Lɛɛ gbɔwɔ ɓa 15:1 - Yálá laawoo hɛɓɛ (dc)

¹ Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Yálá laawoo hɛɓɛ

¹ Moisə da Israɛlə lonnii di nwələi ŋɛ̨i too Yai-Laa ɓa, diɛ kɛ mą: Gáá wələ tooi Yai-Laa ɓa, aa yeetɛɛmąą walawala kɛ, aa hoo da mɛ̨i nuą pili gboloyá hu.

Bible

¹ Nya ƃe Mose da Eezuɛ-ŋai dí ŋulei ŋí tòo Yâwɛɛ ma dîyɛɛi, “Ŋa pâi wule tôoi Yâwɛɛ ma, kpɛ́ni fêi, a ŋɔfólo-laa tii kɛ́. A zoo-ŋai ŋuŋ lá píli ǹyái su da zia-ƃelai.

Lɛɛ gbɔwɔ ɓa 15:1 Referans Kwoze

M̀ɛni-lɛɛi 15:3

Diɛ Yálá ŋą tímun Moisə ŋą wələi too, ɛlɛɛ, da mɛlaa lon ŋą wələi; diɛ kɛ mą: «Ku Nąmu Hééɓolaa kəlee Nąmu Yálá, gɛmɛ̨nįɠaa kɛnɛ̨i nɛlɛɛ. Ŋą pələɠaa kəlee haŋąąi a tɛ̨ą, yai a huwu kəlee nwɔ Hééɓomun

Lɛɛ gbɔwɔ ɓa 15:21

Miriamə yɛ nwələ pili mą, mɛlaa diɛ hvaa mu; yɛ kɛ mą: Ka Yai-Laa mąą wələ too. Aa yeetɛɛmąą kɛ, Aa gbɔwɔ ɲɛ̨i pɔ̨nɔ̨. Ɉoo da mɛ̨i nuą, Aa di pili gboloyá hu.

Mąątɛ̨nɛ̨ 106:12

Nwɔ nuą di laa kɛa vaa woo la, diɛ mąątɛ̨nɛ̨ wələ too.

Mąątɛ̨nɛ̨ 107:8

'Di Yai-Laa hɛɠɛɛɓo kani, nwɔ wɛlikɛmąąlaa mąą mɛ̨nį ɓa; da mɛ̨nį ɲɛ̨ikɛnɛ̨ɠaai ə gɛ nu kanŋaa diɛi;

Kolosə 2:15

Ə ɲąąwooɓolaa da hvaŋąlaa di mąąkpoloon, ə di too nu kəlee ɲɛ̨i ɓa. Ə di pu gɔwɔ mu, a ŋą kolɔwa hvaŋą.

Mąątɛ̨nɛ̨ 107:15

'Di Yai-Laa laa tɛ kani, nwɔ wɛlikɛmąąlaa mąą mɛ̨nį ɓa, da gbalo mɛ̨nįɠaai ə gɛ nu kanŋaa diɛ, mąą mɛ̨nį ɓa.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Lɛɛ gbɔwɔ ɓa 14:27

Moisə ə ɲee haŋą. Yələwala pɔ, gboloyá ə pənə ə laa naai. Eziptə nuąi ŋɛ̨i kɛi pu, daɠaa di kwiɛn a ɲá, Yai-Laa ə di mąą wəleen, di pu ɲai.

Lonon mo 21:17

Nąąlɔwai ɓə Israɛlə ə nwələi ŋɛ̨i too la; yɛ kɛ mą: «Yá ə tɛ ɲálɔwa hu, ka ka yee lɔwa!

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Zôo 36:24

'Hvó lɛ̨ą gɛ mɛ̨nį kpɛa kpɛaɠaa hukulɔi, yai nuą da doo a wələ.

Mąątɛ̨nɛ̨ 32:7

Ə́ kaa ɲə́i a mą́ą́kilɛi, yá kpɛąn gwə́i pilimąą mɛ̨nįɠaa tɔwɔ; yɛ́ mą́ą́tínɛ̨n a nwun mąąɓo wələɠaa.

Mąątɛ̨nɛ̨ 76:6

Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

Mąątɛ̨nɛ̨ 105:43

Ə nwɔ nu huwui kulɔ laa a kwəinɛ̨ɛ̨ kɛ̨nɛ̨, ə niiɓa nuą kulɔ laa, diɛ tómą a kwəinɛ̨ɛ̨.

Hanwon 29:6

Ɓaalə kaa nwąnąlɔmun nwɔ nɛ̨ŋɛ̨n ɉu. Kɛlaa tələnmomun nwɛi, a pili yələi a kwəinɛ̨ɛ̨.

Azaya 42:10

'Ka wələ nįnɛ̨ too Yai-Laa ɓa, 'ka mąątɛ̨nɛ̨ wələ too ə həɠə kpɔ lɔi kpɛlai pələ, ə mą kɛ gboloyá da ɉu hɛnŋąą kəlee, gboloyá hɛ̨ąi lɔiɠaa, da di hu nuą.

Ɉeremi 51:21

ŋį́ hooɠaa da hoo gilɛ həɠə nuą ɓuwɔ a yɛ́, ŋį́ wotoloɠaa da di gilɛ həɠə nuą ɓuwɔ a yɛ́.

Habakukə 3:18

Kɛlaa, nwɛ́i, ŋą gwə́inɛ̨ɛ̨ mɛ̨nį hɔlɔɓo Yai-Laa yəi. Ŋą́ pili yələi a kwəinɛ̨ɛ̨ nwun mąąɓo Yálái mąą mɛ̨nį ɓa.

Lɛɛ gbɔwɔ ɓa 14:26

Yai-Laa yɛ Moisə ɓa: «'Ə́ yee haŋą gboloyá mɛ̨i, ɲá ə laa Eziptə nuą, di wɔ wotoloɠaai, ə mą kɛ di wɔ hoo mɛ̨i nuą kəlee mɛ̨i.»

Mąątɛ̨nɛ̨ 76:7

Ɉakɔbə nwɔ Yálái, tómąi ə́ mo, gɔ́ kɔ́ wotolo mąn, ɉoo mąn, di kanąn, di tɔɔi.

Osia 2:17

Yili pulu, gɛ́ pənə gɛ́ nwɔ tíiɠaai tɛɛ bɔ, gɛ́ Akɔrə lɔi kɛ a kilitɔɔmąą kpala tɔɔ lɔi. Gaa pai pənəi yɛ nwóó pulu pənə, yɛ bələi ə kɛli gɛ la a gbəla yələ, a ɓɛlɔwai ə kulɔ la Eziptə lɔi hu.