Lɛɛ gbɔwɔ ɓa 12:41 - Yálá laawoo hɛɓɛ (dc)

⁴¹ Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Yálá laawoo hɛɓɛ

⁴¹ Gwɛlan nwun nąąn gwɛlan bow haaɓai ti yee mu, voló tɔ̨nɔ̨i ŋɛ̨i lɔ ɓə Yai-Laa nwɔ kɔlaɠai ə kulɔ la Eziptə lɔi hu.

Bible

⁴¹ Yâwɛɛ è Eezuɛ-ŋai kélee kùla Ize lɔii su a góraŋ ŋuŋ náaŋ pôlu buu saaƃai (430) kpɛɛ ŋá ɣele títi.

Lɛɛ gbɔwɔ ɓa 12:41 Referans Kwoze

Gɛlaɠaa 1:7

Jesus ə di woo ŋąą pənə yɛ diɛ: «Yii hvilɛn na ɲələi ti kɔ́lɔn mɛ̨nį ɓa, ka wɔɔ naa hvəli, Ną́n yaa kpinįi ɓə ɲələ kɔlɔn, ə ɉee a nwɔ Hééɓolaa.

Ɉaan 7:8

'Ka li ka wɛi ka ɉɛli pu, kɛlaa nwɛ́i, və́ lii, mąąhɔlɔɓo, nwɔ́ yələ hvo nii həli li.»

Habakukə 2:3

Mɛ̨nįɠaa ŋɛ̨i ŋį́ nɛ yɛ́ nąąlɔwai hvo ni həli li. Kɛlaa, lɔwai yii bɛliɛ mą a həli, nwɔ tɛ̨ą kaa pai kɔ́lɔn ɉi. Ə́ liikpələ, ə́ nąą mąąkpɔn a kilitɔɔ mąą laa. Ə mą kɛ ɉu kwɛai ə́ ɲɛ̨i ɓa. Mɛ̨nįi ŋį́ mo, a kɛ. A kɛ, a tɛ̨ą ɉu hva kwɛa.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Mąątɛ̨nɛ̨ 102:13

Kɛlaa, Ə́ wɛi, Yai-Laa, Ə́ kaa lɔ a Heeɓomun a yələ kəlee, Ə́ kili ə ɓo lɔ nuą ɲą a kwɛlan gəlee.

Zasua 5:14

Ɉulɔnui tii yɛ Ɉosue ɓa: «Və́ a ka yówó, gwa kaani gu hvo tɔɔ li. Gáá a Yai-Laa nwɔ kɔlaɠa nwun nąmu, ŋį́ pa lɔ yiihu.» Ɉosue ə pɛlɛ gɔwɔ mu, ə kwɛli hvilɛn mą, yɛ mą: «Nwɔ́ɔ́ mɛ̨nį nąmu, lə mɛ̨nį ɓə yɛ́ ə́ mo ə́ wɔ luwɔi ɓa?»

Lɛɛ gbɔwɔ ɓa 12:51

Volói tii ɓə, Yai-Laa ə Israɛlə lonnii kulɔ la Eziptə lɔi hu da di huwu kəlee.

Lɛɛ gbɔwɔ ɓa 12:17

«Ka ka yee kanąn lɛɠɛi dɛ hɛn və ɉu nwɔ hɛli ɓa. Mąąhɔlɔɓo, ɲələ ɓə ŋį́ ka kulɔ la Eziptə lɔi hu. Ka ka yee kanąn vólói tii ɓa, kaa ɉɛli pu la a kwɛlan nwoo kwɛlan, gaa pai kɛi ka mɛ̨i a tɔ́n hva ɉəɠə mą.

Lɛɛ gbɔwɔ ɓa 7:4

Kɛlaa hvo pai nwəli tɔɔi ka woo ɓa. Nąąlɔwai, gáá pai nwɔ́ huwalawala laa lɛi Eziptə lɔi ɓa, ŋį́ gɛlɛ. Yili pulu, ŋį́ nwɔ́ nuąi kulɔ Eziptə lɔi hu.

Lɛɛ gbɔwɔ ɓa 3:10

Gáá kɛa ə́ tɔɔi yiihu, ə́ li Eziptə tɔɔmun bɔ, ə́ nwɔ́ nu huwui a Israɛlə lonnii, ə́ di kulɔ laa.»

Gɛlaɠaa 7:36

Yaa ti ɓə di kulɔ Eziptə lɔi hu, a kpalo mɛ̨nį da kwəi pili mąą mɛ̨nįɠaa ə di kɛ Eziptə lɔi hu, gboloyá kpɔlu hu, ə mą kɛ, nɔi pun hu, kwɛlan bow nąąn ɲeemu.

Lɛɛ gbɔwɔ ɓa 3:8

Ŋą́ pa, ŋį́ di kulɔ Eziptə nuą yee mu. Ŋą́ li a diɛ nɔi ŋąą kɛnɛ̨ɛ̨ lɛlɛɛ tii hu, ɓɛi hɛn gəlee a lɛlɛ laa. Nɔi tii ɓə: Kanaan nuą, Hɛtə nuą, Amɔrə nuą, Perizi nuą, Hivi nuą, da Ɉebusə nuą di kaa ɉu.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Zɛnɛse 50:24

Ɉosɛfə yɛ niɛni diɛ: «Gáá pai laai kwɛlɛ; kɛlaa, Yálá kaa pai ɲɛ̨i lɛlɛɛ heei kaa, ə ka kulɔ nɔi ŋɛ̨i hu, ə li a kaa, ɓɛi wɔlɔ ə nąą laakwɛlanmo Abrahamə, Isaakə da Ɉakɔbə diɛ.»

Lɛɛ gbɔwɔ ɓa 6:26

Aarɔn da Moisə ɓə Yai-Laa ə kɛ diɛ: «Ka Israɛlə lonnii kulɔ Eziptə lɔi hu, yɛ bələi di huwu hee pələ kaa la.»

Lɛɛ gbɔwɔ ɓa 13:3

Moisə ə mo nuą diɛ, yɛ diɛ: «Volói ŋɛ̨i Yai-Laa ə ka kulɔ la Eziptə lɔi hu, luwɔlaa hu, ka ka kili lɛɛ ɉu, mąąhɔlɔɓo, nwɔ huwalawala yee ɓə ə ka kulɔ la laa. Mąą hvólói ti a həli, lɛɠɛ yii dɛ hɛn gaa ɉu, nu ta hvo mįi.

Lɛɛ gbɔwɔ ɓa 13:9

Ɉɛlii ti pu mɛ̨nį ka yəi, gaa a kili lɛɛ ɉu, ka doo ka yee ɓa, ka da yili ka ɲɛ̨i mɛ̨i; əgɛ, Yai-Laa nwɔ tɔ́n nąą kili hvo pa kpɛɛ ka ɲą. Mąąhɔlɔɓo, ya ɓə ka kulɔ luwɔlaa hu a nwɔ huwalawalai hɛn da hva tɔɔ na.

Lɛɛ gbɔwɔ ɓa 13:14

«Ka lonnii da ka mąnįn kɛ tinąą tɔwɔ pələ, diɛ kɛ mą: ‹Lə mɛ̨nį ɓa ka káá gɛi ti?› Ka kɛ diɛ: ‹Yai-Laa nwɔ huwalawalai hɛn da hva tɔɔ na, ɉaalai hu ɓə ə ku kulɔ la luwɔlaahu Eziptə.

Lɛɛ gbɔwɔ ɓa 13:16

«Yili kaa pai kɛi a bɛ̨ɛ̨ huwɔ kɔ́lɔ palaa hu, ɲiliɛ ə́ nwun ma da ə́ ɓonwon ma, ə kɛ a kili lɛɛ ɉu hɛn, yii a nɛ yɛ Yai-Laa, nwɔ huwalawalai hɛn da hva tɔɔ na, ɉaalai hu ɓə ə gu kulɔ la Eziptə.»

Levetekɔ 23:43

əgɛ, kwɛlan ɉəli pələ tɛitɛi, kaa gbaɠala kaa, kaa diɛ kələɠaa ɓə Israɛlə lonnii di kɛ mu, ɓɛlɔwai ŋį́ di kulɔ la Eziptə lɔi hu. Ɲą́ą́ ɓə gáá a Yai-Laa ka wɔ Yálá.»

Lonon mo 23:22

Yálá ə gulɔ Eziptə lɔi hu, vaŋą kɛnɛ̨i yɛ lan.

Lonon mo 33:1

Ɉiɛɠaai Israɛlə lonnii di gulɔ ɓɛlɔwai di həɠə la Eziptə lɔi hu, da di wɔ kɔ́laɠaɠaa; Moisə da Aarɔn di ɓo di nwun na, diɛ ka:

Dutɛrɔnome 4:37

Ka nąnni wɛli kɛɛ mɔ̨ɔ̨ kɛ mą, ya ɓə gɛ, yɛ di huwu həɠə a nwɔ nuą. Ɛlɛɛ, di haa pulu, ə ka kulɔ Eziptə lɔ hu a nwɔ huwalawala kɛnɛ̨i.

Dutɛrɔnome 16:1

Abibə ɲąnįn a tɔɔ, ka hvo lɛ̨ą, ka pakə hɛli pu Yai-Laa ka wɔ Yálái mąąwiɛ mɛ̨nį ɓa. Mąąhɔlɔɓo, Abibə ɲąnįn tii ɓə Yai-Laa ka wɔ Yálá ə ka kulɔ la Eziptə lɔi hu a kpinį.

Zasua 24:5

Yili pulu, ŋį́ Moisə da Aarɔn di tɔɔ. Ŋį́ Eziptə lɔi kɛlɛ a mɛ̨nįɠaai ŋį́ gɛ laa. Yili pulu, ŋį́ ka kulɔ laa.

Tɔɔɓɛlaa dɔlɔɔ 6:1

Ə həɠə Israɛlə nuą kulaa Eziptə lɔi hu ɓa, ə həli la Yálá hee pɛlɛ́ tɔɔi lɔwai ɓa, ə kɛ a kwɛlan nwun nąąn kwɛlan bow mɛ̨ihaaɓa. Gwɛlan tii ə kɛ a Salomɔn nwɔ tɔɔlaa gwɛlan nąąn nɔwai Israɛlə lɔi nwun na. Salomɔn ə bɛlɛ́ kóló kɔ́wɔ tɔɔ a ɲąnin ŋɛ̨i da kɛ mą: Ɉiwə yai a di wɔɔ kwɛlan ɲąnįn veelɛnąą, ɲąnįn tii hu ɓə Salomɔn ə Yálá hee pɛlɛ́ tɔɔ la.

Kɔlɔnikɔ Veerɛi 14:12

Asa da nwɔ nuąi di hvilɛn di pulu, di lɛɛ di kpɛi di li di həli Gerarə. Nubinuą paa pələi di di paa la, dɔ̨nɔ̨ kpɛli hvo dɔɔ mɛ̨i. Mąąhɔlɔɓo, di di huwolo Yai-Laa lííla da wɔ kɔlaɠai. Asa da nwɔ nuąi di li a ɉɛnŋąą tamąą tii di ɉon gɔ́ hu.

Mąątɛ̨nɛ̨ 114:1

Ɓɛlɔwai Israɛlə ə kulɔ laa Eziptə, ɲələi Ɉakɔbə lonnii di kulɔ la nwɛ̨ąą tii lɔwai;

Mąątɛ̨nɛ̨ 136:11

Yɛ Israɛlə kulɔ laa! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!