Lɛɛ gbɔwɔ ɓa 14:10 - Yálá laawoo hɛɓɛ (dc)

¹⁰ Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Yálá laawoo hɛɓɛ

¹⁰ Eziptə tɔɔmun nɛɠɛɛ kɛa diɛ, Israɛlə lonnii di Eziptə nuą kaa di pulu diɛ pa, di kəlee di ɲɔw kpɔ kɛnɛ̨, di di woo tɛ Yai-Laa pɔ pələ.

Bible

¹⁰ Tãi Gâloŋ è lɛ̀ɣɛ la a Eezuɛ-ŋai, dí Ize-ŋai kàa díkɛ pà dîa. Dí kɛ̀ yaôi. Nya ƃe dí wɔ̀lɔ Yâwɛɛ ma.

Lɛɛ gbɔwɔ ɓa 14:10 Referans Kwoze

Mąątɛ̨nɛ̨ 107:6

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, ə di kulɔ di wɔ liihɛlɛn mɛ̨nįɠaai hu;

Mąątɛ̨nɛ̨ 34:17

Yai-Laa a kɔ́ pɛlɛ mɛ̨nį ɲɔ̨n gɛ nuą diɛ, əgɛ, ə di laa kili kpɛɛ nuą ŋą.

Nehemi 9:9

«Ə́ ku nąnni di wɔ laanɔ̨nwɔ̨ kaa Eziptə lɔi hu, ə́ di wɔlɔ woo mɛ̨n gboloyá kpɔlu kwɛlɛ.

Zasua 24:7

Nąąlɔwai, ka nąnni di tomą Yai-Laa pɔ pələ, yili ə nąląąn ɉu kpinɛ̨ɛ̨ pɛlɛ ka lɔwai ka Eziptə nuą, əgɛ, gboloyá ə hiɛ di mɛ̨i, ə di mɛ̨i kpulu. Mɛ̨niɠaai ŋį́ naa Eziptə ɓa, ka nąą kaa. Ka lamun nɔi pun ɉu a ɉu kwɛa.

Mąątɛ̨nɛ̨ 106:44

Ə di wɔ mɔ̨nɔ̨i kaa, a ɓɛlɔwai ə di tómą woo mąn na.

Mąątɛ̨nɛ̨ 53:5

Mɛ̨nį ɲɔ̨n gɛ nuąi tii, gbaɠala hvo mɔ̨ɔ̨ diɛ, a diɛi kɛi nwɔ́ nu kanŋaai mįi, a di kɔ̨nɔ̨n di kɛi gulɔ di yəi, ɛlɛɛ, di hva kpɛli Yálá hvɛli!

Kɔlɔnikɔ Veerɛi 18:31

Ya ɓəi gɛ, ɓɛlɔwai kɔ́-wotolo nwun nąmįną di Ɉosafatə kaa la, di kɛi kɛ diɛ: Israɛlə tɔɔmun ga tii. Di nɛɛ mą, di mąątínɛ̨n, əgɛ, di ɉon. Kɛlaa, Ɉosafatə ə tómą, Yai-Laa ə kpɔnmąą tɛɛ bɔ, Yálá ə di ɲɛ̨i tínɛ̨n ə ɉəɠə mą.

Zɔ̂ŋ Maa-ŋuŋ 4:18

Ɲɔw hvo wɛlikɛmąą laa hu. Kɛlaa wɛlikɛmąą laa kpɔ-kpɔɔ a ɲɔw pili bulu, mąąhɔlɔɓo hutɔɔ mɛ̨nį ɓə ɲɔw a kulɔ ɉu, ɛlɛɛ, nui a ɲɔw, mąą mɛ̨nį laa hvo kulɔ li wɛlikɛmąą laa hu.

Ɉeremi 22:23

Yɛ́i kɛ heeni Liɓan, yáá ə́ taa tɔɔ Liban kpitiliɠaa hu. Ə́ ɲiŋɛ hiɛ ka tii, mɔ̨nɔ̨ɠaai pai laai yɛ́ di yəi, yɛ kwəi nwąną kɛ nɛ̨ɛ̨nu nwɔ mɔ̨nɔ̨.

Azaya 26:16

Yai-Laa, kwa kɛ mɔ̨nɔ̨ hu, Yɛ́ ɓə kwa pa Ə́ pɔ pələ, Yá Ə́ liiholi, kwa kɛ nɛ̨ɛ̨mąą hvəi Yɛ́.

Azaya 7:2

Di li di nwɛlɛɛ ɓo Davidə yəi bɛlɛ́n nuą diɛ, diɛ mą: «Ɛfraimə nuą daa Aramə nuą heei kulɔ di pɔ lɔi.» Nąąlɔwai, tɔɔmun Akazə da nɔi lonnii di mąą yɛ kpɛlin, yɛ hvaŋą a kɛi wuluɠaa kpɛlin.

Mąątɛ̨nɛ̨ 107:28

Di lɛɛ di wɔ mɔ̨nɔ̨i tii hu, di tomą Yai-Laa pɔ pələ, Yai-Laa ə di kulɔ di wɔ liihɛlɛn gɛnɛ̨i tii hu.

Mąątɛ̨nɛ̨ 107:19

Di lɛɛ di wɔ mɔ̨nɔ̨ɠaai tii hu, di tomą Yai-Laa pɔ pələ, Yai-Laa ə di ɓalo, ə di kulɔ di kwəi pilimąą mɛ̨nįɠaai tii hu.

Mąątɛ̨nɛ̨ 107:13

Di lɛɛ di wɔ mɔ̨nɔ̨i tii hu, di wɔlɔ Yai-Laa ɓa, ɛlɛɛ, ə di ɓalo, ə di kulɔ di wɔ kwəipili mąą mɛ̨nįɠaa hu;

Lɛɛ gbɔwɔ ɓa 15:25

Moisə ə nwoo tɛ Yai-Laa pɔ pələ, Yai-Laa ə wulu huwu ta lɛ mą, ə gbuwɔ ta too ɲái; ɲá ə nɛ̨ɛ̨. Nąą ɓə ə tɔ́n naa laa diɛ, da di hiɛ pələ. Nąą ɓə ə di hukɔɔn naa.

Dutɛrɔnome 9:7

Ka kili ə kɛ ɉu kaa diɛ, ka Yai-Laa ka wɔ Yálái liiholi nɔi pun ɉu, ka hvo lɛ̨ą mɛ̨nįi tii ɓa. Ə həɠə ka kulɔ yələ ɓa Eziptə lɔi hu, ə lɛɛ ɉu ka həli la ɓɛ, ka kɛi lɔ tɔɔ Yai-Laa la.

Mąątɛ̨nɛ̨ 81:7

Ŋą́ą́ nwɔ tiɛ̨i həɠə nwuɔ̨, ɛlɛɛ, yaan ə diɛ̨i laa.

Lɛɛ gbɔwɔ ɓa 13:17

Ɓɛlɔwai Eziptə tɔɔmun ə ɓo la Israɛlə lonnii diɛ, diɛ li, Yálá hvo hvaa mą, di hvo tɛɛ Filisti lɔi hu pələ; bələi mąn bələ yili kpuai kɛ la. Mąąhɔlɔɓo, ə gaa yɛ, da tɛɛ laa pələ, kɔ́ kaa lii heei diɛ, di ɲɔw, di pənə di pulu diɛ li Eziptə lɔi hu.

Zasua 24:6

Ŋį́ ka nąnni kulɔ Eziptə lɔi hu, ka həli gboloyá ɓa, Eziptə nuą di hvilɛn ka nąnni pulu diɛ di kpɛ, a wotoloɠaa da hoo gilɛ həɠə nuą, ə lɛɛ ɉu di həli la veegbɔnɔ gboloyá ɓa.