Lɛɛ gbɔwɔ ɓa 11:8 - Yálá laawoo hɛɓɛ (dc)

⁸ Nąąlɔwai, ə́ wɔ nu kpɛa-kpɛa kəlee kaa pai pɛlɛi gɔ́wɔ́ mu di kwɛli hvilɛn mą́ą́, diɛ kɛ mą́ą́: «Yɛ́ ká ə́ wɔ nuąi, ka kulɔ ku wɔ lɔi hu», a kɛ lɔ tii ŋą́ą́ mą li.›» Moisə ə kulɔ tɔɔmun bɔɔli a líiholi kɛnɛ̨.

Yálá laawoo hɛɓɛ

⁸ Nąąlɔwai, ə́ wɔ nu kpɛa-kpɛa kəlee kaa pai pɛlɛi gɔ́wɔ́ mu di kwɛli hvilɛn mą́ą́, diɛ kɛ mą́ą́: «Yɛ́ ká ə́ wɔ nuąi, ka kulɔ ku wɔ lɔi hu», a kɛ lɔ tii ŋą́ą́ mą li.›» Moisə ə kulɔ tɔɔmun bɔɔli a líiholi kɛnɛ̨.

Bible

⁸ Mose è mò gâloŋ ma ǹyɛɛi, “Ítii-kɛ-ƃelai kélee da pâi pâi dí pɛ́lɛ ŋ́gɔɔ mu dîyɛɛ ma ka ínûai kákelee ka kula ƃɛ. Ǹyaŋ a kɛ̀ tí, gɛ̀ ní ŋa pâi liî.” Nya ƃe Mose è ǹíi ŋwàna é kúla gâloŋ ŋɛ́i é lí.

Lɛɛ gbɔwɔ ɓa 11:8 Referans Kwoze

Danîa 3:19

Nąąlɔwai, tɔɔmun Nabukodonosorə lii ə kələn gbɔ gwəi kɛnɛ̨, Sadrakə, Mesakə da Abɛdə-Nego ni pɔ. Ə mo, yɛ diɛ: «Ka vuulu nwɔ̨n ŋaatɛ kpɔ gee mɛ̨i mɛ̨ihveelɛ, ka dɛɛ bɔlɔ pɔlɔɠaa diɛ.»

Izikiɛ 3:14

Yálá nwɔ Kilii ə gbə́ŋə́ nwɔ̨nɔ̨ ə li a ɲą́ą́ nąąlɔwai; ŋą́ kɛi li, níí ɲąą nwąnąą gwə́i, níí holiɛ kɛ, Yai-Laa yee pɛlɛɛi kɛ mɛ̨́i kpɔ a nwala wala.

M̀ɛni-lɛɛi 3:9

Ə́ ɲɛ̨i hee, gáá ɓilihi hvɛli pɛlɛ́ mu nuą tɛɛi ə́ pɔ, a diɛi da di kpɔwɔ kɛ a Ɉuifəɠaa, ɛlɛɛ yaan, di hvo la, mąąhɔlɔɓo da kɛ lɛɛ kɛi. Ə́ ɲəi hee, gáá pai a diɛ, di gwɛli hvilɛn ə́ kɔwɔ mu, ɛlɛɛ, di kili a pu ɉu, diɛ, ə́ wɛlikaa mą́ą́.

Markə 3:5

Jesus ə di kaa, níí ə holi di wɔ kiliŋąhiɛ ɲɔ̨nwɔ tii kɛ di diɛ mąą mɛ̨nį ɓa. Ə nɛ̨ɛ̨mą, ə mo ɉulɔnu tii ɓa yɛ mą: «Ə yee haŋą.» Ɉulɔnui tii ə́ ɲee haŋą, ɲee ŋąą ə́ pɛli.

Azaya 49:26

Nuąi kɛi ə́ mɔ̨nɔ̨ ɓo, gáá pai di kpɔɔ kpɔɔ huwɔ lɔi di la, diɛ pilɛ di kpɔɔ kpɔɔ ɲąmą hu, yɛ lɔɔ nįnɛ̨ ya, ɛlɛɛ, yɛnɛ̨ɛ̨ nuą kəlee kili a pu ɉu diɛ, nui ə́ ɓaloi, ɲą́ą́, Yai-Laa, ɲą́ą́ ɓə, diɛ nui ə́ nwun mąąɓo, ya ɓaa a Ɉakɔbə nwɔ Kpakoloi!

Azaya 49:23

Tɔɔɓɛlaa ɓə pai ə́ kulɔi ɉu, tɔɔ nɛ̨ąą diɛ ə́ ɲąąkɔn, di kaa pai kɛi pɛlɛi di liiɓa, diɛ ə́ kɔ́wɔ ɓa munuun gɔmɔ̨n, Nąąlɔwai, yá gɔlɔn gɛa, yɛ́ kɛ: Gáá a Yai-Laa, nuąi da di kilitɔɔ mą́ą́, nwumɛ̨ hva tɛ diɛ.

Mąątɛ̨nɛ̨ 6:1

Nwələ ɲɛ̨itɔwɔmun; Davidə nwɔ wələ woo. Ə doo a gwɛnįn ɲɛli kɛɛ ɲą mɛ̨ihaaɓa.

Tɔɔɓɛlaa veelɛ 3:9

Israɛlə tɔɔmun da Ɉuda tɔɔmun, ɛlɛɛ, Edɔmə tɔɔmun di hvilɛn gea bələ ɓa. Di kpɛlaan-gbɛlaan, di hvóló mɛ̨ihveelɛ kɛ diɛ hiɛ, ya ə kpɛɛ kɛa nu kanŋaa da ɉuwɔɠaa mąn di yəi.

Tɔɔɓɛlaa dɔlɔɔ 20:10

Bɛn-Hadadə ə pənə nwɔ̨nɔ̨ ə di tɔɔ, yɛ diɛ, ka li kaa mą: «Yiihui, Samari lɔi a wala wolo nąą hvo lɛɛ a muluun gbala, ną́nni di wɔ haliɠaai di báá.»

Nwun mąąɓo 8:5

Zedeɔn ə mo Sukotə nuą diɛ, yɛ diɛ: «Ka nɛ̨ɛ̨ kaa! Ka kɔ̨nɔ̨n dɛɛ nwɔ́ nuąi pɔ, mąąhɔlɔɓo, di hvii aa kpɛɛ kɛnɛ̨. Ɛlɛɛ, vílɛn ŋąąi Ɉɛva da Salmuna diɛi a Madian tɔɔɓɛlaa, gɛ di kpɛ.»

Nwun mąąɓo 4:10

Barakə ə Zabulɔn nuą da Nɛftali nuą di ŋąąkpɔn Kɛdɛsə. Nu waa pow ə hvilɛn Barakə pɔ, di hvilɛn Debora pulu.

Dutɛrɔnome 32:24

Ɓɛlɔwai pulu a di kɛ la a nu lɛɠɛ, ɲɔ̨n ɲɔ̨nwɔ̨ɔ̨ɠaa diɛ di laanɔ̨nwɔ̨ ɓo, Ŋą́ hvɛnɛ̨ huwɔɠaa ɲąątɔɔ diɛ, ŋą́ kaalə ɲɔ̨nwɔ̨ɔ̨ɠaa tí diɛ.

Dutɛrɔnome 29:24

Da di woo pulu pənə, diɛ kɛ diɛ: ‹Həɠəi di mo Yai-Laa di kalaɓɔlɔni di wɔ Yálái nwɔ mįnɛ̨i pulu ya ɓə; a yaai da diɛni di ɉəɠə, ɓɛlɔwai Ə di kulɔ la Eziptə lɔi hu.

Lonon mo 12:3

Moisə ə kɛ a nui a gbɔwɔ mąą yɛɛ ə tɛɛ nu kəlee ɓa ɓɛ yɛnɛ̨ɛ̨.

Hebreu 11:27

Laa na laa háálai, Moisə ə həɠə Eziptə lɔi hu, hvo ɲɔw tɔɔmun ŋą lííholi ɓa, ɛlɛɛ, ə tɔɔ kpąą, yɛ ɲɛ̨i a kɛ nui hva kaa, mą.

Lɛɛ gbɔwɔ ɓa 10:29

Moisə yɛ mą: «Bələi ti ə́ mo la, və́ pai kɛa pai ɓɛ, ə́ pɔɔli.»

Nehemi 5:6

Di wɔ woolaa wooɠaa tii ŋį́ mɛ̨n, yili ə níí gələn gwə́i kpɔ kɛnɛ̨.