Lɛɛ gbɔwɔ ɓa 1:8 - Yálá laawoo hɛɓɛ (dc)

⁸ Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Yálá laawoo hɛɓɛ

⁸ Nąąlɔwai, tɔɔmun nįnɛ̨ ta ə hee Eziptə nwun na, yii hvo kɛ Ɉosɛfə kɔ́lɔn.

Bible

⁸ Nya ƃe kâloŋ nina è kɛ̀ Ize lɔii mɛi, nyii vé kɛ́ ní a Zosɛ kɔ́lɔŋɔɔi.

Lɛɛ gbɔwɔ ɓa 1:8 Referans Kwoze

Gɛlaɠaa 7:18

ə lɛɛ ɉu, tɔɔmun da kpɛli ə hee Eziptə lɔi nwun na, hvo kɛ Ɉosɛfə kɔ́lɔn.

Ikilisiati 9:15

Kɛlaa, hulɔnu ta ə kɛ daai tii hu, nuą ɲɛ̨itɛɠɛɓoɔ ɉu, kili yɛ ɓo mą; ə daai tii nwun mąąɓo a nwɔ kilikɛɲəilaa. Kɛlaa, nui lɔpee ta hvo gili lɛɛ ɉulɔnui tii mąą mɛ̨nį hu.

Gɛlaɠaa 7:19

Dɔɔmun ti ə kɔ pɛlɛ guɔ nąnni diɛ a gbąnąlaa ɲɔ̨nwɔ̨ɔ̨, gwəi kili ɲɔ̨nwɔ̨ pələ gu nąnni pɔ, ə mo diɛ di lon gaa nįnɛ̨ɠaa pili di hvo nəi pa ɓaloi.

Dutɛrɔnome 26:6

Kɛlaa, Eziptə nuą di ku hon a ɲɔ̨nwɔ̨ɔ̨, diɛ ku laanɔ̨nwɔ̨ ɓo; diɛ ku mɔ̨nɔ̨ ɓo a kóló kpɛa kpɛaa kɛɛ.

Mąątɛ̨nɛ̨ 105:25

Ə di kili mąą hvalin di kwəi, diɛ wɛlikpɛɛmąąlaa kulɔ a nwɔ nu huwui, diɛ nwɔ tínuąi ɓowo.

Lɛɛ gbɔwɔ ɓa 3:7

Yai-laa yɛ mą: «Bələi di kaa nwɔ́ nuąi mɔ̨nɔ̨ ɓoi la Eziptə, ŋą́ą́ nąą kaa, ŋą́ą́ di wɔlɔ woo mɛ̨n, di mɔ̨nɔ̨ ɓo nuą yee mu. Ŋą́ą́ di wɔ mɔ̨nɔ̨i kaa.

Lɛɛ gbɔwɔ ɓa 3:9

Yii hu, yii kɛa Israɛlə lonnii wɔlɔ woo aa too nwə́lii, mɔ̨nɔ̨i Eziptə nuą kaa naai diɛ, ŋą́ą́ gaa;

Lɛɛ gbɔwɔ ɓa 3:16

'Li, ə́ Israɛlə kalanɉonŋąą ŋąąkpɔn, yɛ́ diɛ: Yai-Laa ka nąnni di wɔ Yálá, Abrahamə nwɔ Yálá, Isaakə nwɔ Yálá, da Ɉakɔbə nwɔ Yálá, ə gbɔwɔ lɛ mą́ą́, yɛ mą́ą́: Mɛ̨nii ŋɛ̨i Eziptə nuą daa naa káá, ŋą́ą́ nąą kaa, gáá gɛ́ mɛ̨nį kɛi ɉu.

Nwun mąąɓo 2:10

Nuąi tii kəlee haa pulu; nuąi pa nąą pulu, yiliɠaa di hvo kɛ Yai-Laa kɔ́lɔn, ə mą kɛ mɛ̨nį kpɛa kpɛai ə gɛ Israɛlə lonnii diɛ.