Lɛɛ gbɔwɔ ɓa 17:4 - Yálá laawoo hɛɓɛ (dc)

⁴ Moisə ə nwoo tɛ Yai-Laa ɓa, yɛ mą: «Lə ɓə ŋą́ pɛli gɛi nu kpului ŋɛ̨i mąą mɛ̨nį ɓa? Ɉu hvo pai kwɛai, diɛ pa ɉɔ́ɔ́i a kwɛni, ə gɛ, di báá.»

Yálá laawoo hɛɓɛ

⁴ Moisə ə nwoo tɛ Yai-Laa ɓa, yɛ mą: «Lə ɓə ŋą́ pɛli gɛi nu kpului ŋɛ̨i mąą mɛ̨nį ɓa? Ɉu hvo pai kwɛai, diɛ pa ɉɔ́ɔ́i a kwɛni, ə gɛ, di báá.»

Bible

⁴ Nya ƃe Mose è Ɣâla fɛ̀li kpɔ́ a gbanaŋɔɔ kpɔŋ-mâ mɛni ma ǹyɛɛi, “Lé ƃé ŋa pâi gɛ̂i a ǹûai ŋí? Da nâa díkpîŋ kpɛtɛ a gɛɛ dí ńzɔɔ a kɔni.”

Lɛɛ gbɔwɔ ɓa 17:4 Referans Kwoze

Samuɛlə dɔlɔɔ 30:6

Davidə kwəi pilɛɛ kɛ mą, mąąhɔlɔɓo, nuą di kɛi baa mɛ̨nį ɓo a kwɛni. Nu kəlee liikələn ŋąą kɛ gwəi, da kɛi di kiliŋąhiɛ di lonnii hinąą da di lonnii nɛ̨ąą diɛ. Kɛlaa Yai-laa haalai, Davidə ə nii kpələ.

Lonon mo 14:10

Israɛlə lonnii kəlee di bili gee mɛ̨i diɛ mą: ka gu Ɉosue da Kalɛbə di hɔɔ a kwɛni di haa. Di lɛɛ lɔ moi tii, Yai-Laa mąąɲįnɛ̨n ə gbɔwɔ lɛ Israɛlə lonnii kəlee diɛ gee kaa kələ mɛ̨i.

Gɛlaɠaa 14:19

Nąąlɔwai Ɉuifəɠaa di həɠə Antiɔsə da Ikoniumə, di nuą ɲąąhee diɛ, di pɛlɛ Polə ɓa, diɛ ɉɔɔ a kwɛni; di lɛɛ ɉɔɔi di nɛɠɛ həɠə di kulɔ la daa kpala, ə kɛ di kwəi, aa haa.

Ɉaan 10:31

Ɲąąɓa, Ɉuifəɠaa daa mɛ̨n kwɛni yɛɠɛ, diɛ kɛ di Jesus hɔɔ la.

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Gɛlaɠaa 7:50

Kɛlɛi, ɲą́ą́ ɓə ɉɛnŋaa ti kəlee pɛli-ee?›

Lonon mo 16:19

Kore ə nuą kəlee ɲąąkpɔn gwɛlɛ, gee kaa kələ laaləi. Nąąlɔwai, Yai-Laa nwɔ mąąwiɛ ə gbɔwɔ lɛ nu kəlee ɓa.

Lonon mo 11:11

«Yai-Laa, lə mɛ̨nį ɓa, ə́ kaa mɛ̨nį nwąnąą laai ə́ wɔ tí mun ma? Lə mɛ̨nį ɓa hvó ə́ ɲɛ̨i lɛlɛɛ hee li mą́ą́? Yɛ́ nuą ŋɛ̨i mąą mɛ̨nį diɲɛ laa nwúɔ̨?

Lɛɛ gbɔwɔ ɓa 15:25

Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Lɛɛ gbɔwɔ ɓa 14:15

Yai-Laa yɛ Moisə ɓa: «Lə mɛ̨nį ɓa, ə́ kaa ə́ woo kulɔi mą́ą́? 'Mo Israɛlə lonnii diɛ, di di muhəɠə, di li.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.