Egaa 2:15 - Yálá laawoo hɛɓɛ (dc)

¹⁵ Ə həɠə háákələi ɓa, ka ka kiliŋąhiɛ mɛ̨nį pai kɛi mą. Gɛɛ di hvo Yai-Laa hee pɛlɛ́ gwɛni laa gee mɛ̨i.

Yálá laawoo hɛɓɛ

¹⁵ Ə həɠə háákələi ɓa, ka ka kiliŋąhiɛ mɛ̨nį pai kɛi mą. Gɛɛ di hvo Yai-Laa hee pɛlɛ́ gwɛni laa gee mɛ̨i.

Bible

¹⁵ Ka Ɣâla fɛli, ka kákili ŋá sía m̀ɛnii pâi kɛ̂i é síɣe sâa ma é lí túɛ-pere. Ká lɛ́ɛ pâi kɔni lâai gîe mɛi Ŋ̀âla-pɛrɛi ŋí mɛni ma, kákɛ-pere è kɛ̀ léŋ?

Egaa 2:15 Referans Kwoze

Egaa 1:5

Ɲą́ą́ Yai-Laa Mɛ̨nį Kəlee ŋą Hééɓomun, gɛ́ ka ka kiliŋąhiɛ, mɛ̨nįɠaai daa həli kaa diɛ.

Egaa 1:7

Ɲą́ą́ Yai-Laa Mɛ̨nį Kəlee ŋą Hééɓomun, gáá pənəi ŋį́ mo kaa, gɛ́ ka ka kiliŋąhiɛ mɛ̨nįɠaai tii di kaa həli kaa diɛ.

Ɛsdrasə 4:24

Ɓɛlɔwai di kpəla la Yálá hee pɛlɛ́ tɔɔ mɛ̨nį ɓa Ɉerusalɛmə, ə lɛɛ kpɔ tii, ə lɛɛ la ɉu Pɛrsə tɔɔmun Dariusə nwɔ tɔɔlaa gwɛlan veelɛ lɔwai.

Ɛsdrasə 3:10

Ɓɛlɔwai bɛlɛ́ tɔɔ nuą di Yai-Laa hee pɛlɛ́ gwɛni dɔlɔɔ laa la, di ɉaláá laa həli nuą təli, di wɔ haláá laa həli həɠə yɛ ɓo di kwaną, túlúɠaa di ɓo di yəi, ə mą kɛ, Asafə lonnii ŋɛ̨i kɛ a Levi huwuhu nuą, lalo yɛ ɓo di yəi, diɛ Yai-Laa mąątɛ̨nɛ̨ la, yɛ bələi Israɛlə tɔɔmun Davidə ə mo la.

Egaa 2:18

Mɛ̨nįɠaai pai kɛi, ə həɠə háákələi ɓa, ka mąąkpɛɛ kpɔ a nɛlɛɛ; voló ŋɛ̨i di Yai-Laa hee pɛlɛ́ gwɛni laa la, gaa a ɲąnin mɛ̨inąąn nwɔ hvóló pow hveelɛ kɔ́w nąąn ɲələ, nąą kili ə lɛɛ ka ŋą.

Korɛntə dɔlɔɔ 11:31

Kɛlaa, gwa gu kpɔwɔ mąą kpɛɛ, giti hva kala guɔ.

Lomaŋ 6:21

tɔ̨nɔ̨ ləi ɓə ka ɉɔlɔɓo ɉu? Háákələi yili kɛ nwumɛ̨ kaa kaa, mąąhɔlɔɓo, ɲąąkpɛɛi ɓaa haa.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Azaya 5:12

Bɛlɛgwəi gwɛnįn, gololon gwɛnįn, da damąn mə da kɛ dɔɔi di mɛ̨i nɔɔ kpələiɠaa ɓa, Kɛlaa, mɛ̨nįi Yai-Laa kaa gɛi, di ɲɛ̨i hva kɛ laa; mɛ̨nįi ɲee kaa mą, di hva nąą kaa,

Mąątɛ̨nɛ̨ 107:43

Gbɛɛ ɓə yɛi kɛ a mɛ̨nį kɔ́lɔn mun? Ə mɛ̨nįɠaai ti kəlee mąąkpɛɛ, ə Yai-Laa nwɔ mɛ̨inɛ̨ɛ̨ mąą mɛ̨nį kpaɠala kaa.

Egaa 2:16

Akɛtii, nu a kɛi tɛ kələ hu, mɔ̨nun gəgən ɉu pow hveelɛ həɠə mɛ̨nį ɓa, a li ə pow gbən gaa gələ́ hu, lə ɓə a kɛ a mąą nu? Ɓɛi ŋɛ̨i da nɔɔ ya kulɔ laa, nu a kɛi li liitɛlɛ pow lɔɔli həɠəi, a li ə pow hveelɛ kaa, lə ɓə a kɛ a mąą nu?

Zakari 8:10

Gbala ə tɔɔ, volóɠaai tii tɔwɔ, gólo kɛ nuą hvɛla hvo kɛli kulɔ, ɛlɛɛ daatɛlɛɛɠaa hɔ̨nwɔ̨ hvo kɛ mą. Nuąi kɛi tɛ, diɛ yɛɛ, bələɠaa hu hvo kɛ laɠi li di tɔwɔ, toomɛ̨i kɛ nuą di kɛ bələɠaa hu, mąąhɔlɔɓo, ŋą́ą́ kɛ nuą ɲąątɔɔ di kee ɓa.

Zakari 8:11

Kɛlaa, yiihu, nɔi lonnii gbəliɠaai ɲɛ̨i daa lɛɛ, və́ kɛa pai di hon ɉi yɛ bələi ŋį́ kɛi gɛ la. Yai-Laa Mɛ̨nį Kəlee ŋą Hééɓomun, woo li.