Lɛɛ gbɔwɔ ɓa 17:12 - Yálá laawoo hɛɓɛ (dc)

¹² Yii kɛa Moisə yeeɠaa hu ə haa kpɔ kɛnɛ̨, di kwɛni kpuwulu ta həɠə, di nɔ mu, ə hee mɛ̨i. Aarɔn da Hurə di di yee hee Moisə yeeɠaa mu, nu tɔ̨nɔ̨ ə lɛɛ ɓɛ pələ, dɔ̨nɔ̨ ə lɛɛ ɓɛ pələ. Bələ ɓə Moisə yeeɠaa di lɛɛ la a dɛɛ ɲələi, ə lɛɛ ɉu, hvóló kɔ́w ə too.

Yálá laawoo hɛɓɛ

¹² Yii kɛa Moisə yeeɠaa hu ə haa kpɔ kɛnɛ̨, di kwɛni kpuwulu ta həɠə, di nɔ mu, ə hee mɛ̨i. Aarɔn da Hurə di di yee hee Moisə yeeɠaa mu, nu tɔ̨nɔ̨ ə lɛɛ ɓɛ pələ, dɔ̨nɔ̨ ə lɛɛ ɓɛ pələ. Bələ ɓə Moisə yeeɠaa di lɛɛ la a dɛɛ ɲələi, ə lɛɛ ɉu, hvóló kɔ́w ə too.

Bible

¹² Ǹyaŋ Mose yée è nâa kɛ̀ saâi. Nya ƃe Eelɔŋ da Ɔ̂ɔ dí kɔni sìɣe dí ǹáa Mose é sée mɛi, Eelɔŋ da Ɔ̂ɔ dí ǹyée veerɛ sòŋ dí dɛ́ ɣelêi, ǹúui dɔnɔ kɛ́ ƃò ǹyée dɔnɔ ma, m̀arâŋ-nuui kɛ́ ƃò ǹyée gbélii ma. Nyée è lɛ̀ɛ a dɛ́ɛ ɣelêi é lɛ́ɛ la zu ɣele-wulii é kɛ́.

Lɛɛ gbɔwɔ ɓa 17:12 Referans Kwoze

Azaya 35:3

'Ka yee hu haaɠaa hvaŋą lɔ, ka kɔ́wɔ hviikpɛɛɠaa huwalawala!

Filipə 1:19

Mąąhɔlɔɓo, ŋį́ gɔlɔn, yili kaa pai kɛi a málo mɛ̨nį, ka wɔ hvɛli woo háálai, da Jesus Kristə nwɔ Kilii háálai.

Hebreu 12:12

Yili ɓa, yeeɠaa da kɔwɔɠaai di hvįikpɛɛ, 'ká di hvaŋąlɔ,

Tɛsalonikə dɔlɔɔ 5:25

Ną́n nonnii, 'ká Yálá hvɛli kuɔ kpɛlimąn kuɔ.

Ifisiɛŋ 6:18

Gɛ Kili-Mąąhəɠɛɛ ə hvɛli woo kɛ pələ huwui lɔpee gəlee lɔ ká la, da nɛ̨ɛ̨mąą hvə woo mɛ̨nį kəlee hu, káá lɛɛ a ká ɲɛ̨i, káá Yálá hvɛli Kristalɛa kəlee diɛ.

Korɛntə veelɛ 1:11

Káá kpɛlimąn, ká kɛ ká wɔɔ nąą kɛi ɉu, a Yálá hvɛlii ká kɛ moi kuɔ. Akɛtii, mɛ̨inɛ̨ɛ̨i tii kwa ɉɔlɔɓo a nu kpulu kɛnɛ̨ɛ̨ kɛ mɛ̨nį, yili a kɛ a Yálá hɛɠɛɛɓo mɛ̨nį ku mąą mɛ̨nį ɓa, nu tamąą yəi.

Zĩi 1:6

Kɛlaa, mąą nu ə vɛli a laa na laa, ɲinɛ̨n-ɲinɛ̨n və kɛ ɉu; mąąhɔlɔɓo, nui a ɲinɛ̨n-ɲinɛ̨n gɛ pələ kaa yɛ, laakpala yii hvaŋą a ɲɛ̨i pənə ɓɛ pələi lɔpee gaa bɔ.

Mąątɛ̨nɛ̨ 35:3

'Ə́ wɔ kpalai kulɔ daa hu, nuąi di hvilɛnŋąą búlú, pələ too di tɔwɔ. 'Kɛ́ mą́ą́: «Gáá a ə́ ɓalomun!»

Kolosə 4:2

Ká ká hvaŋąlɔ Yálá hvɛliɛ hu, ə ɲee kɛ káá, káá pɛli mɛ̨inɛ̨ɛ̨ hu kɔlɔn ɉii.

Lɛɛ gbɔwɔ ɓa 17:11

Ɓɛlɔwai Moisə a ɲeeɠaa tɛ la ɲələi, gɔ́ a nɛ̨ɛ̨ Israɛlə nuą diɛ. Kɛlaa, ɲee hu a haa a ɲɛɛ, Amalɛkə nuą da hvaŋą hɔlɔɓo Israɛlə mɛ̨i.

Lɛɛ gbɔwɔ ɓa 17:13

Ɉosue yee ə tɛɛ Amalɛkə nuą diɛ, ə nu tamąą paa a ɓɔwa kwɛaa.

Lɛɛ gbɔwɔ ɓa 24:14

Yɛ galanɉonŋaa diɛ: «Ka ku mąąkpɔn ɓɛ, ə lɛɛ ɉu ku pənə ku pa. Aarɔn da Hurə di kaa ka pɔ, nui mɛ̨nį a gaa, ə mo diɛ.»

Zasua 8:26

Ɉosue nwɔ kpala yee ŋɛ̨i ə dɛ ɲələi, hvo ɲee yɛɛ, ə lɛɛ la ɉu, di Ai nuą kəlee paa kpɔ tɛ̨ɛ̨ tɛ̨ɛ̨.