Lɛɛ gbɔwɔ ɓa 13:12 - Yálá laawoo hɛɓɛ (dc)

¹² Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Yálá laawoo hɛɓɛ

¹² Ka lon ɉinąą dɔlɔɔɠaa kəlee tɛɛ Yai-Laa pɔ, ə mą kɛ a ka yəi taatɛlɛɛ lon dɔlɔɔɠaai a ɉilɛ, nwɔɔ li.

Bible

¹² ka kálônii-sinaai maa-ŋuŋ-ŋai tɛ́ɛ Yâwɛɛ pɔ́. Kátaa tulɛ-ŋai dílônii-sirɛi maa-ŋuŋ-ŋai díkaa a Yâwɛɛ pɔ́ɔ.

Lɛɛ gbɔwɔ ɓa 13:12 Referans Kwoze

Lonon mo 18:15

Lon dɔlɔɔ kəlee, kaa a Yai-Laa nwɔɔ, ka paa la bɔ; yɛi kɛ a taatɛlɛɛ, yɛi kɛ a nu kan. Kɛlaa, yá mo di nu lonnii dɔlɔɔɠaa nwun mąąɓo. Taatɛlɛɛɠaai tɔ́n gaa diɛ, ə́ di lon dɔlɔɔɠaa nwun mąąɓo.

Levetekɔ 27:26

«Nu hva pɛli nwɔ taatɛlɛɛ lon dɔlɔɔ laakwɛlanmoi, gɛɛ mɔ̨ɔ̨ a non dɔlɔɔ, Yai-Laa nwɔɔ li a bɔlɔ, ə kɛ a nįŋɛ̨, ə mą kɛ a taatɛlɛɛ pɛlɛɛ ta.

Lɛɛ gbɔwɔ ɓa 34:19

«Lon ɉinąą dɔlɔɔɠaa kəlee kaa a nwɔ́ɔ́, ə kɛ a nu kan, ə kɛ a taatɛlɛɛ; a mɛ̨nį kili too ɲą pələ.

Izikiɛ 44:30

Hihɛn gəlee má tɔlɔɔ, hɛn lɔpee ka ɉəɠə taatɛlɛɛɠaa hu, ka kɛ kólóɠaa hu, ə kɛ a haláá hɛn lɔpee, ka dɛɛ ɉaláá laa həli mun bɔ; lúwɔ́ ə pɛli yɛɛi ə́ wɔ pɛlɛ́i mɛ̨i.

Lɛɛ gbɔwɔ ɓa 13:2

«Lon ɉinąą dɔlɔɔɠaa kpɔ Israɛlə nuą kaa pai ɉɔlɔɓoi, da di yəi taatɛlɛɛ non dɔlɔɔɠaa kəlee, ka bili gee mɛ̨i, di kɛ a nwɔ́ɔ́.»

Dutɛrɔnome 15:19

Ka wɔ nįŋɛ̨ɠaa, ka wɔ taatɛlɛɛ pɛlɛɛɠaa lon dɔlɔɔɠaa, da kɛ a ɉilɛ, ka naakwɛlanmo Yai-Laa ka wɔ Yálái ɓa, nwɔɔ li. Ka hvə kóló kɛ a ka wɔ nįŋɛ̨ lon dɔlɔɔɠaa, ə mą kɛ, ka wɔ taatɛlɛɛ pɛlɛɛɠaa lon ɉilɛ dɔlɔɔɠaa, ka hvo di ləɠa mɛ̨i tee.

Lɛɛ gbɔwɔ ɓa 22:29

«‹Bələ lɔ ɓə yá gɛ la a ə́ wɔ nįŋɛ̨ da ə́ wɔ ɓɛlaaɠaa, a lɛɛ nee pɔ hvóló mɛ̨ihveelɛ yee mu, voló mɛ̨ihaaɓa yələ, ə́ dɛɛ bɔ́.

Lonon mo 8:17

Mąąhɔlɔɓo, nwɔ́ɔ́ ɓaa, Israɛlə lon dɔlɔɔɠaa kəlee; yɛi kɛ a nu kan, yɛi kɛ a taatɛlɛɛɠaa. Ɲələi ŋą́ lon dɔlɔɔɠaa paa la Eziptə lɔi hu, ɲələ ɓə ŋį́ Israɛlə lon dɔlɔɔɠaa kɛ la a nwɔ́ɔ́.

Lonon mo 3:12

«Ɲą́ą́ gbinįi ɓə Levi lonnii həɠə Israɛlə lonnii lɔwai. Di kaa a Israɛlə lonnii lon ɉinąą dɔlɔɔɠaa mąąhvalin, nwɔ́ɔ́ ɓaa diɛ.

Lukə 2:23

Mąąhɔlɔɓo, bɛɛi dɔ́n ɉɛɓɛ́ hu Ną́mu yəi, yɛ diɛ: «Lon ɉulɔnu tɔlɔɔ yii lɔpee a hɔlɔɓo gaa a Yálá nwɔɔ.»

Lɛɛ gbɔwɔ ɓa 13:1

Yai-Laa yɛ Moisə ɓa:

Izikiɛ 16:20

Ə́ ə́ lon ɉinąą, da ə́ lon nɛ̨ąą, a diɛi ti ə́ di káá mą́ą́; ə́ di həɠə yɛ di kɛ a haláá hɛn, mąąnįnįnŋą́ą́i ti diɛ. Dúwɔ pələ ɲɔ̨n gulaa tii hvo mɔ̨ɔ̨ kɛ ə́ lii hon?

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Lɛɛ gbɔwɔ ɓa 34:20

Kɛlaa, hoohvaalən non dɔlɔɔ nwɛi, yá nwun mąąɓo a ɓɛlaa, yá wala nwun mąąɓo, ə́ gɔn ɲali. Ka ka lon ɉinąą tɔlɔɔɠaa nwun mąąɓo. «Mąą hvo nɛ̨ɛ̨li ka hvo pa Nííla a ka yeehvowolo.

Lonon mo 3:13

Mąąhɔlɔɓo, lon dɔlɔɔ kəlee kaa a nwɔ́ɔ́; ə həɠə ɲələi ŋį́ Eziptə nuą lon ɉinąą dɔlɔɔɠaa paa la, Israɛlə lonnii hinąą dɔlɔɔ kəlee kaa a nwɔ́ɔ́, ə mą kɛ daatɛlɛɛ lonnii dɔlɔɔ da nu kan nonnii dɔlɔɔɠaa. Ɲą́ą́ ɓə gáá a Yai-Laa.»

Nehemi 10:36

Kwa ku wɔ hihɛnŋąą nįnɛ̨ kulɔ, ku wɔ tíiɠaai, ku wɔ ɓawuluɠaa kwa gəlee nįnɛ̨ kulɔ Yai-Laa ɓa.

Nehemi 10:37

Ə mą kɛ ku lon ɉinąą dɔlɔɔɠaa, da ku wɔ taatɛlɛɛɠaa lonnii ɉilɛ tɔlɔɔɠaa, gbɛa-kpɛa mąn da bɛlɛɛ pɛlɛɛ mąn, mąąnɛ̨ɛ̨ ku pa a diɛ ku wɔ Yálái yəi bɛlɛ́n, ɉaláá laa həli nuąi tii ku wɔ Yálái yəi bɛlɛ́n, di pɔ yɛ pələi dɔ́n ɉɛɓɛ́ ə mo la.