Lɛɛ gbɔwɔ ɓa 12:1 - Yálá laawoo hɛɓɛ (dc)

¹ Yai-Laa ə hvaa Moisə da Aarɔn di pɔ Eziptə lɔi hu, yɛ diɛ:

Yálá laawoo hɛɓɛ

¹ Yai-Laa ə hvaa Moisə da Aarɔn di pɔ Eziptə lɔi hu, yɛ diɛ:

Bible

¹ Yâwɛɛ è mò Mose ma da Eelɔŋ Ize lɔii su ǹyɛɛi,

Lɛɛ gbɔwɔ ɓa 12:1 Referans Kwoze

Markə 14:1

Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Lukə 22:1

Ɉɛlii di kɛi bu a lɛɠɛi dɛ hɛn və ɉu, diɛ kɛ naa ɓaa a: pakə, mąą ə kɛi kɛa kpuɔ.

Gɛlaɠaa 12:4

Ə mo di Piɛrə hon, di doo gaho ɲą, ə dɛɛ holahi kpulu nąąn ɉeei nąąn, bɔ, diɛ di ɲɛ̨i kɛ mą. Ə kɛ bɔ ə giti tee nɔi lonnii ɲɛ̨i ɓa pakə hɛli puɔ pulu.

Lɛɛ gbɔwɔ ɓa 11:10

Moisə da Aarɔn di gbalo mɛ̨nįɠaai ti kəlee kɛ Eziptə tɔɔmun nííla, kɛlaa, Yai-Laa, ə tɔɔmun gili walawala, hvo ɓo Israɛlə lonnii diɛ, di hvo kulɔ nwɔ lɔi hu.

Lɛɛ gbɔwɔ ɓa 12:2

«Ɲąnin ŋɛ̨i ɓə pai kɛi a ka wɔ kwɛlan ɲąnin dɔlɔɔ. Kaa gwɛlan gɔwɔ tɔɔ mą.

Lonon mo 9:5

Di ɉɛlii tii pu Sinai nɔi pun ɉu, a ɲąnin dɔlɔɔi tii nwɔ hvóló pow kɔ́w nąąn ɲələ, hvitili ɓa; bələi tii Yai-Laa ə Moisə tí la, bələ kpɔlɔ ɓə Israɛlə lonnii di gɛ la.

Lonon mo 28:16

«Ɲąnin dɔlɔɔ nwɔ hvóló pow kɔ́w nąąn ɲələ kaa a pakə, Yai-Laa mąąwiɛ yələ li.

Samuɛlə dɔlɔɔ 2:27

Yálá kwəi mɛ̨nį hukulɔ mun da ə pa, ə Eli kaa, yɛ mą: «Mɛ̨nįi Yai-Laa aa mo ya ka: ‹Ŋą́ gbɔ́ɔ́ lɛ ka nąnni diɛ, ɓɛlɔwai di kɛ la Eziptə tɔɔmun ɲee mu luwɔlaa hu,

Kɔlɔnikɔ Veerɛi 35:17

Israɛlə lonnii kɛ laa, bələ ɓə di pakə pu la, a guu tii, da nɛɠɛi dɛ hɛn və ɉu nwɔ hɛli, di bu a hvóló mɛ̨ihveelɛ.

Izikiɛ 45:21

Ɲąnin dɔlɔɔ nwɔ hvóló pow kɔ́w nąąn ɲələ, a kɛ a ka wɔ pakə hɛli; ka bu hvóló mɛ̨ihveelɛ yeemu, lɛɠɛi dɛ hɛn və ɉu, ya ɓə ka mįi a mąą yələ.

Zɛnɛse 20:7

Yii hu kɛa, nɛ̨ɛ̨nui ŋɛ̨i tɛɛ ɉilɛ pɔ. Nɛ̨ɛ̨nui ŋɛ̨i ɉilɛ kaa a gwə́i mɛ̨nį hu kulɔ mun, gaa pai ə́ mąą mɛ̨nį laa həlii mą́ą́, ə gɛ, hvo pa haa. Kɛlaa, akɛ ya wala dɛɛ nąmu pɔ, ka ə́ yee pɔ nuą kəlee ka káá pai haai.»

Lɛɛ gbɔwɔ ɓa 11:2

'Li, ə́ mo Israɛlə lonnii kəlee diɛ, ɉinąą mąn nɛ̨ąą mąn, nu kəlee ə wali hɛnɲaŋą da hɛni hɛnɲaŋą hvɛli ɉeeyɔwɔ ɓa.»

Lɛɛ gbɔwɔ ɓa 12:18

«Ɲąnin dɔlɔɔ nwɔ hvóló pow kɔ́w nąąn ɲələ, yələwulii pɔ, lɛɠɛi dɛ hɛn və ɉu, ka lɛɛ mįi, ə lɛɛ ɉu, nwɔ hvóló pow hveelɛ kɔ́w tɔ̨nɔ̨ ɲələ yələwulii.

Lɛɛ gbɔwɔ ɓa 14:1

Yai-Laa ə mo Moisə ɓa, yɛ mą:

Lɛɛ gbɔwɔ ɓa 40:2

«Ɲąnin dɔlɔɔ, nwɔ hvóló dɔlɔɔ yələ, ya bɛlɛ mąąhəɠɛɛ da gee kaa kələ di hvilɛn ɉi kulɔ.

Lonon mo 9:2

«Mąąnɛ̨ɛ̨ Israɛlə lonnii di pakə hɛli pu a bu yələ kpɔkpɔɔ.

Lonon mo 9:3

Ɲąnin ŋɛ̨i ka káá ɉu, nwɔ hvóló pow kɔ́w nąąn ɲələ hvitili ɓa lɔwai, ka bu pələ kɛ kpɔlɔ yɛ bələi pakə hɛli mąą tɔ́n gaa la a bɔlɔ.»