Lɛɛ gbɔwɔ ɓa 15:25 - Yálá laawoo hɛɓɛ (dc)

²⁵ Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Yálá laawoo hɛɓɛ

²⁵ Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Bible

²⁵ Nya ƃe Mose è Yâwɛɛ fɛ̀li a gbanaŋɔɔ. Yâwɛɛ è wúru da lɛ̀ Mose ma Mose é doo ǹyái su, ǹyái é nɛ́ɛ. Nàa ƃé Yâwɛɛ è tɔ̂ŋ tɛ̀ɛ naa dí pɔ́ é dísu kɔɔŋ,

Lɛɛ gbɔwɔ ɓa 15:25 Referans Kwoze

Dutɛrɔnome 8:2

Bələ kwɛaai Yai-Laa ka wɔ Yálá ə ka hvilɛn mɛ̨i kwɛlan bow nąąn ɲee mu, nɔi pun ɉu, yɛ mɔ̨nɔ̨ lɔ ka pɔ, ka gəlee nąą kili too ka ŋą. Ka hukɔɔn ga tii ə kɛi mo, yɛ ka kwəi kɔ́lɔn; akɛ ka káá pai nwɔ tíɓoɠaa kɛi, a wala kɛ tii, akɛ ka káá pai ɓoi diɛ ka di too.

Mąątɛ̨nɛ̨ 66:10

Yálá, ə́ ku hukɔɔn, ə́ ku huwaa, yɛ bələi da gɛ la a wali.

Nwun mąąɓo 3:1

Nu huwuɠaai Yai-Laa ə di lɛɛ laa, yɛ Israɛlə nuą yiiɠaai di hvo Kanaan kɔ́i kɔ́, yɛ di hukɔɔn a diɛ, di laa ka:

Nwun mąąɓo 3:4

Yai-Laa ə Israɛlə hu kɔ́ɔn a nu huwuɠaai tii, ə gɛ, ə gaa a kɛ di kaa pai Yai-Laa nwɔ tɔ́nŋaa hon ɉii, yaa tii wɔlɔ ə dɛɛ Moisə pɔ, yɛ nɛ di nąnni diɛ.

Nwun mąąɓo 2:22

Bələ ɓə gáá pai Israɛlə hu kɔ́ɔn ɉii la, akɛ di kaa pai hvilɛn ɉii Yai-Laa pulu, yɛ bələi wɔlɔ di nąnni di gɛ la.

Dutɛrɔnome 8:16

Nɔi pun dɔ̨nɔ̨i tii hu ɓə, ə manə tɛɛ laa ka pɔ, kaa mįi; a hɛn yii ka nąnni di hvo kɛ gɔlɔn. Ə yili kɛ tii, ə gɛ, ka yee ŋą kpɛɛ, ɛlɛɛ, da ka hukɔɔn mɛ̨nį ɓa; əgɛ, ka wɔ yɛnɛ̨ɛ̨ dɔwɔ pələ ɲąą ə nɛɛ.

Lɛɛ gbɔwɔ ɓa 16:4

Yai-Laa yɛ Moisə ɓa: «Gáá pai kɔ̨nɔ̨n dɛɛi ka pɔ yɛ həɠə yələi. Nuą kaa pai kɛi kulɔi a yələ kəlee, diɛ hvóló tɛitɛi kɔ̨nɔ̨n ɉəɠə, gáá pai ka hukɔɔn ɉii ti, akɛ di kaa pai hiɛi a nwɔ́ tɔ́n nwooi, a wala kɛ ti, a kɛ di hvo pai hiɛi la!

Tɔɔɓɛlaa veelɛ 2:21

Elise ə kulɔ ə li ɲá nwun gulɔi pələ, ə gboloi tii taɠa laa yɛ mą: «Yai-Laa yɛ diɛ: ‹Ŋą́ą́ ɲái ŋɛ̨i mąąhəɠə, hvo kɛa pai nu ta paai, gaa pai nɔi lɛlɛi hihɛnŋąą diɛ.›»

Korɛntə dɔlɔɔ 1:18

Jesus Kristə haa mɛ̨nį laa həliɛ kaa a ɓowo mɛ̨nį, nwun na pili nuą diɛ, kɛlaa, yiiɠaai di kaa ɓalo pələ mɛ̨i, gu wɛi, gaa a Yálá ŋą huwalawalalaa.

Ɉeremi 9:7

Di nɛn gaa yɛ tonwą ɓaɠaa! Di hvaa woo ə ɓo a lɛɛ, diɛ di kee ni liilaa woo ɓo lɔ a di laaləi. Kɛlaa, ya lɔ di kwəi pələ, hɛlɛn mə di kaa dɛ pələ kwɛli dɔwɔ.

Hanwon 17:3

Wali, hɛni, da di huwaa a hvuluun nwɔ̨n, Kɛlaa, Yai-Laa ɓə a nu líi hu mɛ̨nį huwaa.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Tɔɔɓɛlaa veelɛ 4:41

Yálá nwɔ nui yɛ diɛ: «Ka pa a lɛɠɛ hunwɔ̨!» Ə lɛɠɛ hunwɔ̨i tii ta həɠə, ə bu nəɠi, yɛ diɛ: «'Ka ɲąąkwɛlɛ nuą diɛ di mįi.» Gɔ̨nɔ̨n tii ə kə kɛa a mįi hɛn.

Lɛɛ gbɔwɔ ɓa 14:10

Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Mąątɛ̨nɛ̨ 99:6

Moisə da Aarɔn di kɛ nwɔ haláái kulɔ nuą lɔwai, ɛlɛɛ Samuɛlə ə ɓo nuąi kɛi naa təli di pɔ, di kəlee di kɛi wɔlɔ Yai-Laa ɓa, yɛ di woo mu hon.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Dutɛrɔnome 13:3

ɛlɛɛ mɛ̨nį ɲɛ̨i kɛnɛ̨i tii, awala kɛ tii, gbalo mɛ̨nįi tii ə nɛɛ kwɛala yɛ ɉukulɔ, mąą mɛ̨nį yɛ kɛ; mąą nu ə tɔɔ kɛa, yɛ kɛ diɛ: «Gu hvilɛn haliɠaa pulu, gu di mąąwiɛ» diɛi di kaa a hɛnŋąąi ka hvo di kɔ́lɔn.

Lɛɛ gbɔwɔ ɓa 17:4

Moisə ə nwoo tɛ Yai-Laa ɓa, yɛ mą: «Lə ɓə ŋą́ pɛli gɛi nu kpului ŋɛ̨i mąą mɛ̨nį ɓa? Ɉu hvo pai kwɛai, diɛ pa ɉɔ́ɔ́i a kwɛni, ə gɛ, di báá.»

Ɉeremi 15:1

Yai-Laa yɛ mą́ą́: Ə mą kɛ Moisə da Samuɛlə daa tɔɔ nííla, nwɔ́ kiliŋąhiɛ hva kɛa hvilɛn nuą ŋɛ̨i diɛ a nɛlɛɛ. Ka di kpɛ di həɠə nííla, də li!

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Tɔɔɓɛlaa veelɛ 6:6

Yálá nwɔ nui yɛ mą: «Mįnɛ̨ ɓə ə too laa?» Yili ə nąą lɛ Elise ɓa. Elise ə wulu kpiɛn da həɠə, ə mąą haɠa, ə bili ɲái, ɲowa kɔ́w ə tɛ ɲá ŋą.

Izikiɛ 47:7

Pənəi ə mo ə pa a ɲą́ą́, wulu kpulu kɛnɛ̨ɛ ə kɛ tɔɔni ɲá kwɛlɛ, gbonwo hveelɛi ɓa.

Izikiɛ 47:8

Yɛ mą́ą́: Ɲái ŋɛ̨i kaa li hvóló ɓɛlai pələ lɔi hu, yɛ yɛɛ Ɉurdɛn ɲa-ɓoloon bɔ lɔi hu, yɛ pu Gboloyá powa hu; a pa pui Gboloyá hu, gaa pai ɲá nɛ̨ɛ̨i.