Lɛɛ gbɔwɔ ɓa 15:14 - Yálá laawoo hɛɓɛ (dc)

¹⁴ Hį́i takpɛliɠaa da mɛ̨nį ŋɛ̨i bələ mɛ̨n, di mąą a kpɛlin, liihɛlɛn aa too Filisti nuą diɛ.

Yálá laawoo hɛɓɛ

¹⁴ Hį́i takpɛliɠaa da mɛ̨nį ŋɛ̨i bələ mɛ̨n, di mąą a kpɛlin, liihɛlɛn aa too Filisti nuą diɛ.

Bible

¹⁴ Ǹûai da mɛni, dímaa è kpɛ̃lîŋ. Yao è pà Felesia-ƃelai kɔlɔ̂i.

Lɛɛ gbɔwɔ ɓa 15:14 Referans Kwoze

Dutɛrɔnome 2:25

Ə həɠə háákələi ɓa, nu huwui kpɔ yələkɔlɔn mu, gáá ɲɔw lɔi di hu, di mąą yɛ kpɛlin ka ɲɛ̨itɔwɔ. Da kɛi pa ə́ laa pələ mɛ̨n ɉii, di kaa pai kɛi kpɛlin ɉi, di lii yɛ kpɛlin di kwəi.»

Azaya 14:31

Kponŋąą, ka ka woo laa, taaɠaa, ka tómą, Filisti lɔi kəlee aa too, nwɔ̨n nulu kaa həɠəi ɲánwuɔ̨ pələ, nu ta hvo gɔwɔ kulɔ mɛlaa kɔ́wɔ pɔ.

Mąątɛ̨nɛ̨ 48:6

Di gaa lɔ, di hu ə pu diɛ, di ɲɔw, di nɛɛmą di tɛɛ a gilɛ.

Zasua 9:24

Di Ɉosue woo ŋaapələ diɛ mą: «Mɛ̨nįi Yai-Laa ə́ wɔ Yálái ə mo nwɔ tímun Moisə ɓa, daa kɛ lamun ɉukulɔi ə́ wɔ nuąi diɛ, a nɔi ŋɛ̨i tɛɛ mɛ̨nį ka pɔ, da ɉu nuą kəlee paa mɛ̨nį, kaa pɛli heei laa. Ku ɲɔw kaa kɛnɛ̨, mɛ̨nįi ku dúwɔ́i tii ɓo la, nwun ni.

Lonon mo 14:14

Nɔi ŋɛ̨i ku kaa ɉu, Eziptə nuą daa mɛ̨nį tii hukulɔ diɛ. Daa bələ mɛ̨n diɛ; yɛ́ Yai-Laa, ə́ kaa nuąi ŋɛ̨i lɔwai, ɛlɛɛ, yɛ́ ə́ kpɔɔ lɛ diɛ, kaa ka kee kaa. Di gɔlɔn diɛ; yɛ́ Yai-Laa, yɛ́ ɓə ə́ kaa di mɛ̨i a tulɔ kpinįn, hvóló ŋą yɛ́ ɓo di ɲɛ̨i tɔwɔ, kpinįi, yɛ́ ɓo di mɛ̨i nwɔ̨n nən ɉu.

Azaya 14:29

Filisti lɔi pilɛɛ gee mɛ̨i, 'hvó tɔɔ yɛ́ kɛ ə́ kaa kwəinɛ̨ɛ̨ kulɔi, gbɔn kɛi ə́ kɛlɛ, ɉuyali mɛ̨nį ɓa, mąąhɔlɔɓo, tumo kaa pai kulɔi kaalə kpuwɔ hu, gbaatow-gbono kaa pai kulɔi tumo hu yɛ koon.

Lonon mo 22:5

Ə nuą tɔɔ Beɔrə lon Balaamə pɔ, Petɔrə daai, ɲá kwɛlɛ, nąą ɓə ɉuwu ə həɠə laa. Ə də li, yɛ mą: «Kwaa nu huwu ta kaa ɓɛ, daa həɠə Eziptə lɔi hu, daa nɔi kpɛɛ mą, daa tɔɔ ɓɛ nwɔ́ lɔi tənən ma.

Zasua 10:2

Nuą di ɲɔw kpɔ mɛ̨nįi tii hu kɛnɛ̨, mąąhɔlɔɓo Gabaɔn ə kɛ a taa kɛnɛ̨, da dɔɔɓɛlaa hee taa di pɛliɛ; gɛnɛ̨ɛ kɛ Ai ɓa, ə lɛɛ ɉu nuą kəlee di kɛ a huwalawala nuą.

Samuɛlə dɔlɔɔ 4:7

Filisti nuą di ɲɔw diɛ kɛ: «Yálá ta aa pa di lɔwai!» Di woo laa diɛ: «Kwaa lɛɛ ɉu! Mąąhɔlɔɓo, di kɛ pələ hvo kɛli ŋɛ̨i hiɛ!

Kɔlɔnikɔ Maa-ŋuŋ 14:17

Davidə laa ə tɛ nɔi kəlee hu, Yai-Laa ə Davidə yee kɔ̨nwɔ̨n ɉu ɓɛlɛ lɔi kəlee diɛ ɲɔw mą.

Azaya 23:5

Eziptə a pa Tirə mąą mɛ̨nįɠaai tii mɛ̨n ɉii, mąą kaa pai kpɛlin ɉi

Izikiɛ 32:9

Gáá pai lɔi tamąą lii kələn ɉii di kwəi, ɓɛlɔwai gáá pai lii la a ə́ wɔ luwɔɠaai, nɔiɠaai hvo di kɔ́lɔn di hui.

Habakukə 3:7

Ŋą́ą́ Kusan nuą di wɔ laanɔ̨nwɔ̨ kaa, da Madian nuą di wɔ ɲɔw.

Zasua 2:11

Kwaa bələ mɛ̨n, ɛlɛɛ hvaŋą aa kpɛɛ ku yəi. Tín aa nu kəlee hon ka tɔwɔ, mąąhɔlɔɓo Yai-Laa ŋɛ̨i gaa a ka wɔ Yálá, ya ɓə gaa a yələkɔlɔn ɉu Yálá yɛ ɓo a lɔi mɛ̨i Yálá.

Zasua 9:9

Di nwoo ɲąąpənə diɛ mą: «Ə́ wɔ luwɔɠaa di həɠə kwɛa la lɔi hu, Yai-Laa ə́ wɔ Yálái mąą mɛ̨nį ɓa, mɛ̨nįi kpɔ ə gɛ Eziptə, ku bələ mɛ̨n;

Samuɛlə dɔlɔɔ 4:8

Ku lɛɛ li ɉu, gbɛɛ ɓə pai ku kulɔi Ɲálá hvaŋą kɛnɛ̨i tii yəi? Ɲálái tii ɓə mɛ̨nį ɲąąnwąnąą huwui gəle laa Eziptə nuą diɛ nɔi pun ɉu.»

Mąątɛ̨nɛ̨ 48:7

Di mąą ə kɛi kpɛlin, diɛ kpəlaan, yɛ nɛ̨ɛ̨nu a kɛi kwəi nwąną kɛ.

Habakukə 3:6

A kpɛla a tɔɔ, lɔi yɛ kpɛlin A ɲɛ̨i hee lɔiɠaa diɛ, diɛ kpɛlin a ɲɔw. Yee kpɛa kpɛaai wɔlɔ kɛ laa, da ɓuwɔ, Ɲee kpu kpuɠaa diɛ taɠa, diɛ kɛ a pələlee.