Lɛɛ gbɔwɔ ɓa 14:27 - Yálá laawoo hɛɓɛ (dc)

²⁷ Moisə ə ɲee haŋą. Yələwala pɔ, gboloyá ə pənə ə laa naai. Eziptə nuąi ŋɛ̨i kɛi pu, daɠaa di kwiɛn a ɲá, Yai-Laa ə di mąą wəleen, di pu ɲai.

Yálá laawoo hɛɓɛ

²⁷ Moisə ə ɲee haŋą. Yələwala pɔ, gboloyá ə pənə ə laa naai. Eziptə nuąi ŋɛ̨i kɛi pu, daɠaa di kwiɛn a ɲá, Yai-Laa ə di mąą wəleen, di pu ɲái.

Bible

²⁷ Mose è ǹyée sãa ǹyái mɛi, ǹyái é pá pôlu gɛ́-pere pɔlɔi su yɛ̂ɛ berei è kɛ̀ la a ŋ̀ele-waa pɛpɛi. Nya ƃe Ize-ŋai dí kîrɛ sìɣe zu, Yâwɛɛ é díkɛ dí lɛ́ɛ ǹyái su ǹyái sáma.

Lɛɛ gbɔwɔ ɓa 14:27 Referans Kwoze

Zasua 4:18

Ɓɛlɔwai ɉaláá laa həli nuąi ŋɛ̨i kɛi Yai-Laa nwɔ mįnɛ̨ kəhi həɠə di kulɔ la ɲái, Ɉurdɛn ə pənə ə laa naai. Ɛlɛɛ yɛ tɛɛ, yɛ bələi ə kɛi tɛɛ la a bɔlɔ.

Mąątɛ̨nɛ̨ 78:53

Ə kɛi li a diɛ a nɛlɛɛ, di hvo kɛi ɲɔw, gboloyá ə hiɛ la di yowoɠaa mɛ̨i.

Hebreu 11:29

Laa na laa háálai ɓə, Israɛlə lonnii di gboloyá kpɔlu teen na a di kɔ́wɔ mąą kpalaa, ya pa, Eziptə nuąi kɛ bɔ di ɉukɔɔn, ɲá ə di mɛ̨i kpulu.

Dutɛrɔnome 11:4

mɛ̨nįi ə naa Eziptə kɔ́kulááɠaa diɛ, di wɔ hooɠaa da di wɔ kɔ́ wotoloɠaa diɛ, ə veen gbɔ̨nɔ̨ gboloyá yali ə naa di mɛ̨i, ɓɛlɔwai di hvilɛn na ka pulu. Yai-Laa ə di nwun na pili kpɔ tɛ̨ɛ̨tɛ̨ɛ̨.

Nehemi 9:11

Ə́ gboloyá ɓɛlaɓo ɉąą di tɔwɔ, di tɛɛ laa a di kɔ́wɔ mąą kpalaa. Nuąi kɛi di kpɛ, ə́ di pili ɲa kpon ɉu yɛ kwɛni kpuwulu.

Mąątɛ̨nɛ̨ 106:11

Nuąi kɛi di mɔ̨nɔ̨ ɓo, Ə di lɛɛ yái, di tai lɔpee, hvo kulɔ ɉu.

Mąątɛ̨nɛ̨ 136:15

Ə Faraɔn da nwɔ kɔ́ laɠái di pili gboloyá kpɔlu hu! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Azaya 10:26

Yai-Laa Mɛ̨nį Kəlee ŋą Hééɓomun kaa pai nwɔ hvaɠai pilii ɲee mɛ̨i, yɛ Asiri kɛlɛ la, yɛ bələi ə Madian kɛlɛ la Orɛvə kwɛnii ɓa, yɛ nwɔ tunwɔ̨n ɉaŋą gboloyá mɛ̨i, yɛ bələi ə gɛ la Eziptə lɔi hu.

Zasua 24:7

Nąąlɔwai, ka nąnni di tomą Yai-Laa pɔ pələ, yili ə nąląąn ɉu kpinɛ̨ɛ̨ pɛlɛ ka lɔwai ka Eziptə nuą, əgɛ, gboloyá ə hiɛ di mɛ̨i, ə di mɛ̨i kpulu. Mɛ̨niɠaai ŋį́ naa Eziptə ɓa, ka nąą kaa. Ka lamun nɔi pun ɉu a ɉu kwɛa.