Biblia Todo Logo
Bib sou entènèt

- Piblisite -




Lɛɛ gbɔwɔ ɓa 14:17 - Yálá laawoo hɛɓɛ (dc)

17 Ɲą́ą́n, gáá pai Eziptə nuą kili walawalai, di lɛɛ ka pulu, nąą ɓə gáá pai nwɔ́ huwalawala mąąwiɛ lɛi laa Eziptə tɔɔmun, nwɔ kɔlaɠai da nwɔ wotoloɠaa diɛ, ə mą kɛ a nwɔ hoo mɛ̨i nuą kəlee.

Gade chapit la Kopi

Yálá laawoo hɛɓɛ

17 Ɲą́ą́n, gáá pai Eziptə nuą kili walawalai, di lɛɛ ka pulu, nąą ɓə gáá pai nwɔ́ huwalawala mąąwiɛ lɛi laa Eziptə tɔɔmun, nwɔ kɔlaɠai da nwɔ wotoloɠaa diɛ, ə mą kɛ a nwɔ hoo mɛ̨i nuą kəlee.

Gade chapit la Kopi

Bible

17 Ŋa pâi Ize-ŋai líi su kpananîi a gɛɛ dí lɛ́ɛ Eezuɛ-ŋai pôlu. Ǹyaŋ ŋa pâi ŋáfolo-laai lɛ̂i Gâloŋ mâ da ŋɔkɔ́ kɔ́-ƃelai é pɛ́lɛ ŋɔkɔ́kɔ keleŋ-ŋai dîa da ŋɔsoo-mɛi-ƃelai.

Gade chapit la Kopi




Lɛɛ gbɔwɔ ɓa 14:17
26 Referans Kwoze  

Yai-Laa ə Eziptə tɔɔmun gili walawala, ə həɠə ə hvilɛn Israɛlə lonni pulu. Yaan, Israɛlə lonnii kɛɛ kulɔi Eziptə lɔi hu, di hvo pu.


Gáá pai Eziptə tɔɔmu gili walawalai, ə hvilɛn ka pulu. Nąąlɔwai ɓə, gáá pai nwɔ́ yee tɛɛmąąlaa lɛi la Eziptə tɔɔmun da nwɔ kɔlaɠai diɛ. Yili pɔ pələ ɓə Eziptə nuą kəlee da gɔlɔn na diɛ, ɲą́ą́ ɓə gáá a Yai-Laa.» Israɛlə lonnii di gɛ yɛ bələi di di tɔɔ la.


Yili mąą mɛ̨nį ɓa, Mɛ̨nį kəlee ŋą Hééɓomun Yálá yɛ: Ɲą́ą́ gbínii, gáá pai mɛlaa haa yolaa, da mɛlaa haa kpalaa di lɔwai mɛ̨nį ɓoi.


«Mąąhɔlɔɓo, mɛ̨nįi Mɛ̨nį kəlee ŋą Hééɓomun Yálá kaa moi, ya ka, yɛ: Ɲą́ą́ gbį́nį ɓə pai lii nwɔ́ taatɛlɛɛ kpului kwɛlii, gɛ́ naa hɔn mo.


Ka ka ɲɛ̨i hee kani, yiihu, ɲą́ą́ lɔ ɓə, ɲą́ą́ dɔ̨nɔ̨ gbən nɔ ɓə, kwa hɛn da ku hvo kpɔn ni ma. Ɲą́ą́ ɓə ŋą́ nu paa, Ɲą́ą́ ɓə ŋą́ nu lɛɛ yɛnɛ̨ɛ̨. Ŋą́ nwolo, ɲą́ą́ ɓə ŋą́ dɔɔ; Nu hvo mą, yii a gulɔ ɲə́i.


'Kɛ diɛ: Israɛlə yeeɠaa, ka ká wəli tɔɔ Ną́mu Yálá woo ɓa. Mɛ̨nįi Yai-Laa kaa moi ɲeeɠaa, ɲee kpu kpuɠaa, moloonŋąą, da ɲee lɔwai lɔiɠaa diɛ, ya ka: Ɲą́ą́, gáá ɓɔwa kwɛaa ɲąątɔɔi kaa; gɛ́ ka wɔ hɛlaa kulɔiɠaa hu kala.


Yili mąą mɛ̨nį ɓa, Ną́mu Yálá woo ka, yɛ: Ɲą́ą́n gbɛlimąn, ŋą́ą́ kɛ a ə́ yowo; gáá pai giti kalai yɛ́; lɔiɠaa ɲɛ̨i ɓa.


Ɲą́ą́ ɓə, ɲą́ą́ ɓə ka hvaŋą lɔi, gbɛɛ ɓaa yɛ́ yai ya ɲɔw nui gaa a haa mun mą, a Adamə lon yai gɛ pələ kaa yɛ kala tiliin?


Ɲą́ą́, ɲą́ą́ ɓə hvaa; gaa tii, ɲą́ą́ ɓə ɲą́ą́ ɓə dəli, ɛlɛɛ, gɛ kóló hu kaa pai nɛ̨ɛ̨i!


Hvo lɛɛi yili ɓa, gáá pai kɛi yɛ yala Ɛfraimə ɓa, ŋį́ kɛ yɛ yala gbɔn, Ɉuda nwɔ pɛlɛ́i ɓa. A ɲą́ą́, ɲą́ą́ ɓə pai di ɓɛla ɓɛlai, yili pulu, ɉuwɔi ŋą́ ɉon, ŋą́ li la, ɛlɛɛ, nu ta hva pɛli gulɔi ɲə́i.


Yili ɓa, gáá gbówo tooi a kaa, ŋį́ ka pili, ka həɠə ɲɛ̨́i mu; Kaa, ə mą kɛ daa ŋɛ̨i ŋį́ dɛɛ ka pɔ, ka ka nąnni.


ŋą́ tɔɔ ka la a liiholi kɛnɛ̨, ɲą́ą́ gbinįi gɛ́ ka hutɔɔ gee mɛ̨i mɛ̨ihveelɛ, ka wɔ nɛ̨ŋɛ̨nŋąąi mąą mɛ̨nį ɓa.


Ə mą kɛ ti, gáá pai Eziptə tɔɔmun gili walawalai, bələi mąn gáá pai kpalo mɛ̨nį kwɛlɛɛn mɛ̨nį tamąą kɛi la nwɔ lɔi hu.


Ŋą́ą́ mo yɛ́, 'ɓo nón ma ə li ə tí mą́ą́; ya ka hvó gɛi hvó ɓo mą hvo li! Yili ɓa, gáá ə́ lon ɉulɔnu dɔlɔɔ paai.›»


«Gáá nwóó kwɛlɛi kaa, ka ka huwuhu nuą,


Gáá pai yánwąną kulɔi lɔi mɛ̨i, ə nɔ̨ɔ̨-nɔ̨ɔ̨ hɛnŋaa kəlee nwun napili lɔi mɛ̨i.


Yili ɓa, nui Yálá kaa bɔ ə ɲɛ̨imąąwɛli kaa a ɲɛ̨imąąwɛli kaa. Nui a kɛ bɔ ə gili walawala, ə gili walawala.


Eziptə nuąi tii kpɔ kɛ di pulu, di lɛɛ di pɔ, di lɔ ɲa lɔwai. Tɔɔmun nwɔ hooɠaai, nwɔ wotoloɠaai, da nwɔ hoo mɛ̨i nuą kəlee di lɔ ɲái.


Moisə yɛ Aarɔn ɓa: «Yai-Laa ə mo kpɔ, yɛ: Bələi Mą́ą́həɠɛɛ la, mąąnɛ̨ɛ̨ nwɔ́ kóló kɛ nuą di yili kɔ́lɔn, ɛlɛɛ di mą́ą́wiɛ nɔi nuą kəlee ɲɛ̨i ɓa». Aarɔn ə tɔɔ lɔ tin.


Mąąhɔlɔɓo, Yai-Laa aa kɛ mąą kili tee gwəi, yɛ di kili walawala diɛ kɔ́ pɛlɛ Israɛlə ɓa. Israɛlə ə di kaa a nuąi di hva pɛli di mąąwɛli kaai. Yili ɓə gɛ di gəlee di nwun na pili, yɛ bələi Yai-Laa ə mo la Moisə ɓa.


Ka hvo ka kili walawala yɛ bələi Eziptə nuą da di wɔ tɔɔmun ni di gɛ la. Di mɔ̨nɔ̨ ɓoi Yálá ə mo, yili ɓə gɛ diɛ nwɔ nuąi lɛɛ la laa diɛ li.


Wotolo kpulu kɛnɛ̨ ə kɛ nuąi tii pulu, nąą mąąwiai kpɔ kɛ kɛnɛ̨.


Yai-Laa yɛ Moisə ɓa: «Lii ə́ kaa moi Eziptə, gwɛlɛɛn mɛ̨nįɠaa kpɔ ŋą́ gɛ sə tɛɛ ə́ pɔ, ə́ kaa lii gɛi Eziptə tɔɔmun nííla. Kɛlaa Gáá pai gili walawalai, hvo lii hvaai mą, hvo ɓo Israɛlə lonnii diɛ.


Gáá pai Yavimə nwɔ kɔlaɠa namui Sisera tənən dɔɔi yɛ́, da nwɔ wotoloɠaai, ɛlɛɛ da nwɔ kɔ́kulááɠaai Kisɔn ɲá-ɓoloon bɔ, ŋą́ di lɔ ə́ yee ɲą.›»


'Kɛ mą, Mɛ̨nį kəlee ŋą Hééɓomun Yálá woo ka; yɛ: Sidɔn, gáá pai pɛlɛi yɛ́, ɲɛ̨i kaa pai pɔ̨nɔ̨i yɛ́ taa kwəi, diɛ gilin nąąlɔwai, diɛ kɛ; ɲą́ą́ ɓə gáá a Yai-Laa. Bələ ɓə gáá pai, nwɔ́ mąąhəɠə laa lɛi la nuą diɛ.


Swiv nou:

Piblisite


Piblisite