Lɛɛ gbɔwɔ ɓa 18:16 - Yálá laawoo hɛɓɛ (dc)

¹⁶ Mɛ̨nį ta a həli diɛ, da pa bɔ́, gɛ́ di lɔwai mɛ̨nį ɓo, ɛlɛɛ, gɛ́ Yálá lííɓa mɛ̨nį da nwɔ tɔ́n nwooɠaa lɛ diɛ.»

Yálá laawoo hɛɓɛ

¹⁶ Mɛ̨nį ta a həli diɛ, da pa bɔ́, gɛ́ di lɔwai mɛ̨nį ɓo, ɛlɛɛ, gɛ́ Yálá lííɓa mɛ̨nį da nwɔ tɔ́n nwooɠaa lɛ diɛ.»

Bible

¹⁶ À kɛ̀ laa-saa à tòo núu feerɛ loai, da pà ḿbɔ, ŋa pâi môi ŋa gáa núui ŋɔi lɛ̂lɛi. Ǹyaŋ ŋa Ɣâla ŋɔtɔ̂ŋ-ŋai lɛ̀ dîa da ŋɔmɛni ŋá teeɛi.”

Lɛɛ gbɔwɔ ɓa 18:16 Referans Kwoze

Lɛɛ gbɔwɔ ɓa 24:14

Yɛ galanɉonŋaa diɛ: «Ka ku mąąkpɔn ɓɛ, ə lɛɛ ɉu ku pənə ku pa. Aarɔn da Hurə di kaa ka pɔ, nui mɛ̨nį a gaa, ə mo diɛ.»

Korɛntə dɔlɔɔ 6:1

Akɛ mɛ̨nį ta a too ká lɔwai, lə mɛ̨nį ɓa ká li tɔɔi, káá li la yɛnɛ̨ɛ̨ nuą liila giti tee mɛ̨nį ɓa, ká hvo giti laa li nu mąąhəɠɛɛɠaa liila?

Samia Veerɛi 15:3

Nąąlɔwai, Absalɔn a kɛ mąą nu ɓa: «Li, mɛ̨nįi tii aa nɛɛ yɛ́, ə́ haŋąąi, kɛlaa, ya li tɔɔmun bɔɔli, nu ta hva hɔlɔɓo laa yii a nwəli tɔɔ ə́ woo ɓa.»

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 4:5

Ka ka wəli tɔɔ, gáá tɔ́nŋąą da yɛnɛ̨ɛ̨ hon bələɠaa lɛi kaa, yɛ bələi Yai-Laa nwɔ́ Yálá ə di lɛ la mą́ą́, nɔi tii ka káá lii ɉu, kaa hee laa, kaa pɛli bɔ yíi ɓoi ɉu.

Maafîu 28:20

Yiiɠaai ŋį́ ka tí la, ka nuą mąąkwɛli mą a ɉon bələ. Gáá ka pɔ a yələ kəlee, ə lɛɛ ɉu yɛnɛ̨ɛ̨ ɲąą ə kpɛɛ la.»

Zôo 31:13

Akɛ, ŋą́ą́ ta nwɔ́ luwɔ hilɛ ta, a wala kɛ ti, nwɔ́ luwɔ nɛ̨ɛ̨nu ta nwɔ tɛ̨ą mɛ̨nį kpəlaan mɛ̨nį ɓo ta hui,

Samuɛlə dɔlɔɔ 12:23

Yii ɓaa mą́ą́ mɛ̨nį nwɛi, ə hvóló mą́ą́, gɛ́ nɛ̨ŋɛ̨n ɉɛɠɛ Yai-Laa ɓa, a gbə́la mɛ̨nį ka mąą mɛ̨nį laa həliɛ ɓa a nɛlɛɛ, a ɉaŋąą; və́ pai kpɛlai mɛ̨nį lɛlɛɛ da mɛ̨nį haŋąą lɛi kaa.

Dutɛrɔnome 6:1

Díɓo da dɔ́n nwooɠaa, da yɛnɛ̨ɛ̨ hon bələɠaai Yai-Laa ka wɔ Yálái ə ka tí la, yɛ ka di mąąkwɛli, diɛ ka tii. Ka li ka di pɔ yíi ɓo, ɓɛi ka káá lii heei laa.

Lonon mo 15:35

Nąąlɔwai, Yai-Laa yɛ Moisə ɓa: «Mąąnɛ̨ɛ̨ di nui tii paa. Mąąnɛ̨ɛ̨ nuą kəlee di ɉɔɔ a kwɛni daa pulu pələ.»

Levetekɔ 24:15

Yili pulu, niɛwooi ŋɛ̨i kɛ Israɛlə lonnii diɛ, yɛ́ diɛ: «Nui lɔpee a nwɔ Yálái lalan, nwɔ nɛ̨ŋɛ̨n nwulu a lɛɛ gbɔwɔ nwuɔ̨.

Lɛɛ gbɔwɔ ɓa 23:7

Ə́ mąą kwɛa lɛɛ kiti ɓa. Hvó tələnmomun baa da nu haŋąą. Mąąhɔlɔɓo, nui a ɉɔn gɛ, hvá kɛ mą: dələnmoɔi.

Lɛɛ gbɔwɔ ɓa 2:13

Bulu ɓa yələ laa ɓoɔ, ə pa, ə Hebreu hveelɛ kaa, diɛ gɔ́ a di kee. Nui ŋɛ̨i tɛ̨ą hvo kɛ bɔ, yɛ yili ɓa: «Lə mɛ̨nį ɓa, ə́ kaa ə́ kaayɔwɔ kɛlɛi?»

Lɛɛ gbɔwɔ ɓa 18:17

Moisə mɔlɔ́ yɛ mą: «Bələi ŋɛ̨i ə́ kaa gɛi la, gɛ pələ lɛlɛɛ hvə li.

Kɔlɔnikɔ Veerɛi 19:10

Ka kaayɔwɔɠaa di kaa daaɠaa hu, da pa a mɛ̨nį ɓo ta ka lííla, ə kɛ a nu kan mɛ̨nį, awala kɛ tii, yii hvilɛn na tɔ́n mɛ̨nį ɓa, da bɔ túwɔ́ ɓo mɛ̨nį, ə kɛ a mɛ̨nį loonŋąą, awala kɛ tii, huwula mɛ̨nį; 'Ka mɛ̨nįi tii hupono a diɛ, əgɛ, di hvo pa kɛ a hɔnmąą nuą Yai-Laa ɓa, ŋą liiɲąnwąną hvo pa ɓɛla ka mɛ̨i ka ká kaayɔwɔɠaa. 'Ka túwɔ́ tii a nɛlɛɛ, əgɛ, ka hvo pa kɛ a hɔnmąą nuą.