huwu takpɛli nɛ̨ąą həɠəi ku mo a ku nɛ̨ąni, kɛlaa ə mą kɛ tii, Israɛlə kilitɔɔi wolo kaa laa.

Lɛɛ gbɔwɔ ɓa 18:19

Ə́ wəli tɔɔ nwóó ɓa, gáá gɛ pələ lɛi yɛ́, ɛlɛɛ, Yálá ə tɔɔ ə́ pulu! Kɛ́ lɔ Yálá da nuą ŋɛ̨i di lɔwai, yɛ́ ɓə mąąnɛ̨ɛ̨ yɛ́ di mąą mɛ̨nįɠaa laa həli Yálá ɓa.

Lɛɛ gbɔwɔ ɓa 18:23

Ya yili kɛ tii, Yálá kaa pai kɛi gwəi mɛ̨nįɠaa hukulɔi yɛ́, ə́ yee kaa pai pɛlii góló ɓa, yili pulu, nuą da pɛli di li di pulu liilaa hu.»

Lɛɛ gbɔwɔ ɓa 18:25

Moisə ə nuą həɠə Israɛlə lonnii kəlee lɔwai a nu ɓɛlɛmąąɠaa, ə di hee nuą nwun na, nu waa tɛitɛi nwun na, nu nwun dɛitɛi nwun na, nu pow lɔɔli lɔɔli nwun na, da nu pow pow nwun na.

Dutɛrɔnome 1:9

Moisə ə mo nwɔ̨nɔ̨ yɛ diɛ: ŋį́ kɛ kaa: «Ɲą́ą́ dɔ̨nɔ̨ gbən vá pɛli ka mu.

Mąątɛ̨nɛ̨ 78:53

Ə kɛi li a diɛ a nɛlɛɛ, di hvo kɛi ɲɔw, gboloyá ə hiɛ la di yowoɠaa mɛ̨i.