Lɛɛ gbɔwɔ ɓa 12:22 - Yálá laawoo hɛɓɛ (dc)

²² 'Ka isopə kpinįn ɉəɠə, daatɛlɛɛ ɲąmąi ti ka bu ɉɛɲąŋą hu, ka nɔ ɉu, ka ɉiɛ gbon mɛ̨i da gwɛlɛ hveelɛi ɓa; ə həɠə nąąlɔwai ɓa, ɛlɛɛ ɉu yələwala, nu ta hvo kulɔ ɲəi bɛlɛ́n.

Yálá laawoo hɛɓɛ

²² 'Ka isopə kpinįn ɉəɠə, daatɛlɛɛ ɲąmąi ti ka bu ɉɛɲąŋą hu, ka nɔ ɉu, ka ɉiɛ gbon mɛ̨i da gwɛlɛ hveelɛi ɓa; ə həɠə nąąlɔwai ɓa, ɛlɛɛ ɉu yələwala, nu ta hvo kulɔ ɲəi bɛlɛ́n.

Bible

²² Ka kpalo siɣe ká ǹɔ́ mala ŋãai su nyii gáa zɛŋ-foloi sui, ka zia kákpôŋ falaŋ-ŋai da gbôŋ soŋ-wûru-ŋai dîa. Núu tɔnɔ kpîŋ fé kùla kápɛrɛ-ŋai mu é lɛ́ɛ la zu ɣele é ƃɔ́.

Lɛɛ gbɔwɔ ɓa 12:22 Referans Kwoze

Hebreu 11:28

Laa na laa háálai, ə pakə hɛli pu, ə ɲąmą hiɛ gbonŋaa mɛ̨i, ə gɛ Nwun na pili kɛmun hvo pa túnwɔ̨n Israɛlə lon dɔlɔɔɠaa diɛ.

Mąątɛ̨nɛ̨ 51:7

Hvo gaai, di gáá mɛ̨nį ɲɔ̨n ɉu, néé ə mą́ą́ koo həɠə nɛ̨ŋɛ̨n ɉu.

Lonon mo 19:18

Nui tɔ́n və mą, a isopə kpaɠa ta həɠə, ə nɔ ɲái tii hu, ə daɠa bɛlɛ́i tii ɓa da mu hɛnŋąą kəlee, da nuąi da kɛ laa. Da nui aa tunwɔ̨n nu kɔ́wɠaa a wala kɛ tii nui daa baa, a wala kɛ tii kámą ɓa.

Hebreu 9:19

Ɓɛlɔwai Moisə ə díɓoɠaa tɛɛ la nɔi lonnii pɔ, yɛ bələi dɔn ə mąą liɛwoo kɛ la, ə nɛ̨ŋɛ̨ lon ɲąmą da ɓolu ɲąmą həɠə, ə bɛlɛ yá ɓa, hə́ɠə ɓɛla kwɛlɛɛ, da ɲįnwų-ɲįnwųn, ɛlɛɛ, ə da taɠa ɉɛɓɛ́ kpinįi ɓa, da nɔi lonnii kəlee diɛ,

Hebreu 9:1

Mįnɛ̨ pɔlɔi ti yaa kpɛlimąn, kpaaləɠaa di kɛ ɉu, vilɛnŋąą kwɛli hvilɛn bələ ɓa, da nwɔ Yálá hee pɛlɛ́, yai kɛ ɓɛ lɔi mɛ̨i.

Lɛɛ gbɔwɔ ɓa 12:7

Di ŋąmą hiɛ bɛlɛ́ laaləi mɛ̨i, da gwɛlɛ pələ kəlee hveelɛi, ɓɛi ti da mɛlaa mįi laa bɛlɛ́n.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Maafîu 26:30

Yili pulu, nwələi wɔlɔ Moisə ni di kɛi doo pakə hɛli hu, di doo, di kulɔ diɛ tɛ Olivə yee ɓa.

Azaya 26:20

Nwɔ́ nuą! 'Ka li, 'ka lɔ ka yəi bɛlɛ́n, 'Ka gbon gəlee hveelɛ laa kpulu kaa. 'Ka ka loo lɔ, ka nąą mąą kpɔn woloɓo, ə lɛɛ ɉu niiholi ə tɛɛ,

Zasua 2:19

Ɓɛlɔwai kwa pa pai la ɓɛ, ə́ wɔ nui lɔpee a kulɔ ɓɛ ə́ yəi bɛlɛ́n, ɲąmą wulu a lɛɛ gbɔwɔ nwuɔ̨, ku hɔn va kɛ ɉu. Kɛlaa, nui lɔpee gaa ɓɛ ə́ yəi bɛlɛ́n, mɛ̨nį ta a kɛ a da, nwulu a lɛɛ ku nwuɔ̨.