Dutɛrɔnome 8:8 - Yálá laawoo hɛɓɛ (dc)

⁸ Lɔi ta li, ɓɛi mɔ̨nun da kpai, viɲə, ɓɔɔlaa wuluɠaa da grenadə wuluɠaa da lɛlɛ laa; ə mą kɛ olivə wulɔ, da kwɛin nwulɔ di kaa laa;

Yálá laawoo hɛɓɛ

⁸ Lɔi ta li, ɓɛi mɔ̨nun da kpai, viɲə, ɓɔɔlaa wuluɠaa da grenadə wuluɠaa da lɛlɛ laa; ə mą kɛ olivə wulɔ, da kwɛin nwulɔ di kaa laa;

Bible

⁸ Wîi támaa káa naa, bale, ƃá-kpɔmɔ-ŋa, fîi wuru, pɔmegurane, wúlɔ wuru-ŋa da kɔ̃́iŋ-wulɔ.

Dutɛrɔnome 8:8 Referans Kwoze

Ɉaan 6:13

Di gbuɔ kəlee yɛɠɛ, ə kpɔlɔ pow kɔ́w hveelɛ laa hvɛɛ.

Mąątɛ̨nɛ̨ 147:14

Ya ɓə liilaa yɛnɛ̨ɛ̨ tɛɛ ə́ wɔ lɔi pɔ, yɛ ə́ pilɛ a mɔ̨nun nįnɛ̨.

Dutɛrɔnome 32:14

Nįŋɛ̨ da ɓɛlaa ɲįnįya ɓə a dɛɛ di pɔ, Basan ɓɛlaa lon, molu hilɛ, ə mą kɛ, ɓɛlaa wulɔɠaa, yɛ dɛɛ di pɔ, Yɛ viɲə yá kpɔluɔ gbələtətə tɛɛ di pɔ diɛ gbələ.

Ɉaan 6:9

«Lɛɠɛ kpinįn nɔɔli kaa ɓɛ hulɔnon da yəi, da hɔ̨nwɔ̨lee hveelɛ. Kɛlaa, yili a kɛ kpɔ a lə nu kpului ŋɛ̨i ɓa?»

Habakukə 3:17

Ɓolaa wuluɠaa di hvo kɛa ɓai, viɲəɠaa di hvo kɛa ɓái. Olivə wuluɠaa di hvo kɛa ɓái, tíi ta hvo kɛa lɛlɛi, ɓɛlaa hvo kɛa ɓɛlaa kwənąn ɉu, nįŋɛ̨ hvo kɛa nįŋɛ̨ gala hu.

Mise 4:4

Nu kəlee kaa pai lɛɛi nwɔ hihɛnŋąą kwɛlɛ, ɛlɛɛ, nu ta hva di hviikpɛɛ, mąąhɔlɔɓo, Yai-Laa Mɛ̨nį Kəlee ŋą Hééɓomun ɓə ə kulɔ na.

Osia 2:22

Gáá ə́ həɠəi a nɛ̨́ą, vá ə́ ɓowo, ɛlɛɛ, ə́ kaa pai Yai-Laa kɔ́lɔn ɉii.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Izikiɛ 27:17

Ə mą kɛ, Ɉuda da Israɛlə lɔi, ka diɛni ka kɛi yɔw kɛ; di kɛi Minitə mɔnun nɔwɔtɔɔ yɛ́, da hoo kpai pɛlɛɛ, da kwɛ̨i nwulɔ, da wulɔ kun nɛ̨ɛ̨.

Ɉeremi 5:17

Di kaa pai too ə́ wɔ mɔ̨nun ɉu da ə́ kɔ̨nɔ̨n, di too ə́ lon ɉinąą mɛ̨i, da ə́ lon nɛ̨ąą; di too ə́ wɔ viɲəɠaa kəlee mɛ̨i da mɔlaa wuluɠaa; diɛ ə́ wɔ taaleeɠaai mąąkpɛ hįįɠaa wolo; a daaɠaa tii ə́ kilitɔɔ kɛ diɛ, yɛ́ ə́ kpɔɔ kaa la liilaa hu, ə mą kɛ, kɔ́ kaa pai.

Azaya 7:23

Yii pai kɛi a ɲələi tii, ya ɓaa: ɓɛi lɔpee viɲə kpaɠa nwun dɔɔi kaa pai kɛi laa waa dɔ̨nɔ̨, yɛ pɛli kɛi a wali kwələ waa tɔ̨nɔ̨, nąą a lɛɛ a ɓomodiliin da ɲąąlən gbɔlɔ.

Tɔɔɓɛlaa dɔlɔɔ 5:11

Gili kɛnɛ̨ɛ̨i kɛ dɛɛ gilimąą nuąi diɛ, dɛɛ Ɛzra mun Etan ɓa, dɛɛ Heman ɓa, dɛɛ Kalkolə ɓa da Darda; diɛi kɛ a Maholə lonnii. Salomɔn laa ə tɛ gwɛlɛ lɔiɠaa kəlee hu.

Samia Veerɛi 4:6

Di lɔ bɛlɛ́n, mɔ̨nun ə ɓo di yəi. Di ɓɔwa pu Isbosɛtə kwəi, yili pulu, Rekavə da nąn non Baana di pu.

Mąątɛ̨nɛ̨ 81:16

Nuąi Yai-Laa wɛli kpɛɛ diɛ, yiliɠaai də li kɛ di nɛ̨ɛ̨ kwɛlii di hu, dəli lɔ kɛa kɛ yili hu a yələ kəlee.

Zɛnɛse 49:11

Gaa pai nwɔ hoohvaalən gbulɔn ɉii viɲə ɓá; yɛ nwɔ hoohvaalən non kpulɔn viɲə kpɔmɔ̨ ɓá. A mąą həɠə waa a lɔɔ, yɛ nwɔ gbaawi mąąhəɠəən viɲə ɲąmą hu.

Dutɛrɔnome 8:7

Yai-Laa ka wɔ Yálá kaa ka lɔi, lɔi lɛlɛɛ hu ɓɛi gaa a tɛɛyáɠaa, da yátonŋąą kulɔ lɔi. Ɲáɠaa tii di nwun a kulɔ yeeɠaa ɓa da nɛ̨ŋɛ̨ɠaa hu.

Dutɛrɔnome 8:9

Ka káá pai kɛi kɔ̨nɔ̨n ɉɔlɔɓoi nɔi tii hu a ka liiɓa, ka hvo pai hvɛɠɛi laa a hɛn da. Kwɛli kaa nɔi tii hu kwɛniɠaa hu, ɲeeɠaa di ɓo a ɓala kwɛli.

Dutɛrɔnome 32:13

Aa di heei kulɔ lɔi kəlee nwun mɛ̨i ləɠə-ləɠə; yɛ di kɔ̨nɔ̨n gɛ a yɛa hihɛnŋąą ɓá, yɛ kwɛni wolo hu kwɛin nwulɔ kɛ a di kɔ̨nɔ̨n. Olivə yii a ɓɔn kwɛni hu, nwɔ wulɔ nwunu ɓə a dɛɛ di pɔ.

Lonon mo 13:23

Di həli Ɛskɔlə yɛɛ kɔwɔ hu, di viɲə kpaɠa tɔ̨nɔ̨ tee máɠaa di lɛɛ mą, di ɲili wulu ɓa di tɔɔ mu a nu hveelɛ. Di nąą hihɛn má takpɛliɠaa həɠə.

Dutɛrɔnome 6:3

Israɛlə ə́ wəli tɔɔ, 'ka tɔɔ a ka nwąnąi, ka di pɔ mɛ̨nį kɛ, ka gɛ tii, ka kɛ nwun nąnɛ̨ɛ̨ hu, ka huwu yɛ ɓɛlɛ yɛ bələi Yai-Laa ka nąnni di wɔ Yálái ə naakwɛlanmo la kaa; a lɔi lɛlɛɛ ɓɛi hɛn gəlee a lɛlɛ laa.

Tɔɔɓɛlaa veelɛ 18:32

Ə lɛɛ la ɉu, ŋą́ búlu pənə, gɛ́ pa ka həɠəi, gɛ́ li a kaa lɔi takpɛli hu, yii gaa yɛ ka wɔ lɔi, ɓɛi mɔ̨nun da lɔɔ nįnɛ̨ di kaa laa. Nɔi kɔ̨nɔ̨n da lɔɔ di kaa laa, nɔi olivə wulɔ nįnɛ̨ a hɔlɔɓo ɉu, da kwɛin nwulɔ; ka pa kɛ laa, ka ka wɔ yɛnɛ̨ɛ̨ kɛ, ka hva haa. Ka hvo ka wəli tɔɔ Ezekiasə woo ɓa. Gaa ka ɓowoi, yɛ kɛ kaa: Yai-Laa kaa pai gu kulɔi mɛ̨nįi ŋɛ̨i hu.

Ɉeremi 2:7

Ɲą́ą́ Yai-Laa, ŋą́ą́ pa a kaa lɔi lɛlɛɛ hu; kaa pɛli nɔi tɔ̨nɔ̨ kulɔi, kaa nɛlɛi kaa; Kɛlaa, pai ka mo laa nɔi, ka nwɔ́ lɔi tii kɔ́hɔɓo, ka gwɛ́lin nɔi tii kɛ a hɛn mąąliɓɛɛ.