Egaa 1:1 - Yálá laawoo hɛɓɛ (dc)

¹ Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Yálá laawoo hɛɓɛ

¹ Dariusə nwɔ tɔɔlaa gwɛlan veelɛ hu, ɲąnin mɛ̨ida nwɔ hvóló dɔlɔɔ yələ, Yai-Laa ə mɛ̨nį ɓo gwəi mɛ̨nį hukulɔ mun Aze ɓa, yɛ mą: Nwɛlɛɛ ŋɛ̨i ɓo Saltiɛlə lon ɉulɔnu Zorobabɛlə ɓa, yii gaa a gbahalanąmą Ɉuda lɔi hu, ə mą kɛ, Yehosadakə lon ɉulɔnu Ɉosue ɓa, yii gaa a haláá laa həli mun gɛnɛ̨, yɛ diɛ:

Bible

¹ Dâlɔ kɛ́ɛ a kâloŋ ŋɔkóraŋ veerɛi su, ŋ̀áloŋ lɔ́ɔlu mɛi-dai ŋɔfólo maa-ŋuŋ ɣele Yâwɛɛ è worɛ̂ tɛ̀ɛ a ŋɔlóno kɛ́-nuui Egaa. È ŋ̀orɛ̂-wooi ŋí tɛ̀ɛ a gɛɛ dí mó Siatiɛ ǹóŋ Zɛrubabɛɛ ma nyii kɛ̀ a gɔmɛnɛ-nuu kɛ́tɛi Zuda-lɔii mɛi. È ŋ̀orɛ̂-woo tɔnɔi ŋí tɛ̀ɛ máŋ Zɛosada ǹóŋ Zasua pɔ́ nyii kɛ̀ a zâla láa soŋ-nuu kɛ́tɛi.

Egaa 1:1 Referans Kwoze

Ɛsdrasə 2:2

Nuąi kɛ di ɲɛ̨itɔwɔ diɛ ɓa kɛ a: Zorobabɛlə, Ɉosue, Nehemia, Seraya, Reelaya, Mordokai, Bilsan, Misparə, Bigwai, Rehumə, da Baana. Israɛlə nuą kwɛdɛn ga:

Ɛsdrasə 3:8

Pai ŋɛ̨i di mo Ɉerusalɛmə, Yálá nwɔ pɛ́lɛ́i kɛ laa, gwɛlan veelɛnąą nwɔ ɲąnin veelɛ lɔwai, Saltiɛlə lon Zorobabɛlə da Yosadakə lon Ɉosue, da di kaayɔwɔɠaai ŋɛ̨i kɛ a ɉaláá laa həli nuą, a Levi lonnii da nuąi kpɔ kulɔ luwɔlaa hu, diɛ pa Ɉerusalɛmə daai, di di yee pɛlɛ goló ɓa. Di Levi lonnii hee Yálá hee pɛlɛ́ tɔɔ mɛ̨nį golóɠaa nwun na, ə gɔwɔ tɔɔ nui gaa kwɛlan gaa pow hveelɛ mą, yɛ li la tɔwɔ pələ.

Ɛsdrasə 3:2

Yosadakə lon Ɉosue, da gaayɔwɔɠaa; diɛi kɛ a haláá laa həli nuą, da Saltiɛlə lon Zorobabɛlə da gaayɔwɔɠaa, di pɛlɛ di kee ɓa, di Israɛlə nwɔ Yálá nwɔ haláá kulɔi pɛli. Ə gɛ, haláá hɛn yii da gəlee kələn, di gulɔ laa Yálá ɓa, yɛ bələi bɛ̨ɛ̨i la Yálá nwɔ tímun Moisə nwɔ tɔ́n ɉɛɓɛ́i hu.

Egaa 2:10

Dariusə nwɔ tɔɔlaa gwɛlan veelɛ lɔwai, ɲąnin mɛ̨inąąn nwɔ hvoló pow hveelɛ kɔ́w nąąn ɲələ, Yai-Laa ə mɛ̨nį ɓo gwəi mɛ̨nį hukulɔ mun Aze laaləi nwɔ̨nɔ̨, yɛ diɛ:

Egaa 1:12

Saltiɛlə lon Zorobabɛlə da Yehosadakə lon ɉulɔnu Ɉosue yai gaa a haláá laa həli mun gɛnɛ̨, da nuąi kpɔ kulɔ luwɔlaa hu diɛ pa gəlee, di Yai-Laa ŋɛ̨i da kwɛli hvilɛn mą, nwoo tii kaa a mɛ̨nį walawala, yai gwəi mɛ̨nį hukulɔ mun Aze ə mo diɛ. Diɓoi ŋɛ̨i, Yai-Laa ŋɛ̨i da kwɛli hvilɛn mą, ə dɛɛ Aze pɔ, ə naa həli nuą diɛ, nuą di Yai-Laa nwɔ kɛnɛ̨ laa kaa.

Nehemi 7:7

da Zorobabɛlə ni ɓə pa, da Ɉosue, Nehemia, Azaria, Raamia, Nahamani, Mordokai, Bilsan, Mispɛrɛtə, Bigwai, Nehumə, Baana. Israɛlə lɔi hu nuą lonoɔ ka:

Egaa 1:14

Saltiɛlə lon Zorobabɛlə ŋɛ̨i kɛ a gbahanąmą Ɉuda lɔi hu, da Ɉosue yai kɛ a haláá laa həli mun gɛnɛ̨, ə mą kɛ, nuąi kpɔ kulɔ luwɔlaa hu di pa, Yai-Laa ə di lii muhəɠə. Di nɛɛmą, di di yee pɛlɛ Yai-Laa hee pɛlɛ́ tɔɔ mɛ̨nį ɓa, yai a di wɔ Yálá.

Ɛsdrasə 6:14

Ɉuifə kalanɉonŋąą yee ə lɛɛ bɛlɛ́ tɔɔ koló ɓa a nɛlɛɛ, yɛ pələi Yálá kwəi mɛ̨nį hu kulɔ nuą Aze da Ido lon Zakari di mo la; di bɛlɛ́ tɔɔ koló laa kulɔ, yɛ pələi Israɛlə nwɔ Yálá ə mo la; yɛ bələi Pɛrsə tɔɔɓɛlaa Sirusə, Dariusə da Artasɛrsɛsə di mo la.

Egaa 2:20

Ɲąnin mɛ̨inąąn tii nwɔ hvóló pow hveelɛ kɔ́w nąąn ɲələ tɔ̨nɔ̨i tii hu, Yai-Laa ə wɛlɛɛ ɓo nwɔ̨nɔ̨ Aze ɓa, yɛ mą:

Egaa 2:4

Yili ɓə gaa mą, ɲą́ą́ Yai-Laa, gɛ́ kɛ yɛ́: Zorobabɛlə ə́ hvaŋąlɔ! Yehosadakə lon Ɉosue, yɛ́i ə́ kaa a haláá laa həli mun gɛnɛ̨, ə́ hvaŋąlɔ! Nwɔ nuą kəlee, ka ka hvaŋąlɔ! Ɲą́ą́ Yai-Laa, nwóó li: 'Ka ka yee pɛlɛ gólo ɓa, gáá pai kɛi ka pɔ, Yai-Laa Mɛ̨nį Kəlee ŋą Hééɓomun woo li.

Nehemi 12:10

Ɉosue lon maa kɛ a Yoyakimə, Yoyakimə lon maa Ɛliasivə, Ɛliasivə lon maa Yoyada,

Nehemi 12:1

Ɉaláá laa həli nuąi pa, da Levi huwuhu nuą diɛ həɠə nuwɔ laa hu, da Saltiɛlə lon Ɉerubabɛlə, da Ɉosue ni, diɛ ka: Seraya, Yirmeya, Ɛzra,

Nehemi 8:9

Ya ɓə Nehemi ŋɛ̨i kɛ a gbahanama da Ɛsdrasə ɉaláá laa həli mun yai lɔ kɛ a ɉɛɓɛ́ kɛ mun, da Levi huwuhu nuąi tii kɛi ɉɛɓɛ́ hukulɔ wooɠaa ɓo nuą diɛ, di kɛi kɛ nɔi lonnii kəlee diɛ: «Volói ŋɛ̨i kaa a Yai-Laa ka wɔ Yálá nwɔ hvóló. Mąą hvo nɛ̨ɛ̨li, ka hvo kɛ liihɛlɛn ɉu, kaa wɔlɔ. Mąąhɔlɔɓo, nuą kəlee di kɛi wɔlɔ, dɔ́n ɉɛɓɛ́ hu woo mąą mɛ̨nį ɓa.»

Nehemi 5:14

Ə həɠə ɲələi di dí la, diɛ kɛ ŋį́ kɛ a di wɔ gbahanama Ɉuda lɔi hu, ə həɠə tɔɔmun Artasɛrsɛsə nwɔ kwɛlan bow hveelɛnąą ɓa, ə həli la gwɛlan bow haaɓa gɔw hveelɛnąą ɓa, kwɛlan bow kɔ́w hveelɛ yee mu, yii da dɛɛ nɔi ɲąąwooɓomun bɔ a gɔ̨nɔ̨n, ɲą́ą́ kwa gááyɔwɔɠaa, ku hvo yili ta mįi.

Ɛsdrasə 4:24

Ɓɛlɔwai di kpəla la Yálá hee pɛlɛ́ tɔɔ mɛ̨nį ɓa Ɉerusalɛmə, ə lɛɛ kpɔ tii, ə lɛɛ la ɉu Pɛrsə tɔɔmun Dariusə nwɔ tɔɔlaa gwɛlan veelɛ lɔwai.

Ɛsdrasə 4:2

di pa di həli Zorobabɛlə ɓa da bɛlɛ nąmįną, diɛ kɛ diɛ: «Ku kaa bɔ, gwa kaa ni gu Yálá hee pɛ́lɛ́i ŋɛ̨i tɔɔ, mąąhɔlɔɓo, kuɔ kpɛli, kwa kɛ kwɛli hvilɛn ɉii ka wɔ Yálái ɓa, ə həɠə Asiri tɔɔmun Asaradɔn nwɔ lɔwai ɓa, yaai pa ɓɛ a kuɔ, kwa kɛ haláá kulɔi Yálá ɓa.»

Ɛsdrasə 2:63

Gbahanąmą ə mo diɛ, yɛ diɛ, mąą hvo nɛ̨ɛ̨li ka hvo ɉaláá kulɔi kɔ̨nɔ̨n da mįi, ə lɛɛ la ɉu, di haláá laa həli mun gɛnɛ̨ ta hee, yai pai Yálá mąąlən gɛi a urimə da tumimə, ə mɛ̨nįi tii gulɔ ɉu lɛ.

Ɛsdrasə 1:8

Pɛrsə tɔɔmun Sirusə, ə mo Mitredatə ɓa, yaa ŋɛ̨i kɛ a ɉɛnŋąą laikɛ mun, ə ɉɛnŋąą tii kulɔ, ə dɛɛ Ɉuda tɔɔmun Sɛsbasarə pɔ.

Kɔlɔnikɔ Maa-ŋuŋ 3:19

Pedaya lonnii laa ka: Zorobabɛlə da Simei. Zorobabɛlə lonnii laa ka: Mesulamə, Hanania da di mąąhala Selomitə.

Kɔlɔnikɔ Maa-ŋuŋ 3:17

Yekonia ŋɛ̨i kɛ gahoŋą lonnii laa ka: Saltiɛlə,

Tɔɔɓɛlaa veelɛ 14:25

Ya ɓə pənə ə Israɛlə lɔi kəlee hɔlɔɓo, ə həɠə Lebo-Hamatə, ə həli la Ɉurdɛn ɲa-ɓoloon bɔ gboloyá ɓa; Yai-Laa ə gbɛa wɔlɔ mɛ̨nįi tii pu nwɔ tímun Amitai lon Ɉonasə a Yai-Laa kwəi mɛ̨nį hukulɔ mun na, yai a Gatə-Hefɛrə mun.

Tɔɔɓɛlaa dɔlɔɔ 14:18

Di noo, Israɛlə nuą kəlee di ɉaa mɛ̨nį kɛ, yɛ bələi Yai-Laa ə nɔ la nwɔ tímun Ahiya la yɛ mo.

Lukə 3:27

Iosɛkə nąn mąą Ioda. Ioda nąn mąą Ioanan, Ioanan nąn mąą Resa. Resa nąn mąą Zorobabɛlə. Zorobabɛlə nąn mąą Salatiɛlə, Salatiɛlə nąn mąą Neri.

Lɛɛ gbɔwɔ ɓa 4:13

Moisə yɛ mą: «Nąmu nɛ̨ɛ̨ Yɛ́, nu takpɛli tɔɔ ə mo Ə́ yəi, ɲą́ą́ hvəi.»

Tɔɔɓɛlaa dɔlɔɔ 10:15

Yii ɉiɛ kulɔ nuą da ɲɔw ɓɛlaa, da vóló kulɔi pələ tɔɔɓɛlaa di kɛi gulɔ, da yii nɔi ɲąąwooɓo nuą di kɛi paa la, naa kulaa ɉu.

Ɛsdrasə 5:1

Yələ ta Yálá kwəi mɛ̨nį hukulɔ nuą hveelɛ Aze da Zakari, diɛi kɛ a Ido lonnii, di Yálá kwəi mɛ̨nį ɓo Ɉuifəɠaai ŋɛ̨i kɛ Ɉerusalɛmə daai da Ɉuda lɔi hu diɛ, Israɛlə nwɔ Yálá laa hu.

Ɛsdrasə 5:3

Nąąlɔwai, Eufratə ya voló tooi pələ nwɔ lɔi nąmui ŋɛ̨i da kɛ mą: Tatnai; da Setarə-Bɔznai, ə mą kɛ, da di ɓɛlaa, di pa diɛ nuąi tii kaa, di di mąąni kɛ, diɛ kɛ diɛ: «Gbɛɛ ɓə kɛ kaa, ka Yálá hee pɛlɛ́ tɔɔ, da ɉįi ŋɛ̨i daa ɓa?

Ɛsdrasə 10:18

Ɉaláá laahəli nuą lonnii lɔwai, yiiɠaai kɛ daa nwɛ̨ą nɛ̨ąą həɠə diɛ ka: Yosadakə lon Ɉosue da nąn nonnii di wɔ lonnii lɔwai: Maaseya, Eliezɛrə, Yarivə da Gedalia;

Egaa 1:2

«Yai-Laa Mɛ̨nį Kəlee ŋą Hééɓomun, yɛ diɛ: Nuą ŋɛ̨i kaa kɛi diɛ: Yai-Laa hee pɛlɛ́ tɔɔi lɔwai hvo ni həli li.»

Egaa 1:3

Kɛlaa yaan, Yai-Laa aa mɛ̨nį ɓo gwəi mɛ̨nį hukulɔ mun Aze laaləi, yɛ diɛ:

Egaa 2:21

«'Mo Zorobabɛlə ɓa, yai gaa a gbahalanąmą Ɉuda lɔi hu, yɛ mą: Gáá pai yələkɔlɔn da lɔi di kpɛlin ɉii.

Malasi 1:8

Ɓɛlɔwai ka kɛ pai la a taatɛlɛɛ ɲɛ̨ipuɔ, awala kɛ tii, taatɛlɛɛ gɔwɔ nwąnąą, yili hvo mą, ɲɔ̨n yɛ ɓo mą; ká kɛi gulɔ mą́ą́ a haláái, gaa ka kwəi yili haŋąąi? Akɛ ka daatɛlɛɛ ɲɔ̨nwɔ̨mąi tii tɛɛ ka wɔ lɔi nąmu pɔi, gaa ka kwəi a ɲee hee mu, ə mɛ̨inɛ̨ɛ̨ kɛ kaa? Ɲą́ą́ Yai-Laa Mɛ̨nį Kəlee ŋą Hééɓomun, gɛ́ káá, ka wɔ mąąnįn gɛ ka tii!

Egaa 1:15

Gwɛlan dɔ̨nɔ̨i tii nwɔ ɲąnin mɛ̨ida lɔwai, voló pow hveelɛ kɔ́w nąąn ɲələ, ya ɓə di góloi tii kɔ́wɔ tɔɔ la.

Zakari 1:1

Dariusə nwɔ tɔɔlaai gwɛlan veelɛnąą nwɔ ɲąnin mɛ̨ihaaɓa, Yai-Laa ə pə́lə́ ɓo gwəi mɛ̨nį hu kulɔmun Zakari ɓa, yai kɛ a Ido lon Bɛrɛkia nwɔ lon.

Zakari 3:1

Yili pulu, Yai-Laa ə Ɉosue lɛ mą́ą́, yai gaa a ɉaláá laa həli mun gɛnɛ̨; ə kɛ tɔɔni Yai-Laa nwɔ malakai lííla, ɛlɛɛ, ɓilihi ə kɛ tɔɔni mamįiyee hu pələ, yɛ lɛɛ pɛlɛ Ɉosue ɓa.