Lɛɛ gbɔwɔ ɓa 18:13 - Yálá laawoo hɛɓɛ (dc)

¹³ Yələɓɔɔ, Moisə ə hee yɛ nuą lɔwai mɛ̨nįɠaa ɓo, nuą di lɛɛ tɔɔni nííla, ə həɠə yələwala pɔ ɓa, ə lɛɛ ɉu, yələ ə wulu.

Yálá laawoo hɛɓɛ

¹³ Yələɓɔɔ, Moisə ə hee yɛ nuą lɔwai mɛ̨nįɠaa ɓo, nuą di lɛɛ tɔɔni nííla, ə həɠə yələwala pɔ ɓa, ə lɛɛ ɉu, yələ ə wulu.

Bible

¹³ Bôlu ma ɣele-walai Mose è nâa sèe a gɛɛ é ǹûai dímɛni-sâa ŋai ƃó. Ǹûai dí lɛ̀ɛ tɔɔni ŋ̀ɛi-túɛ é síɣe ɣele wâla ma é tóo ɣele-wuli ma.

Lɛɛ gbɔwɔ ɓa 18:13 Referans Kwoze

Lomaŋ 13:6

Mɛ̨nįi a gɛ nwɔ̨nɔ̨ guɔ nįįhɔ̨nwɔ̨ kulɔ la, yaa li. Mąąhɔlɔɓo, nįįhɔ̨nwɔ̨ hon nuąi ti, Yálá ɓə di tɔɔ la.

Lomaŋ 12:8

Nui nwɛi ɓaa a nuą hvaŋąlɔ, ə ŋąą wala yili ɓa. Nui nwɛi ɓaa mɛ̨inɛ̨ɛ̨ kɛɛ, ə gɛ, kiliŋąhiɛ takpɛli hvo kɛ mą. Nui nwɛi ɓaa nuą tɛnɛn dɔɔ, ə ɲąąwala mą. Nui nwɔ̨nɔ̨ nwɛi ɓaa kpɔnmąą tɛɛi nuą pɔ, ə yili kɛ a gwəinɛ̨ɛ̨.

Maafîu 23:2

«Tɔ́n galamɔ̨ɔ̨ɠaa da Farisiɛ̨ɠaa ɓə da Moisə nwɔ tɔ́n hukulɔ kaa.

Azaya 16:5

Wɛlikɛmąąlaa a dɔɔkpəlin hee gbilin, ɛlɛɛ, Davidə yəi bɛlɛ́n, kiti tee mun ɉaŋąą kaa pai heei laa, yɛ tɛ̨ą hu kpɛ, ɲee mąąhulaa mɛ̨nį ɲɛ̨i kulɔi.»

Zôo 29:7

Nąąlɔwai, ŋą́ kɛi kɛ kulɔ bələ nwun na, gɛ́ nwɔ́ kpəlin vilɛn gwəli hąąi,

Nwun mąąɓo 5:10

Kaai kɛ heeni hoohvaalən gwɛlɛɛɠaa mɛ̨i, kaai heeni haɠaɠaa mɛ̨i, kaai tii hiɛi bələɠaa pɔ, ka wələ too.

Lɛɛ gbɔwɔ ɓa 18:12

Moisə mɔlɔ́ Ɉetro ə haláá kulɔ Yálá ɓa a haláái da gəlee kələn, da haláá takpɛliɠaa. Aarɔn da Israɛlə kalanɉonŋąą kəlee di pa da Moisə mɔlɔ́ Ɉetro ni di ɉaláá kɔ̨nɔ̨n mįi.

Lɛɛ gbɔwɔ ɓa 18:14

Gólói Moisə ə kɛi gɛ nuą diɛ, mɔlɔ́ ə nąą kaa, yɛ mą: «Lə ɓə ŋɛ̨i ə́ ə́ kpɔɠɔ tooi ɉu nuą ŋɛ̨i mąą mɛ̨nį ɓai? Lə mɛ̨nį ɓa yɛ́ tɔ̨nɔ̨ ə́ kaa gólói ŋɛ̨i kɛi, yɛ́ nuą kpaan diɛ lɛɛ la tɔɔni ə́ lííla, ə lɛɛ ɉu, yələ yɛ wulu?»