Lɛɛ gbɔwɔ ɓa 14:3 - Yálá laawoo hɛɓɛ (dc)

³ Eziptə tɔɔmun gaa pai kɛi diɛ: ‹Israɛlə lonnii daa lan nɔi pun ɉu.›

Yálá laawoo hɛɓɛ

³ Eziptə tɔɔmun gaa pai kɛi diɛ: ‹Israɛlə lonnii daa lan nɔi pun ɉu.›

Bible

³ Gâloŋ a pâi gíli ŋá siâi a gɛɛ Eezuɛ-ŋai díkaa nɔ́ ɣilînii ǹɔii su, ǹyaŋ vɛ̃ɛ-kpâlaŋ tínaŋɔɔ dîa.

Lɛɛ gbɔwɔ ɓa 14:3 Referans Kwoze

Gɛlaɠaa 4:28

Yii kpɔ wɔlɔ ə́ mąą kili tee ə́ kwəi, ya ka tii daa bɔ mɛ̨nį ə kɛ.

Izikiɛ 38:17

Mɛ̨nįi Mɛ̨nį kəlee ŋą Hééɓomun Yálá kaa moi ya ka, yɛ: Yɛ́ ɓə ŋį́ kɛi ə́ mąą mɛ̨nį ɓo; wɔlɔ wɔlɔ mɛ̨nį li; gwə́i mɛ̨nį hu kulɔ nuą, diɛ gwə́i mɛ̨nį ɓo, yɛ hvilɛn yɛ́; kwɛlan damąą yee mu, diɛ kɛ gáá pai pai a yɛ́, yɛ́ pɛlɛ diɛ a kɔ́.

Mąątɛ̨nɛ̨ 139:4

Nwooi gɛ́ ŋį́ mo, hva kpɛli ni tɛ ná, Yai-Laa yáá mąn gɔlɔn.

Mąątɛ̨nɛ̨ 139:2

Ŋą́ kɛ laani-o, ŋį́ múhəɠə-o, gbaɠala kaa Yɛ́; Yá gwə́i mɛ̨nįɠaa lɛɛ kwɛaa la, ə́ gɔlɔn.

Mąątɛ̨nɛ̨ 71:11

Diɛ kɛ diɛ: «Yálá aa gili kulɔ ɉu, 'ka ɉon, nu hvo mą hvo mąąkɔ̨nwɔ̨!»

Mąątɛ̨nɛ̨ 3:2

Ee kə! Yai-Laa! Mɔ̨nɔ̨ɓo nuą tamąą ɓə-ee! Nuąi daa di muhəɠə bɔ́ a kɔ́, di kpulu kɛnɛ̨ ɓə-ee!

Samuɛlə dɔlɔɔ 23:23

'Ka ká ɲɛ̨ilaa, gɛɛnąąɠaai kpɔ a kɛ nooi laa, ka nąąɠaa kaa, ka kɛ a nąą kəlee kɔ́lɔn ŋąą, ka pa ka mo mą́ą́. Nąąlɔwai, gwa gaani gwa li, a kɛ nɔi hu, ŋą́ hvilɛn Ɉuda lɔi nąą kəlee ŋą́ gaa.»

Samuɛlə dɔlɔɔ 23:7

Nuą di mo Saulə ɓa, diɛ mą: «Davidə aa li Keila daai.» Saulə ə mo yɛ diɛ: «Yálá aa nɔ ɲéé ŋą, mąąhɔlɔɓo, aa lɔ Keila, ɓɛi naa laa kpulɔɔ.»

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Nwun mąąɓo 16:2

Gaza nuą di bələ mɛ̨n diɛ Samsɔn aa pa di pɔɔ li, di hiɛ daa kwəi diɛ gwɛli, di nuą tɔɔ ɉįi la, diɛ nąą mąą hɛn. Di mo di kee ɓa, diɛ mą: «Ka gu yələ ɓoɔ mąą kpɔn, gu pa baa nąąlɔwai.»

Lɛɛ gbɔwɔ ɓa 14:2

«'Mo Israɛlə lonnii diɛ, di pənə di pa, di di wɔ ɓuwui pɛlɛ Pi-Hahirotə, Migdolə da gboloyá di lɔwai; Baalə-Sefɔn tənən ma, gboloyá kwɛlɛ pələ.

Lɛɛ gbɔwɔ ɓa 14:4

Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.