Lɛɛ gbɔwɔ ɓa 18:23 - Yálá laawoo hɛɓɛ (dc)

²³ Ya yili kɛ tii, Yálá kaa pai kɛi gwəi mɛ̨nįɠaa hukulɔi yɛ́, ə́ yee kaa pai pɛlii góló ɓa, yili pulu, nuą da pɛli di li di pulu liilaa hu.»

Yálá laawoo hɛɓɛ

²³ Ya yili kɛ tii, Yálá kaa pai kɛi gwəi mɛ̨nįɠaa hukulɔi yɛ́, ə́ yee kaa pai pɛlii góló ɓa, yili pulu, nuą da pɛli di li di pulu liilaa hu.»

Bible

²³ À kɛ̀ ƃà m̀ɛni-ŋai ŋí kɛ̀ nyii-ŋai díkaa a Ɣâla nîa-mɛnii, gɛ̀ ní a pâi wála-wala tɛɛ̂i ípɔ ífe pâi kɔlɔ kpɛ̂ɛ íkpîŋ ma. Ǹyaŋ gɛ̀ ní ǹûai kélee da pâi liî pôlu lii-see su.”

Lɛɛ gbɔwɔ ɓa 18:23 Referans Kwoze

Lɛɛ gbɔwɔ ɓa 18:18

Ə́ hvii kaa pai kpɛɛi, ə mą kɛ nuą ŋɛ̨i ə́ pɔi. Góló kɛnɛ̨i dɛɛ yɛ́, yɛ́ tɔ̨nɔ̨ hva pɛli mu.

Samuɛlə dɔlɔɔ 8:22

Yai-Laa yɛ Samuɛlə ɓa nąąlɔwai: «Ə́ wəli tɔɔ di woo ɓa, tɔɔmun dɛɛ di pɔ. Samuɛlə yɛ Israɛlə nuą diɛ; nu kəlee ə li kɛa bɔ taai.»

Samia Veerɛi 18:3

Nuą diɛ mą: «Mąą hvo nɛ̨ɛ̨li hvo li gɔ́ mɛ̨i, mąąhɔlɔɓo, kwa pu, yili hvo pai ku yowoɠaa lii kulɔi diɛ, ə ma kpɛli kɛ daa ku kpulu bələ tɔ̨nɔ̨ paa, yili hva kpɛli kɛ di ɲɛ̨i ɓa a mɛ̨nį ta. Kɛlaa, yɛ́ tɔ̨nɔ̨ gbən, ə́ mąąnɛ̨ɛ̨ ə lɛɛ ɓɛ daai, ə gɛ bələi a kɛ la, ə́ nuą tɔɔ di pa di ku yee kɔ́w kɛ ɉu.»

Zɛnɛse 18:33

Ɓɛlɔwai Yai-Laa ə kpɛɛ la a nwooɠaai tii ɓoɔ Abrahamə ɓa, di di ɓɛlaɓo, Abrahamə yɛ pa ɲəi bɛlɛ́ laaləi.

Galatə 2:2

Yaan mɛ̨nį ta ɓə di nɛ mą́ą́ pono ɲą, yili ɓə gɛ, gɛ́ li laa, ɛlɛɛ, Nwɛlɛɛ lɛlɛɛi ŋį́ kɛi naa həli huwu takpɛliɠaa lɔwai, ŋą́ nɛ diɛ, ŋą́ pənə nwɔ̨nɔ̨, ŋą́ nɛ nu mąą nwumąąɠaai kɛ laa, kwa diɛni ku hee, ŋį́ ɉukulɔ diɛ; ə gɛ, və́ pa gilɛ gbɛli həɠə.

Gɛlaɠaa 15:2

Yili ə nuą ɲąąhee geeɓa, Polə da Barnabasə da nuą ti di ɉuyala kpɔ kɛnɛ̨, di woo ə pɛli ɉu, diɛ: Polə da Barnabasə da di wɔ nuą taɠaa di tɛ Ɉerusalɛmə, gɛlaɠaa da galanɉonŋaa kaai, mɛ̨nįi ti ɓo mɛ̨nį ɓa.

Samia Veerɛi 21:17

Kɛlaa, Seruya lon Avisai ə pa ə kpɔmąą tɛɛ Davidə pɔ, ə Filisti mun tii paa. Nąąlɔwai ɓə Davidə nwɔ nuą di ɉuhvɛli la mą, diɛ mą: «Gwa gaani gu hva kɛa li kɔ́ mɛ̨i, ə gɛ, hvó pa Israɛlə nwɔ nwɔ̨n luwun.»

Samia Veerɛi 19:39

Tɔɔmun yɛ mą: «Ee! Ŋą́ą́ hvaa mą, kwa Kimhamə ni ku kaa lii, yii lɔpee ə́ kaa bɔ, ya ɓə gáá lii gɛi ma. Yii lɔpee a laa a ə́ lii, ya ɉuhvɛli mą́ą́, ya ɓə gáá lii gɛi ma, ə́ laa hu.»

Zɛnɛse 30:25

Ɉosɛfə kaa pulu, Ɉakɔbə ə mo gála Laban ɓa, yɛ mą: «Gɛ́ kɛa ŋį́ pənə ŋį́ li ku pɔ lɔi.

Lɛɛ gbɔwɔ ɓa 16:29

Mąąnɛ̨ɛ̨ ka gɔlɔn kaa Yai-Laa aa túwɔ́ hvoló tɛɛ ka pɔ, ə gɛ ka ka hvįįtɔɔ. Yili ɓə gɛ, voló mɛ̨ida yələ, a hvóló hveelɛ kɔ̨nɔ̨n dɛɛ ka pɔ. Yili ɓa, nu kəlee ə lɛɛ ɉeei, nu ta hvo kulɔ bɔɔli a voló mɛ̨ihveelɛ yələ.»

Lɛɛ gbɔwɔ ɓa 18:22

Diɛ ɓə pai kɛi nuą kiti teei a yələ kəlee. Yii a kɛ a mɛ̨nį walawala, di paa la ə́ lííla. Kɛlaa, mɛ̨nį pɛlɛɛ pɛlɛɛɠaa di wɛi, nuą tii ɓə da yili ɲɛ̨i kulɔ diɛ kpinįi. Gɛ tii, ə gɛ, diɲɛ ta ə kulɔ mą ə́ yəi, ka diɛni ka kpɔnmą.

Lɛɛ gbɔwɔ ɓa 18:24

Moisə ə nwəli tɔɔ mɔlɔ́ woo ɓa, mɛ̨nįɠaai yili ə mo mą, ə gəlee kɛ.