Egaa 2:22 - Yálá laawoo hɛɓɛ (dc)

²² Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Yálá laawoo hɛɓɛ

²² Ŋą́ tɔɔɓɛlaa di wɔ huwalawala too, wotoloɠaa da mɛ̨i hee ɓo nuą da too, hoo da mɛ̨i hee ɓo nuą di laa nɔi ɓa, diɛ di kee paa.

Bible

²² ńyaŋ ŋa pâi gâloŋ-laa-ŋai wôloi. Ŋa pâi nâa ǹɔii-ŋûŋ-ŋai díwala-wâlai su karâi, ŋá gɔ́-keleŋ-ŋai su kara da diai díkaa géleŋ-ŋai sui. Ǹyaŋ zoo-ŋai da diai seêni dípôlui, da pâi díkîe-ni paâi a ƃóa-sɔkpɔ-ŋa.

Egaa 2:22 Referans Kwoze

Mise 5:10

Gáá pai nɔi hu taa kpɛa kpɛa woloi, gɛ́ ə́ mąą kɔ́nwɔ̨ taaɠaa kəlee pu,

Nwun mąąɓo 7:22

Zedeɔn nwɔ nu nwun-ɉaaɓai tii, di kɛi di wɔ túlúɠaai hvɛɛ, Yai-Laa ə di yowoɠaa di wɔ ɓɔwaɠaai ɲɛ̨i pənə di kpɔwɔ ɓa, diɛ di kee paa. Gbəliɠaai kulɔ ɉu, di tɛɛ a gilɛ, di li Bɛtə-Sita, Serera pələ, di li kpɔ di həli Avɛlə-Mehola, Tabatə kwɛlɛ.

Maafîu 24:7

Lɔi kaa pai kɛ kɔ́ pɛlɛi lɔi takpɛli ɓa; tɔɔɓɛlaa diɛ kɔ́ pɛlɛ di kee ɓa. Pulu kpɛa-kpɛaɠaa diɛ too; lɔi yɛ kpɛlin yɛ pu ɉu nąą taɠaa.

Zakari 10:11

Di kaa pai Eziptə gboloyá teen ɉi, Yai-Laa kaa pai gboloyá kɛlɛi ɉɛ̨ąi. Nilə paləɠaa kəlee hu a kpala, Asiri nwɔ kpɔwɔ ɲąąkɛnɛ̨ ɲɛ̨i a paa, Eziptə nwɔ tɔɔ hvili yɛ kulɔ ɲəi.

Zakari 4:6

Ə pənə, yɛ mą́ą́: «Mɛ̨nii Yai-Laa ə mo Zorobabɛlə ɓa, ya ka, yɛ: Yee walawala mɛ̨nį hvə li, huwalawala mɛ̨nį hvə li, kɛlaa nwɔ́ Nį́į ɓə. Yai-Laa Mɛ̨nį Kəlee ŋą Hééɓomun woo li!

Sofoni 3:8

Yili ɓa, ka mą́ą́ kpɔn! Ɲələi gáá pai múhəɠəi la, ŋą́ tɔɔ yɛ kɛla, gɛ́ ka hɔn doo, ka nąą mąą kpɔn! Gáá pai lɔiɠaa hukalai, gɛ́ tɔɔɓɛlaa di wɔ lɔiɠaa pu gee mɛ̨i, ŋą́ nwɔ́ liihvoli hee diɛ. Mąąhɔlɔɓo, gáá pai lɔi kəlee pilɛɛ gee mɛ̨i kələn ɉii, a nwɔ́ tolo nwɔ̨n. Yai-Laa wóó li!

Izikiɛ 39:20

Ka káá pai pilɛi nwɔ haláá kulɔi hooɠaa hu, gilɛ həɠə hooɠaa; gɔ́kulááɠaa kəlee di wɔ hooɠaai hu. Mɛ̨nį kəlee ŋą Hééɓomun Yálá woo li.

Mąątɛ̨nɛ̨ 46:9

'Ka li ka Yai-Laa kɛ mɛ̨nįɠaa kaa, a mɛ̨nį kpɛa kpɛai aa gɛ lɔi mɛ̨i.

Danîa 8:25

Gaa pai kɛi a ɲɛlɛɛ mɛ̨nįɠaa kɛi, yɛ pɛli mą da kpɛliɠaa ɓowoi. Nwɔ huɲąŋą kɛnɛ̨ laa hu, gaa pai nu tamąą paai, diɛi gaa di wɔ kwəi di mąą kwənąn ŋaai, yili pulu, gaa pai kɔ́ pɛlɛi tɔɔɓɛlaa di wɔ Tɔɔmun ma. Nąąlɔwai ɓə gaa pai tooi la, nui lɔpee ta laa hva kɛ ɉu.

Mąątɛ̨nɛ̨ 76:6

Gɔ́kuláá kpəɠiɛɠaai tii, di lɛɛ yíi, diɛ di mąąkpoloon, a ɉu wala wala nuąi tii, di yeekɔ̨nwɔ̨n ɉu aa haa.

M̀ɛni-lɛɛi 11:15

Malaka mɛ̨ihveelɛnąą ə nwɔ tului hvɛɛ: Woo kpɛa-kpɛaaɠaa di tɔɔ yələi, diɛ kɛ mą: «Tɔɔlaai yɛnɛ̨ɛ̨ yiihu, aa lɛɛ a gu Nąmu, yai a Kristə, nwɔɔ, gaa pai tɔɔlaa kɛi, ɲɛ̨n deei hvo mą.»

Zakari 14:3

Nąąlɔwai, Yai-Laa a kɔ́ pɛlɛ nɔiɠaai tii diɛ, gaa pai gɔi tii kɔ́i, yɛ bələi ə wɔlɔ kɛi gɛ la a bɔlɔ.

Zakari 9:10

Gaa pai kɔ-kɔ-wotolo mɛ̨nį kpɛɛi Ɛfraimə lɔi hu, yɛ kɔ-kɔ-wotolo mɛ̨nį kpɛɛ Ɉerusalɛmə. Gaa pai gɔ-kɔ kilɛn ɉu yalii, ɛlɛɛ, yɛ liilaa yɛnɛ̨ɛ̨ loloɓo a lɔi kəlee nwɔɔ. Nwɔ heeɓolaa kaa pai həɠəi gboloyá ta ɓa, ə həli da kpɛli ɓa, yɛ həɠə ɲá kɛnɛ̨ ɓa, yɛ həli nɔi kpɛlai.

Mise 5:8

Ə́ yee pili ə́ yowoɠaa diɛ, nuąi da tɔɔ ə́ la, gəlee paa.

Izikiɛ 21:27

Mamįiyee hu pələ, Ɉerusalɛmə ə́ ɓa-mįi-yee hu pələ, tɔlu ɓə woo laa, yɛ kɛ: ‹'Ka pa a bɛlɛ́ nwąną wolo hɛnŋąą; 'ka nu paa mɛ̨nį loloɓo; 'ka ka woo tɛ yələi, kaa kɛ diɛ: «Kɔ́ ɓə!» 'Ka pa a gbon nwolo hɛnŋąą; 'ka bɔlɔ ɓuwo; 'ka lɔwa tee.›

Azaya 60:12

Tɔɔ lɔi, da hįį lɔpə, a wala gɛ, hvo tí yɛ́, da nɛɛ a gboloon, mąą lɔiɠaai hu a kala kpɔ tɛ̨ɛ̨tɛ̨ɛ̨?.

Azaya 19:2

Yai-Laa yɛ diɛ: Gáá Eziptə nuą ɲąątɛi di kee ɓa, nu kəlee yɛ kɔ́ pɛlɛ gaayɔwɔ ɓa, nu yɛ kɔ́ pɛlɛ mɛlan gaa lon ma, taa yɛ kɔ́ pɛlɛ mɛlan daa ɓa, lɔi yɛ kɔ́ pɛlɛ mɛlan nɔi ɓa.

Azaya 9:19

Nu kəlee kaa pai kɛ gbɔwɔ yee ɓa kɔ́lɔ mįi, da di kɔ́ɓɛyee ta tee mą di mįi, hva di pilɛ, da di ɓa-mįi-yee ta tee mą di mįi, hva di pilɛ.

Kɔlɔnikɔ Veerɛi 20:22

Ɓɛlɔwai di kɛi Yai-Laa laa tɛ wələ too la, Yai-Laa ə wulu-wulu too Amɔn nuą, Moabə nuą da Seirə ɲee hu nuą lɔwai, diɛi tii həɠə diɛ pa pɛlɛi Ɉuda ɓa. Diɛ kɛa di kee paa.

Samuɛlə dɔlɔɔ 14:16

Saulə nwɔ nuąi kɛ bələ nwun na Givea daai Bɛnɉamɛn lɔi hu, diɛ di ɲɛ̨i kɛ bələ ɓa, di Filisti nuą kaa diɛ taɠa-taɠa a bələ kəlee.

Lɛɛ gbɔwɔ ɓa 15:19

Eziptə tɔɔmun nwɔ hooɠaai, nwɔ wotoloɠaai, da nwɔ hoo mɛ̨i nuą, di lɔ gboloyá hu, Yɛ́ ɓə ɲá hiɛ di mɛ̨i. Kɛlaa, Israɛlə lonnii di wɛi, di ɲá teen a di kɔ́wɔ mąą kpalaa.

Lɛɛ gbɔwɔ ɓa 14:28

Ɲá ə pənə ə hiɛ di mɛ̨i, diɛ, di wɔ wotoloɠaai da tɔɔmun nwɔ hoo mɛ̨i nuąi, diɛ kpɔ tii lɛɛ Israɛlə pulu di lɔ ɲái, dɔ̨nɔ̨ kpɛli hvo kulɔ.

Lɛɛ gbɔwɔ ɓa 14:17

Ɲą́ą́n, gáá pai Eziptə nuą kili walawalai, di lɛɛ ka pulu, nąą ɓə gáá pai nwɔ́ huwalawala mąąwiɛ lɛi laa Eziptə tɔɔmun, nwɔ kɔlaɠai da nwɔ wotoloɠaa diɛ, ə mą kɛ a nwɔ hoo mɛ̨i nuą kəlee.

Lɛɛ gbɔwɔ ɓa 15:4

Aa Eziptə tɔɔmun nwɔ wotoloɠaai, da nwɔ kɔlaɠai pili gboloyá hu, nwɔ kɔ́kulááɠaai, daa lɛɛ veegbɔ̨nɔ̨ gboloyá hu.

Kɔlɔnikɔ Veerɛi 20:23

Amɔn nuą da Moabə nuą, di tinɛ̨n di pɛlɛ Seirə ɲee hu nuą diɛ, diɛ di paa, diɛ di hukala. Yii kɛa di Seirə nuą paa di di kpɛɛ, di tínɛ̨n kɛa, diɛ di kee paa.

Izikiɛ 26:16

Gboloyá hu tɔɔɓɛlaa kaa pai həɠəi di wɔ tɔɔ kpəlinŋaai mɛ̨i, di di wɔ gbaawiiɠaai kulɔ di kwąną, di di wɔ həɠə ɲɛ̨i tɔɔɠaai kulɔ diɛ; di mąą həɠə ə lɛɛ lɔ a kpɛlin mo; di hee lɔi ɓa, diɛ kpɛlin nɔ, diɛ di woo laa ə́ mąą mɛ̨nį ɓa.

Izikiɛ 38:21

Gáá pai kɔ-kɔ-ɓɔwa tolui, yɛ həɠə nwɔ́ yeeɠaa kəlee mɛ̨i, yɛ wolo Gɔgə ɓa. Mɛ̨nį kəlee ŋą Hééɓomun Yálá woo li. Nu tɛi tɛi kaa pai pɛlɛi nąngaa ɓa a kɔ́ kɔ́ ɓɔwa. Hééɓo kəlee Nąmu Yálá woo li.

Amɔsə 2:15

Kilɛn bili mun gbɛli yee hvo pai lɔi. Gilɛ həɠə mun nwɛlɛɛ, hvo pai pɛli tɛɛi a gilɛ, hoo gilɛ həɠə mun gbɛli hvo pai kulɔi ɉu.

Mise 7:16

Lɔiɠaa kaa pai nąą kaai, ɛlɛɛ, bələi mąn tii di hvaŋą kɛnɛ̨i la, nwumɛ̨ a di ɲɛ̨i paa; di kaa pai di yee pɛlɛi di la, di wəli yɛ hvaa di nwun ma wéé;

Zakari 10:5

Di kəlee, di kaa pai lii gɔ́ ɓa, yɛ kɔ́kuláá kpəɠiɛɛɠaa, di kaa pai gɔ́ kɔ́i, diɛ bələ pɔ palaya tan. Di kaa pai walai gɔ́ hu, mąąhɔlɔɓo, Yai-Laa kaa pai kɛi di pɔ, ɛlɛɛ, hoo gilɛhəɠənuą ɲɛ̨i kaa pai paai a nwumɛ̨, di wɔ hooɠaai mɛ̨i.

Kɔlɔnikɔ Veerɛi 15:6

Di kɛi kɔ́, lɔi yɛ pɛlɛ lɔi ɓa, taa yɛ pɛlɛ taa ɓa. Gbala ə tɔɔ, Yálá ə di nwun ɉee gee ɓa a mɔ̨nɔ̨ huwu kəlee.

Mise 5:9

Yai-Laa yɛ, mɛ̨nįi pai kɛi a mąą yələi tii, ya ka: «Gáá pai ə́ wɔ hooɠaai kulɔi nɔi hu, gɛ́ ə́ nwɔ kɔ́-wotoloɠaai hukala.

Zakari 12:9

Mąą yələi tii, nu huwuɠaa kpɔ pai kɔ́ pɛlɛi Ɉerusalɛmə ɓa, ŋą́ di ɲąą tɛ di paa mɛ̨nį mu.