Dutɛrɔnome 9:29 - Yálá laawoo hɛɓɛ (dc)

²⁹ Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Yálá laawoo hɛɓɛ

²⁹ Ɛlɛɛ yaan, ə́ wɔ nu huwu li, ə́ kwɛlin maa a diɛ; ə di kulɔ Eziptə lɔi hu a ə́ wɔ hvaŋą kɛnɛ̨, da ə́ wɔ yee walawala laa.»

Bible

²⁹ Nyiŋi pôlu mà, díkaa a ínûai, nyii-ŋai dí siɣe zu dí ƃò tela a ípɔ̀ɔ-sɛŋ namela. Í díkula Ize í pà a dia a íwala-wala laai.’

Dutɛrɔnome 9:29 Referans Kwoze

Nehemi 1:10

Ə́ wɔ nu huwui li, ə́ di nwun mąąɓo a ə́ wɔ hvaŋą kɛnɛ̨, a ə́ yee nwɔ huwalawalalaa.

Tɔɔɓɛlaa dɔlɔɔ 8:51

Mąąhɔlɔɓo, ə́ wɔ nu huwui li, ə́ kwɛlin ni, nuą ə́ di kulɔ Eziptə lɔi hu hvuluun nwɔ̨n ɉu, diɛ li.

Dutɛrɔnome 9:26

Ŋą́ Yai-Laa hvɛli, gɛ́ kɛ mą: «Yai-Laa hɛn gəlee Nąmu, hvó kɛ ə́ kaa ə́ wɔ nu huwui pui; ə́ kwɛlin maa a diɛ, yɛ́ ɓə di nwun mąąɓo a ə wɔ yee walawala laa, ə́ gulɔ Eziptə lɔi hu a ə́ wɔ hvaŋą kɛnɛ̨i.

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Mąątɛ̨nɛ̨ 95:7

Mąąhɔlɔɓo gu wɔ Yálá li, gu kaa a nu huwui a ɲąąkɔn, a daatɛlɛɛ kpului a ɲɛ̨i kɛ mą. Əgɛ, háákələi, ka nwoo mɛ̨n, 'ka bɔ mɛ̨nį kɛ!

Dutɛrɔnome 4:20

Yai-Laa ə ka hon, ə ka kulɔ Eziptə lɔi hu ɓɛi nąą kpɔluɔ kɛ yɛ huluun ɉu. Ə ka kɛ a nwɔ nu huwu, a gwɛlin. Yili ka ŋɛ̨i háákələi ka káá la.

Azaya 63:19

Ɛlɛɛ, ɉu aa kwɛa, ku kaa lɔ kɛa yɛ nuąi hvo ə́ wɔ tɔɔlaa kɛi di mɛ̨i, di hva kɛa ə́ laa ɓo kuɔ. E kə! Ya pɛli kɛ mą, 'ə́ yələ kɔ́lɔn ɉu ɓɛla, ə́ yɛɛ, 'ə́ gɛ yeeɠaa diɛ kpɛlin ə́ ɲɛ̨i tɔwɔ.

Mąątɛ̨nɛ̨ 100:3

'Ka gɔ́lɔn kaa, Yai-Laa ɓə a gu wɔ Yálá, Ya ɓə gu pɛli, bɔɔ ɓaa a guɔ, gu ɓo a nwɔ nu huwu, a ɲəi gwɛnąn ɉu taatɛlɛɛ.

Tɔɔɓɛlaa dɔlɔɔ 8:15

Yɛ diɛ: «Mąąwiɛ ə kɛ Yai-Laa ɓa, Israɛlə nwɔ Yálá. Mɛ̨nįi ə mo ną́n Davidə ɓa yaa kpinįi aa bɔ mɛ̨nį kɛ a gbɔɔ-kpɔɔ yəə.

Lɛɛ gbɔwɔ ɓa 33:13

Yii hu, akɛ ŋą́ą́ ə́ líí hon a neelee, mɛ̨nįi ə́ kaa bɔ, nɛ mą́ą́, əgɛ, ŋą́ ə́ kɔ́lɔn a neelee, yá gɛ ti, akɛti ŋą́ą́ Ə́ líí hon gbɔ a tɛ̨ą; Ɛlɛɛ, Ə́ nu huwui ŋɛ̨i kaa a Yɛ́ nu huwu.»

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Mąątɛ̨nɛ̨ 28:9

'Ə́ wɔ nuąi nwun mąąɓo, lúwɔ́ too ə́ kwɛlin ma, 'kɛ a di mɛ̨i kaamun, ə́ ə́ yee kɛ diɛ a yələ kəlee.

Mąątɛ̨nɛ̨ 77:15

Yɛ́ ɓə a kpalo mɛ̨nįɠaa kɛ Yálá, Ə́ ə́ wɔ huwala walalaai lɛ nuą diɛ.

Mąątɛ̨nɛ̨ 106:40

Yai-Laa nwɔ líiholii ə ɓɛla nwɔ nu huwui mɛ̨i, nwɔ nuą wɛli ə kpɛɛ kpɔ mą tɛ̨ɛ̨ tɛ̨ɛ̨.

Mąątɛ̨nɛ̨ 136:12

A vaŋą kɛ̨nɛ̨, a ɲee kɔ́nwɔ̨n ɉu wala wala! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Ɉeremi 27:5

Ɲą́ą́ ɓə lɔi pɛli, da nu kanŋaa, ə mą kɛ, huwɔɠaai lɔi mɛ̨i, a nwɔ́ yee walawala laa da váŋa, nui a nɛ̨ɛ̨ mą́ą́, ya ɓə ŋą́ dɛɛ bɔ.

Lɛɛ gbɔwɔ ɓa 6:6

Yili ɓa, 'mo Israɛlə lonnii diɛ, yɛ́ diɛ: «Ɲą́ą́ ɓə a Yai-Laa, gáá pai ka kulɔi bɔlɔtɛ laa ŋɛ̨i hu Eziptə, Ŋį́ ka kulɔ mɔ̨nɔ̨ hu, Gáá ka nwun mąąɓoi a nwɔ́ huwalawala laa, yai hɛn da hva tɔɔ na.

Lɛɛ gbɔwɔ ɓa 19:5

Ə həɠə yiihu ɓa, ka ka wəli tɔɔ nwóó ɓa, kaa lɛɛ nwɔ́ mįnɛ̨i pulu, ka kɛ a gwɛ́lin gɛnɛ̨mun, nu huwuɠaa kəlee lɔwai; mąąhɔlɔɓo, ɲą́ą́ ɓə lɔi kəlee kaa a nwɔ́ɔ́.

Dutɛrɔnome 9:12

Nąąlɔwai Yai-Laa yɛ mą́ą́: «Ə́ muhəɠə, ə́ kɛhu ə yɛɛ! Mąąhɔlɔɓo, yɛ́ nuąi daa túwɔ́ pələ ɲɔ̨n gulɔ. Ə́ wɔ nuą ŋɛ̨i ə́ di kulɔ Eziptə lɔi hu, ɉu hvo nii kpɛli kwɛa li; bələi ŋį́ nɛ diɛ, daa həɠə mɛ̨i, daa kwɛli həɠeen daa bɛli a hɛn da mąąnįnįn.»

Dutɛrɔnome 32:9

Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Azaya 11:11

Ɲələi tii a həli, Yálá kaa pai nwɔ̨nɔ̨ mɛ̨nį ta kɛi, nwɔ nu kpəli wolaai da lɛɛ ɲɛnɛ̨ɛ̨, a di nwun mąąɓo a nwɔ huwalawalai, ə di kulɔ Asiri da Eziptə, ə di kulɔ Patrɔsə, da Kusə, da Elamə, ə mą kɛ, Sinearə da Hamatə; ə di kulɔ gboloyá hąąi lɔiɠaa hu.

Azaya 64:8

Yai-Laa, 'hvo ə́ liiholi, hvo dɛɛ ɲɛ̨n ɉu, hvo nɛ̨ŋɛ̨n gili too lɔ ə́ ŋą a yələ kəlee. Kɛlaa ɓɛ kaali! Ə́ wɔ nu huwu ɓaa a ku kəlee!