Lɛɛ gbɔwɔ ɓa 14:31 - Yálá laawoo hɛɓɛ (dc)

³¹ Bələi Yai-Laa ə nwɔ sə mɛ̨nį kɛ la, yɛ Israɛlə lonnii kulɔ Eziptə nuą yəi, di nąą kaa, di ɲɔw Yai-Laa ɓa, di laa na; di laa nwɔ̨nɔ̨ nwɔ tímun Moisə la.

Yálá laawoo hɛɓɛ

³¹ Bələi Yai-Laa ə nwɔ sə mɛ̨nį kɛ la, yɛ Israɛlə lonnii kulɔ Eziptə nuą yəi, di nąą kaa, di ɲɔw Yai-Laa ɓa, di laa na; di laa nwɔ̨nɔ̨ nwɔ tímun Moisə la.

Bible

³¹ Eezuɛ-ŋai dí díi kɛ́tɛi kàa Yâwɛɛ è gɛ̀ a Ize-ŋai. Ǹyaŋ ǹûai dí yào a m̀ɛnii Yâwɛɛ è gɛ̀ a Ize-ŋai. Ǹûai dí nâa yào Yâwɛɛ mà, dí láa la da ŋɔtíi-kɛ-nuui Mose.

Lɛɛ gbɔwɔ ɓa 14:31 Referans Kwoze

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Ɉaan 11:45

Mɛ̨nį tii Jesus ə gɛ, Ɉuifəɠaa tii pa Mari pɔɔli naa kaai, di laa Jesus la.

Lukə 8:13

Daɠaa kɛ pələ yɛ ɓo yɛ, vaɲą ŋą lɔi. Yiliɠaai da Yálá laawoo mɛ̨n, di di yee hee mu a kwəinɛ̨ɛ̨. Kɛlaa, di hva nɛɛ laa, hvo ɉamu pili di lii hu, da laa lɔ nwoo tii la a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ, da həɠə laa na pələ mɛ̨i.

Mąątɛ̨nɛ̨ 119:120

Ŋą́ kɛ ə́ ɲɛ̨i ɓa, ɉúwɔ hu a kpɛlin, gɛ́ ɲɔ́w ə́ wɔ kiti wooɠaa diɛ.

Kɔlɔnikɔ Veerɛi 20:20

Yələ wala pɔ, nuą di humo kpɔ, di di muhəɠə, diɛ li Tekoa nɔi pun ɉu pələ. Nuą lii lɔwai, Ɉosafatə ə haŋą ə tɔɔ, yɛ diɛ: «'Ka ká wəli tɔɔ Ɉuda nuą da Ɉerusalɛmə heeɓo nuą! 'Ka ká kilitɔɔ Yai-Laa ka wɔɔ Yálái ɓa, di yee hva lɔ kaa! 'Ka ká kilitɔɔ gwəi mɛ̨nį hukulɔ nuą woo ɓa, ka yee kaa lii lɔi!»

Lɛɛ gbɔwɔ ɓa 19:9

Yai-Laa yɛ Moisə ɓa: «Gáá pai ŋį́ həli kpɔ yɛ́ tulɔ kpinįn ɉuwia hu, nɔi lonnii diɛ pɛli nwóó mɛ̨n ɉii, ɓɛlɔwai gáá pai kɛi pələ ɓoi la yɛ́, diɛ pɛli laai ə́ la a yələ kəlee.» Moisə ə nɔi lonnii woo laa həli Yai-Laa ɓa.

Lɛɛ gbɔwɔ ɓa 4:31

Di kəlee di laa na, yii kɛa di gaa diɛ kɛ mɔ̨nɔ̨i tii di kaa mįi Yai-Laa aa nąą kaa, aa nwɔɔ nąą kɛ ɉu, di kəlee di pu di kpəlin na di kwɛli hvilɛn.

Gɛlaɠaa 8:13

Simɔn yaa kpɛlimąn ə laa na; di mąąwaa. Ɛlɛɛ, hvo kɛa həɠə Filipə pulu, gbalo mɛ̨nįɠaa da gwɛlɛɛn mɛ̨nįɠaai ə kɛli gaa, yili ə gwəi pili mą.

Samuɛlə dɔlɔɔ 12:18

Samuɛlə ə Yai-Laa hvɛli. Yai-Laa ə yələgbąnąą tulɔ pu, a mąą yələi tii. Nɔi lonnii kəlee di ɲɔw Yai-Laa da Samuɛlə diɛ.

Hebreu 3:5

Moisə ə tələnmolaa kɛ Yálá yəi bɛlɛ́n, yɛ tímun, ə gɛ, mɛ̨nįi kɛi pa ɓoi, ə kɛ a mąą kɛla.

Zasua 4:24

Ə yili kɛ tii, ə gɛ, nu kəlee di gɔlɔn diɛ Yai-Laa ɓə ɲee wala-walaa, ə lɛɛ ka ɲɔw mą, yai gaa a Yai-Laa ka wɔ Yálá a yələ kəlee.»

Samuɛlə dɔlɔɔ 12:16

Ka tɔɔ nwɔ̨nɔ̨, yii mɛ̨nį kəlee Nąmu Yai-Laa yɛ ə gɛ, ka ɲɛ̨i ɓa, ka gaa.

Nehemi 9:9

«Ə́ ku nąnni di wɔ laanɔ̨nwɔ̨ kaa Eziptə lɔi hu, ə́ di wɔlɔ woo mɛ̨n gboloyá kpɔlu kwɛlɛ.

Zasua 4:14

Nąąlɔwai, Yai-Laa ə Ɉosue kɛnɛ̨ nuą ɲɛ̨i ɓa, nuą diɛ ɲɔw mą, yɛ bələi di kɛi ɲɔw la Moisə ɓa ɲíi hvóló kəlee hu.

Zasua 24:7

Nąąlɔwai, ka nąnni di tomą Yai-Laa pɔ pələ, yili ə nąląąn ɉu kpinɛ̨ɛ̨ pɛlɛ ka lɔwai ka Eziptə nuą, əgɛ, gboloyá ə hiɛ di mɛ̨i, ə di mɛ̨i kpulu. Mɛ̨niɠaai ŋį́ naa Eziptə ɓa, ka nąą kaa. Ka lamun nɔi pun ɉu a ɉu kwɛa.