Lɛɛ gbɔwɔ ɓa 14:13 - Yálá laawoo hɛɓɛ (dc)

¹³ Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Yálá laawoo hɛɓɛ

¹³ Moisə yɛ diɛ: «'Ka hvo ɲɔw! Ka hee tin ka ka ɲɛ̨i hee! Yai-Laa, kaa háákələi pai ka nwun mąąɓoi. Mąąhɔlɔɓo, Eziptə nuąi ŋɛ̨i kələi ka káá di kaai, ka hvo kɛa pai di kaai tɔ̨nɔ̨ kpɛli.

Bible

¹³ Nya ƃe Mose è mò dîa ǹyɛɛi, “Káfe yào. Ka tɔ́ɔ tɔ̂ŋ ká Yâwɛɛ ŋɔƃálo-laai káa a pâi dɛɛ̂i kápɔ sâai. Kpɛ́ni fêi, Ize-ŋai ŋí ka díkâai sâai, káfe pâi ŋɔ́nɔ wɔ́lɔ díkâai.

Lɛɛ gbɔwɔ ɓa 14:13 Referans Kwoze

Kɔlɔnikɔ Veerɛi 20:17

Ka hvo lii kɔ́ kɔ́ mɛ̨nį ɓa, 'ka li lɔ, ka ká kpɔɔ lɛ, ka tɔɔ, ka ká ɲɛ̨i hee Yai-Laa ŋą yeetɛɛmąą kɔ́i kɔ́ pələ ɓa, ka mąą mɛ̨nį ɓa. Ɉuda nuą ka Ɉerusalɛmə nuą, 'ka hvo ɲɔw, ka mąą hvo kpɛlin! Tínąą, 'ka kulɔ ka li ka tɔɔ di tɔwɔ, Yai-Laa kaa ka pɔ.»

Kɔlɔnikɔ Veerɛi 20:15

Yɛ diɛ: «'Ka ká wəli tɔɔ kpɔ a nɛlɛɛ, kaa a Ɉuda nuą, kaa a Ɉerusalɛmə heeɓo nuą, ɛlɛɛ, yɛ́i ɓaa a tɔɔmun Ɉosafatə! Yai-Laa woo ka, yɛ diɛ: 'Ka hvo ɲɔw, 'ka mąą hvo kpɛlin nu kpulu kɛnɛ̨i tii ɲɛ̨i tɔwɔ; hvo gaai, ka mąą kɔ́ hvoli, Yálá mąą kɔ́ li.

Lɛɛ gbɔwɔ ɓa 14:30

Volói tii ɓə Yai-Laa ə Israɛlə lonnii nwun mąąɓo la, ə di kulɔ Eziptə nuą yəi. Ɛlɛɛ, Israɛlə lonnii ɲɛ̨i heɛ Eziptə nuą diɛ, diɛ haa gboloyá hu.

Tɔɔɓɛlaa veelɛ 6:16

Elise yɛ mą: «'Hvó ɲɔw, diɛi gwa diɛni gu tɔɔ, di kpulu kɛnɛ̨i dɛɛ diɛi diɛ.»

Azaya 35:4

Nuąi ɲɔw kaa di hu pui diɛ, ka kɛ diɛ: 'Ka ka liikpələ, ka hvo ɲɔw. Ka wɔ Yálái ka: Nwą́nąkulɔ ka tii! Pɔɔkulɔ li! Yaa kpinįi ɓə pai ka ɓaloi.

Woolaa 3:26

Viɛlaɓoɔi nu ə kilitɔɔmąąlaa kɛ laa pilɛ hu, yɛ Yai-Laa nwɔ nwun mąąɓo mąąkpɔn.

Osia 13:4

Ɛlɛɛ, ə həɠə kpɔ ə́ kulɔ yələ ɓa Eziptə lɔi hu, ɲą́ą́ lɔ ɓə a Yai-Laa ə́ wɔ Yálá. Akɛ ɲą́ą́ hvəi, hvó Yálá takpɛli kɔ́lɔn, nu ɓalomun dakpɛli hvo laa, a kɛ ɲą́ą́ hvəi.

Habakukə 3:13

Ya ə́ mąą lɛɠɛ ə́ wɔ nuąi diɛ, yɛ́ di mąą kpɔnmąą ɓo. Tɔɔmun yii ə́ ɉəɠə ɉu, ya mąą kpɔnmąą ɓo. Ya nwąnąlɔ nuą nwun nąmu kɛlɛ, yɛ́ ɲee pɔ nuą nwun napili hvina kulɔ

Azaya 43:11

Ɲą́ą́, ɲą́ą́ ɓə a Yai-Laa, nwun mąąɓomun dakpɛli hvo la ə kulɔ ɲą́ą́ búlu.

Dutɛrɔnome 20:3

yɛ kɛ diɛ: «Israɛlə nuą, ka ka wəli tɔɔ, ka káá lii háákələi kɔ́ kɔ́i, ka ka yowoɠaa kaa, ka lii hvo kulɔ kaa, ka hvo ɲɔw, ka hu hvo pu kaa; ka mąą hvo kpɛlin di tɔwɔ.

Lonon mo 14:9

Ka hvo ka kwɛli tee Yai-Laa ɓa, ka hvo ɲɔw nɔi tii hu nuą diɛ, mąąhɔlɔɓo di kaa lɔ gu yəi a nɔ na tɔ̨nɔ̨. Di wɔ haliɠaai daa kulɔ di pulu, guɔ yaan Yai-Laa kaa gu pulu, yili ɓa, ka hvo ɲɔw diɛ.»

Zɛnɛse 49:18

Gílitɔɔi yɛ́ Yai-Laa málomun!

Ɉeremi 3:23

Haláá kulaa yee kpu kpuɠaa mɛ̨i, da mɛ̨nį tamąą kɛɛ yeeɠaa nwuɔ̨, yili nwɛi, a tɛ̨ą gaa kpɔ a kpɛli-kpɛli. A tɛ̨ą Israɛlə nwun mąąɓo mɛ̨nį a həɠə lɔ Yai-Laa kuɔ Yálái yee ŋą.

Nehemi 9:9

«Ə́ ku nąnni di wɔ laanɔ̨nwɔ̨ kaa Eziptə lɔi hu, ə́ di wɔlɔ woo mɛ̨n gboloyá kpɔlu kwɛlɛ.

Zɛnɛse 15:1

Mɛ̨nįɠaai tii tɛɛ pulu, Yai-Laa ə gbɔwɔ lɛ Abramə ɓa, yɛ mą: «Abramə, hvo ɲɔw, ɲą́ą́ ɓə gáá a ə́ mąąkɔ̨nwɔ̨mun, gáá pai hvɛla kulɔ kɛnɛ̨ tɛɛi ə́ pɔ.»

Mąątɛ̨nɛ̨ 3:8

'Ə́ muhəɠə, Yai-Laa! 'Málo, yɛ́i a nwɔ́ Yálá! Yɛ́i yá ɲówóɠaa kəlee laa lɔwa, ɛlɛɛ, yɛ́ nwąnąlɔ nuą ɲįn ɲali.

Azaya 26:3

Gilitɔɔi mɔ̨ɔ̨ Yɛ́, Yáá liilaa yɛnɛ̨ɛ̨ kpɔkpɔɔ tɛɛ bɔ.

Maafîu 28:5

Malakai tii ə mo nɛ̨ą tii diɛ yɛ diɛ: «Ka hvo ɲɔ̨w. Gíli kaa ɉu gɛ́ diɛ Jesus ŋɛ̨i di gbanwo kolɔwa ɓa ya ɓə ka káá gwɛli.

Azaya 30:15

Mąąhɔlɔɓo, mɛ̨nįi Yai-Laa ka wɔ Yálái, a Israɛlə nwɔ Mąąhəɠəmun ə mo ya ka: Ka ɓalo mɛ̨nį a kulɔ ka hɔn mąą pənə mɛ̨nį hu, kaa ka hvii tɔɔ, ka hvaŋą kaa liilaa hu, da kilitɔɔmąąlaa, Kɛlaa, ka hvo yili pɔ.

Kɔlɔnikɔ Maa-ŋuŋ 11:14

Eleazarə da nwɔ nuąi di di loo ɲɛɛ hamąi, di kulɔ, di Filisti nuą paa kpɔ kpąąn, gɔ ə nɛ̨ɛ̨ laa Yai-Laa ɓa kpɔ kɛnɛ̨.

Habakukə 3:8

Yai-Laa, akɛti, ɲaleeɠaa ɓə ə́ líiholi? Akɛtii, ɲaleeɠaa ɓə ə́ lii kələn ɉi ə́ kwəi? Akɛtii, gboloyá ɓə ə́ lii kaa holii bɔ? Ya tɛ tulɔ kpilinin mɛ̨i, yɛ nuą kɛi tɛ wotolo hu, yɛ li a yɛ́ yeetɛɛmąą kɛi.

Osia 13:9

Israɛlə yɛ́ ɓəi! Daa ə́ hu kala ŋɛ̨i! Tɔ́ɔ́ ɓə ə́ mo ná; ɲą́ą́ dɔ̨nɔ̨ lɔ ɓə ŋą́ pɛli kpɔnmąątɛɛi ə́ pɔ.

Zɛnɛse 46:3

Yɛ mą: «Ɲą́ą́ ɓə gáá a Yálá, gáá a ə́ nąn nwɔ Yálá. Hvo ɲɔw lii Eziptə. Mąąhɔlɔɓo, gáá pai ə́ huwu ɓɛlɛi, di kɛ a lɔi tɔ̨nɔ̨.

Lɛɛ gbɔwɔ ɓa 20:20

Moisə yɛ diɛ: «Ka hvo ɲɔw, ka hu kɔ́ɔn mɛ̨nį ɓə Yálá ə paa la, ə gɛ, ka ɲɔw mą, ɛlɛɛ, ka hvo pa ləi nɛ̨ɲɛ̨n ɉəɠə.»

Samuɛlə dɔlɔɔ 11:13

Saulə yɛ diɛ: «Mąą hvo nɛ̨ɛ̨li di hvo nu ta paa háákələi, mąąhɔlɔɓo, kɔ́ a háákələi nɛɛ Yai-Laa ɓa Israɛlə lɔi hu.»

Samuɛlə dɔlɔɔ 12:16

Ka tɔɔ nwɔ̨nɔ̨, yii mɛ̨nį kəlee Nąmu Yai-Laa yɛ ə gɛ, ka ɲɛ̨i ɓa, ka gaa.

Azaya 7:4

ə́ mo mą, yɛ mą: «‹Ə́ líí laa yɛ́, hvo ɲɔw, ə́ líi hvo kulɔ yɛ́ gwɛi kpuwɔ hveelɛi ŋɛ̨i di mɛ̨i lulu kaa kulɔi mąą mɛ̨nį ɓa; diɛ ɓaa, Aramə tɔɔmun Resin da Remaliahu lon di wɔ liiholi kɛnɛ̨ɛ̨i.

Zɛnɛse 26:24

Mąą kpinį tii hu, Yai-Laa ə gbɔwɔ lɛ mą, yɛ mą: «Ɲą́ą́ ɓə gáá a ə́ nąn Abrahamə nwɔ Yálá, hvó ɲɔw, gáá ə́ pɔ. Gáá pai lúwɔ́ tooi yɛ́, ŋį́ ə́ huwuhu ɓɛlɛ, nwɔ́ tímun Abrahamə mąą mɛ̨nį ɓa.»

Mąątɛ̨nɛ̨ 68:21

Ɲalái tii ɓə a kɔ́ nɛ̨ɛ̨ kuɔ, Ɛlɛɛ, haa pɛlɛ́ laaɓo kwɛli kaa Yai-Laa gu wɔ Yálái yəi.

Mąątɛ̨nɛ̨ 78:53

Ə kɛi li a diɛ a nɛlɛɛ, di hvo kɛi ɲɔw, gboloyá ə hiɛ la di yowoɠaa mɛ̨i.

Mąątɛ̨nɛ̨ 91:8

Ə́ ɲįnąąɓo lɔ, ə́ ə́ ɲɛ̨i hee, bələi di kaa nwąnąlɔ nuą hvɛla kulɔi la, ə́ nąą kaa.

Osia 1:7

«Ɉuda nwɔ pɛlɛ́i nwɛi, ŋą́ nwɛlilakɛ, gɛ́ di nwun mąąɓo, ɲą́ą́ Yai-Laa di wɔ Yálái, və́ pai di nwun mąąɓoi a kilɛn, a wala kɛ tii kɔ́ kɔ́ ɓɔwa, a wala kɛ tii a kɔ́, ə mą kɛ hoo da hoo mɛ̨i kɔ́ kɔ́ nuą.»