Dutɛrɔnome 9:18 - Yálá laawoo hɛɓɛ (dc)

¹⁸ Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Yálá laawoo hɛɓɛ

¹⁸ Ŋą́ too nɔi ɓa Yai-Laa líila, yɛ bələi tɔlɔɔ tɔlɔɔ ŋį́ gɛ la; hvóló pow nąąn kpinį pow nąąn ɲee mu. Və́ kɔ̨nɔ̨n da mįi, və́ gbələ, ka wɔ nɛ̨ŋɛ̨nŋąą mąą mɛ̨nį ɓa. Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ka kɛi gɛ, kaa nwąną lɔ la.

Bible

¹⁸ Ŋá tòo ǹɔii ma Yâwɛɛ ŋɛ́i-tuɛ ŋá gɛ́ naa a fólo kûu buu náaŋ da kpíni kûu buu náaŋ. Fé Ńaa mii ní, fé tela yá kpele ní. Ŋá gɛ̀ tí zɔnyɔ̂ŋ-ŋai ká gɛ̀ lai gélee mɛni ma.

Dutɛrɔnome 9:18 Referans Kwoze

Lɛɛ gbɔwɔ ɓa 34:28

Moisə da Yai-Laa di kɛ gɛɛnąąi tii ɓa, hvóló pow nąąn kpinį pow nąąn ɲee mu, hvo kɔ̨nɔ̨n mįi, hvo yá kpələ. Ə mįnɛ̨ hu wooɠaa pɛ̨ɛ̨ a Dɔ́n bow tii.

Dutɛrɔnome 9:9

Ɓɛlɔwai ŋą tɛ la gwɛni ɓɛlaɠaa həɠəi ɲee nwuɔ̨, a gwɛni ɓɛlaɠaa tii mįnɛ̨i Yai-Laa ə naa gwa diɛni gu lɔwai, ɉu wooɠaa pɛ̨ɛ̨ kɛ mɛ̨i. Ŋą́ hvóló pow nąąn kpinį pow nąąn gɛ ɲee nwuɔ̨, və́ kɔ̨nɔ̨n mįi, və́ yá kpələ.

Mąątɛ̨nɛ̨ 106:23

Ə di hu kala mɛ̨nį, mąą kili tee gwəi, Kɛlaa, niiɓamun, Moisə ə kpɛ̨ąn mɛ̨nįi ti tɔwɔ, ə nwɔ kɛɛ kala líiholii hvoló nuą diɛ.

Samia Veerɛi 12:16

Davidə ə Yálá mąąnɛ̨ɛ̨ nokoloi tii mąą mɛ̨nį ɓa. Ə hin nɔ, ə lɔ ɲəi bɛlɛ́n, a kpįnį hvo laa ɲai gbin ɲa, ə laa nɔi ɓa.

Dutɛrɔnome 10:10

Ŋą́ hvóló pow nąąn da kpinį pow nąąn gɛ lɔ nwɔ̨nɔ̨ ɲee nwuɔ̨, yɛ bələi ŋą́ gɛ la dɔlɔɔ tɔlɔɔ yələ. Yai-Laa ə nwəli tɔɔ nwɔ̨nɔ̨ nwóó ɓa; Yai-Laa hvo hvaa li mą, hvo ka nwun napili.

Lɛɛ gbɔwɔ ɓa 34:9

Yɛ mą: «Yai-Laa nwɔ́ mɛ̨nį Nąmu, akɛ kpɔ ŋą́ą́ ə́ líí hon, Yɛ́ ɓo ku lɔwai, kwa nu huwu nwun nwalawalaa ŋɛ̨i, kɛlaa, ku wɔ túwɔ́ pələ ɲɔ̨n da ku wɔ nɛ̨ŋɛ̨n mąąhvaalɛɛ, ɛlɛɛ, ə́ ku kɛ kɛa a ə́ kwɛlin.»

Dutɛrɔnome 9:17

Nąąlɔwai, ŋį́ gwɛni ɓɛla hveelɛi hon a ɲéé kəlee, ŋį́ bili, ŋį́ di huyali yali ka ɲɛ̨i ɓa.

Dutɛrɔnome 9:25

Ɓɛlɔwai ŋį́ too la Yai-Laa lííla nɔi ɓa, ŋį́ lɛɛ pɛlɛ́ni nɔi ɓa, ŋį́ hvóló pow nąąn da kpinį pow nąąn gɛ pɛlɛ́ni nɔi ɓa. Mąąhɔlɔɓo, Yai-Laa aa kɛ mo, yɛ gaa ka kpɛɛi yɛnɛ̨ɛ̨.

Tɔɔɓɛlaa dɔlɔɔ 19:8

Eli ə muhəɠə, ə kɔ̨nɔ̨n mįi, ə gbələ, yii kɛa ə huwalawala hɔlɔɓo gɔ̨nɔ̨n tii mįi pulu, ə hvóló pow nąąn da kpinį pow nąąn ɉiɛ kɛ, yɛ li Yálá nwɔ yeei ɓa, yai gaa Horɛbə.

Ɛsdrasə 10:6

Ɛsdrasə ə həɠə ɓɛi tii ə kɛ laa Yálá nwɔ pɛ́lɛ́i laaləi; ə li Ɛliasivə lon Yehohanan yəi bɛlɛ́n, lɔi ə mo laa, hvo kɔ̨nɔ̨n mįi, hvo ya kpələ. Mąąhɔlɔɓo, nuą ŋɛ̨i həɠə nuwɔ laa hu, ə kɛi di kɛ nɛ̨ŋɛ̨n mąą wɔlɔ ɓo.