Lɛɛ gbɔwɔ ɓa 14:29 - Yálá laawoo hɛɓɛ (dc)

²⁹ Yii ɓaa Israɛlə lonnii di wɛi, di ɲá teen, a di kɔ́wɔ mąą kpalaa, ɲá tɔɔ di yee kəlee hu yɛ hįi.

Yálá laawoo hɛɓɛ

²⁹ Yii ɓaa Israɛlə lonnii di wɛi, di ɲá teen, a di kɔ́wɔ mąą kpalaa, ɲá tɔɔ di yee kəlee hu yɛ hįi.

Bible

²⁹ Kɛ́lɛ Eezuɛ-ŋai dí sìa ǹɔii kpalai mâ ǹyái sáma, ǹyái tɔɔ dílaa-mii-yee mɛi da díkɔɔ-yee mɛi yɛ̂ɛ pɛ́rɛ kâŋ.

Lɛɛ gbɔwɔ ɓa 14:29 Referans Kwoze

Lɛɛ gbɔwɔ ɓa 14:22

Israɛlə lonnii di gboloyá teen a di kɔ́wɔ mąą kpalaa, gboloyá tɔɔ di yee kəlee hu yɛ hįi.

Azaya 51:13

Yɛ́ lia ə́ pɛli mun Yai-Laa ɓa, yai yələkɔlɔn bɛli, yɛ lɔi laa, ə́ mąą yɛ kpɛlin nɔ a yələ kəlee ə́ mɔ̨nɔ̨ ɓomun dɔwɔ, yɛ a kɛi pa lamui gɛɛ kalaa tii hu? A kɛ tii, ə́ mɔ̨nɔ̨ ɓomun nwɔ liiholii tii kaa mį?

Azaya 51:10

kɛlɛi yɛ́ lɔ ɓə nwɔ̨nɔ̨ gboloyá kpala, yii gaa a moloon gɛnɛ̨ɛ hu yai, gbɛɛ ɓə pələ laa gboloyá ɲa kɔ́w ɓa, ə gɛ nuąi di nwun mąą aa ɓo diɛ pɛli tɛɛi laa?

Azaya 43:2

Yá kɛi tɛɛ yaɠaa hu, gáá ə́ pɔ, yá kɛi yaɠaa teen, hvá lɛɛ da hu, ə́ mą hiɛ nwɔ̨n ɉɛ̨ąi, hva ə́ kələn, nwɔ̨n nən və kɛa pai ə́ tiɠi kɛi, yɛ həli ə́ hu pələ kəlee;

Zasua 3:16

nąąlɔwai kpɔlɔɔ, ɲá ə tɔɔ ɲələi pələ yɛ hįi, kpɔ a gwɛa, Adamə taai ŋɛ̨i Sartan gwɛlɛ pələ; yii ŋɛ̨i a kɛ yɛɛi Ɉurdɛn ɲá-ɓoloon bɔ gboloyá ɓa pələ, gboloyá kponąi tii hu ə tee kpɔ tɛ̨ɛ̨ tɛ̨ɛ̨, nuą di Ɉurdɛn teen Ɉeriko tənən ma pələ.

Korɛntə dɔlɔɔ 10:1

Ną́n nonnii, və́ bɔ, və́ ká lɛɛ ká tɛŋíi, gu nąnni kəlee di kɛ dulɔ kpinįn mu, di kəlee di gbaloyá teen,

Lɛɛ gbɔwɔ ɓa 15:8

Ə́ hunwɔ̨i nɔ̨ɔ̨ a yáɠaa kpinįn gɛ, yáɠilin yɛ tɔɔ gee mɛ̨i, yɛ kpukpu, gboloyá kpon ɉu yɛ walawala.

Lɛɛ gbɔwɔ ɓa 15:19

Eziptə tɔɔmun nwɔ hooɠaai, nwɔ wotoloɠaai, da nwɔ hoo mɛ̨i nuą, di lɔ gboloyá hu, Yɛ́ ɓə ɲá hiɛ di mɛ̨i. Kɛlaa, Israɛlə lonnii di wɛi, di ɲá teen a di kɔ́wɔ mąą kpalaa.

Azaya 11:15

Bələi tii Yai-Laa ə Eziptə ya kpɛa-kpɛa kpala la, bələ ɓə gaa pai haŋąi la Eufratə ɲa lee ɓa, ə ɲąąkwɛlɛ ɉu a ya pɛlɛɛ mɛ̨ihveelɛ, nuą diɛ pɛli deen ɉii di kɔ́wɔ ŋą.

Tɔɔɓɛlaa veelɛ 2:8

Nąąlɔwai, Eli ə nwɔ biliɉui kulɔ gbaŋəi, ə gbinįn gɛ, ə ɲá kɛlɛ la; ɲá ə tee di tɔwɔ, di tɛɛ di nu hveelɛi di kɔ́wɔ mąą kpalaa.

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Mąątɛ̨nɛ̨ 78:13

Ə gboloyá ɓɛlaɓo ɉu hveelɛ, di tɛɛ ɉu; ə ɲáɠaa tɔɔ yɛ pɛlɛ́ nwąną.

Mąątɛ̨nɛ̨ 106:9

Ə tómą Veengbɔ̨nɔ̨ gboloyá mɛ̨i, yili ə kpala, Ə nwɔ nuą tɛɛ paalə kpon hu kwɛaa hu, a di kɔwɔ mąą kpalaa, yɛ da kɛi hiɛ lɔi kpalan mɛ̨i.

Mąątɛ̨nɛ̨ 136:13

Ə gboloyá kpɔlu ɓɛlaɓo ɉu hveelɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!