Lɛɛ gbɔwɔ ɓa 12:12 - Yálá laawoo hɛɓɛ (dc)

¹² «Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Yálá laawoo hɛɓɛ

¹² «Mąą kpinįi ti hu, gáá pai tɛɛi Eziptə lɔi nąą kəlee, lon dɔlɔɔɠaai kpɔ di kaa nɔi, ə kɛ a nu ə kɛ a daatɛlɛɛɠaa, ŋį́ gəlee paa. Ɉaliɠaai kpɔ gaa di yəi, nwɔ́ kiti kaa pai həlii gəlee ɓa Eziptə lɔi hu. Ɲą́ą́ ɓə gáá a Yai-Laa.

Bible

¹² “Ŋa pâi tɛɛ̂i Ize lɔii su gwaa kélee a gbínii tí, ŋá nàa ƃelai dílonii sinaai maa-ŋuŋ-ŋai kélee páa. Ŋa pâi Ize lɔii su taa-tulɛ-ŋai dílonii maa-ŋuŋ-ŋai nyii-ŋai díkaa a dísirɛi paâi máŋ. Ŋâla-ŋai kélee díkaa Ize lɔii sui, ŋa pâi dímɛnii ŋá têei. Ńyãa ƃa Yâwɛɛ.

Lɛɛ gbɔwɔ ɓa 12:12 Referans Kwoze

Lonon mo 33:4

Eziptə nuą kəlee yee ə kɛ di wɔ nuą loo mɛ̨nį ɓa; di lon dɔlɔɔɠaai tii Yai-Laa ə di paa, yɛ nwąną kulɔ la di wɔ haliɠaai diɛ.

Lɛɛ gbɔwɔ ɓa 12:23

Yai-Laa, kaa pai tɛɛi ə Eziptə kɛlɛ, a ɲąmą kaa bɛlɛ́ laaləi mɛ̨i da gwɛlɛ hveelɛi ɓa, a tɛɛ bɛlɛ́ laaləi, hva hvaa mą, Kɛɛkalamun hvo nąą kala.

Sofoni 2:11

Yai-Laa kaa pai gbɔwɔ lɛi diɛ a vaŋą, ə yɛnɛ̨ɛ̨ haliɠaa kəlee nwun ɲɛɛ. Yɛnɛ̨ɛ̨ lɔiɠaa kəlee, ə mą kɛ, yiiɠaai di kaa kwɛaala, di kaa pai kwɛli hvilɛn ɉii mą, ɓɛɠaai di kaa laa.

Izikiɛ 12:16

Gáá pai nu kpəli wolo tiikpə laa hɔn moi di lɔwai; a nuąi pai kulɔi kɔ́ kɔ́ ɓɔwa da pulu da ɲɔ̨n di yəi. Diɛ ɓə pai di wɔ ɓowo mɛ̨nįɠaa kəlee hukulɔi nɔiɠaai di kaa pai lii ɉu, nąą nuą diɛ. Nuą da gili kɔ́lɔn gea diɛ kɛ ɲą́ą́ ɓə gáá a Yai-Laa.›»

Ɉeremi 43:13

Gaa pai voló mąąnįnįnŋaa woloi Eziptə lɔi hu, ə Eziptə yáláɠaa mąąwiɛ pɛlɛ́ɠaa kələn.›»

Azaya 19:1

'Ka mɛ̨nį kponąą ŋɛ̨i laa həli Eziptə ɓa, 'kaa mą: Yai-Laa ka tii həəni tulɔ kpinįn gɔwɔ mąąhulaa mɛ̨i; yɛ pa Eziptə. Eziptə haliɠaa mąą kaa kpɛlin ɉii Yai-Laa tɔwɔ, Eziptə nwɔ liikpələ yɛ həɠeen gwəi.

Mąątɛ̨nɛ̨ 82:6

«Gáá kpɔ moi kaa: yáláɠaa ɓaa a kaa, ka káá kpɔ a yələkɔlɔn ɉu Yálá lonnii.

Mąątɛ̨nɛ̨ 82:1

Asafə nwɔ Yálá hvɛli woo. Yálá aa haŋą aa tɔɔ yáláɠaa di wɔ ɲąąkpɔn ɉu. Gaa kiti teei yáláɠaa hąąi.

Lɛɛ gbɔwɔ ɓa 6:2

Yálá yɛ nwɔ̨nɔ̨ Moisə ɓa: «Ɲą́ą́ ɓə gáá a: Yai-Laa.

Amɔsə 5:17

Woolaa kaa pai kɛi ka yəi viɲə yɛaɠaa kəlee ɓa, ɓɛlɔwai ŋį́ tɛɛ la ka pɔɔli; Yai-Laa woo li.

Kɔlɔnikɔ Maa-ŋuŋ 14:12

Filisti nuą di ɓo di wɔɔ haliɠaa diɛ di bu laa, Davidə yɛ diɛ: «'Ka ɉaliɠaa ŋɛ̨i kələn!»

Samuɛlə dɔlɔɔ 5:3

Mąą yələ laaɓoɔ, yələ wala pɔ, Asdɔdə nuą di di ɲįnąąɓo, di Dagɔn kaa bɛlɛɛ niiɓa Yai-Laa nwɔ mįnɛ̨ kəhii lííla. Di ɉaŋą di dɔɔ.

Lɛɛ gbɔwɔ ɓa 22:28

«‹Ə́ wɔ hihɛnŋąąi da pɔlɔ, ya da ya kulɔ, hvo dɛɛ haliɠaa pɔ, akɛ ɲą́ą́ hvəi. Ya ə́ lon ɉulɔnu dɔlɔɔ tɛɛ bɔ́.

Samuɛlə dɔlɔɔ 6:5

Ɲɔ̨n tii kɛi ka laanɔ̨nwɔ̨ ɓo, ka mąąnįnįn ɉəɠə, da gbəɠiɠaa ŋɛ̨i kɛi ka wɔ lɔi kala. Ka Israɛlə nwɔ Yálá mąąwiɛ. Gbəli hu ɲee hvo kɛa pai wiɛ ka mɛ̨i ka ká wɔ yáláɠaa ə mą kɛ ka wɔ lɔiɠaa.

Lɛɛ gbɔwɔ ɓa 21:6

Nąmu a li la Yálá pɔ, ə dɔɔ bɛlɛ́ laaləi gbon ma, a wala kɛ ti, gbon gwɛlɛ, ə nwəli ɓɔ a kwɛli. Da gɛ ti a kɛ kɛa tíi nąmu ɓa a yələ kəlee.

Lɛɛ gbɔwɔ ɓa 18:11

Ŋą́ą́ laa na kɛa, gɛ́ diɛ: Yai-Laa kɛnɛ̨i dɛɛ haliɠaa kəlee diɛ, ə nwɔ kɛnɛ̨ laa lɛ Eziptə nuąi kɛi Israɛlə nuą mɔ̨nɔ̨ ɓo diɛ.»

Mąątɛ̨nɛ̨ 135:8

Ya ɓə Eziptə lɔi hu lon dɔlɔɔɠaa paa, ə həɠə nukanŋaa pɔ, ə həli la daatɛlɛɛɠaa pɔ.

Ɉeremi 43:12

Gaa pai nwɔ̨n bilii Eziptə yáláɠaa di mąąwiɛ pɛlɛ́ɠaa hu, yɛ ɲáláɠaa tii kələn; a wala kɛ tii, yɛ li a diɛ. Gaa pai Eziptə lɔi mąą hɛnŋaa kulɔi mą, yɛ bələi taatɛlɛɛ mɛ̨i kaamun a kala kulɔ la nwɔ həɠəi hu. Ɛlɛɛ gáá pai pənəi ə li a nwəli pulu laɠiɛ.

Ɉeremi 46:25

Yai-Laa Mɛ̨nį Kəlee ŋą Hééɓomun, Israɛlə nwɔ Yálá woo ka, yɛ diɛ: Gáá pai heei Tɛbɛsə taa nwɔ halii Amɔn hu, ŋą́ hee Eziptə tɔɔmun ɉu da nwɔ haliɠaa, da nwɔ tɔɔɓɛlaa. Tɔɔmun da nwɔ nuą kpɔ kɛ di kilitɔɔ mą.

Lɛɛ gbɔwɔ ɓa 9:6

Mąą yələ laa ɓoɔ, mɛ̨nį tii Yai-Laa ə mo, ə gɛ. Daatɛlɛɛɠaai kpɔ kɛ Eziptə nuą yəi, gəlee di haa. Kɛlaa, Israɛlə lonnii di wɛi dɔ̨nɔ̨ kpɛli hvo haa.

Mąątɛ̨nɛ̨ 91:7

Nu waa ə mą too ə́ kwɛlɛ ɓɛ pələ, nwaa pow ə too ə́ ɓa-mįi-yee hu pələ, ə́ wɛi, hɛn da hva tunwɔ̨n yɛ́.

Mąątɛ̨nɛ̨ 95:3

Mąąhɔlɔɓo, Yai-Laa kaa a Yálá kɛnɛ̨, a Heeɓomun gɛnɛ̨ yáláɠaa kəlee diɛ.