Dutɛrɔnome 8:18 - Yálá laawoo hɛɓɛ (dc)

¹⁸ Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Yálá laawoo hɛɓɛ

¹⁸ Kɛlaa, mąąnɛ̨ɛ̨ ka kili ə kɛ ɉu kaa diɛ; Yai-Laa ka wɔ Yálái ɓə hvaŋą tɛɛ ka pɔ kaa hɛn ɉɔlɔɓo la. Nwoo tii ə gwɛlɛ ka nąnni diɛ, yɛ bɔ mɛ̨nį kɛ la, yɛ bələi gaa gɛi la háákələi.

Bible

¹⁸ Kɛ́lɛ ka gɔ́lɔŋ a gɛɛ Káɣâlai Yâwɛɛ ƃé ŋ̀wála-walai tɛ̀ɛ kápɔ a gɛɛ kákɛ a tɔɔ-ƃela. È gɛ̀ tí a gɛɛ é ŋɔkono-teei ŋaa-see kɛ́ nyii è vòo la kánâŋ-ni yêei, yɛ̂ɛ berei gáa la sâai.

Dutɛrɔnome 8:18 Referans Kwoze

Hanwon 10:22

Yai-Laa nwɔ lúwɔ́ ɓə a nu kɛ a hɛn nąmu, nuą di wɔ huwalawalalaa hva hɛn dɛɛ di pɔ.

Osia 2:8

Yili mąą mɛ̨nį ɓa, gáá pai ə́ wɔ pələɠaa pui a ɲąąlənŋaa, ŋį́ gala yili ɉu, ɛlɛɛ, hva kɛa ə́ tɛɛ pələ kaa.

Dutɛrɔnome 7:8

Kɛlaa, ka kulɔi ŋɛ̨i Yai-Laa ə mo luwɔ pɛlɛ́ mu, Eziptə tɔɔmun yəi, yɛ ka nwun mąąɓo, yili nwun mąą, ka wɛli kaa Yai-Laa ɓa, ɛlɛɛ, nwooi ə gwɛlɛ ka nąnni diɛ gaa bulu.

Dutɛrɔnome 7:12

Ɛlɛɛ, ka ka wəli tɔɔ nɔi hu yíi ɓo pələɠaa tii diɛ; ka di pɔ yíi ɓo, ka yee kanąnŋąą mą; mįnɛ̨i Yai-Laa ka wɔ Yálái da ka nąnni di ɉəɠə, a bɔ mɛ̨nį kɛ kaa, yɛ ka wɛlilakɛ.

Mąątɛ̨nɛ̨ 144:1

Davidə nwɔ wələ woo. Mąąwiɛ ə kɛ Yai-Laa ɓa, yai a mą́ą́kɔ̨nwɔ̨ kwɛni, ya ɓə a ɲéé ɲąątɔɔ kɔ́ ɓa, yɛ ɲéékpiɛɠaa tənən dɔɔ, kɔ hu.

Dutɛrɔnome 26:10

Yili mąą mɛ̨nį ɓa, yiihu kɛa, gáá Yai-Laa ku wɔ Yálái kɔ́i a nɔi ŋɛ̨i ə dɛɛ ku pɔ, ɉu hihɛn dɔlɔɔ-tɔlɔɔ.» Nui tii a yili ɓo tii, a pɛlɛ Yai-Laa lííla, yɛ kwɛli hvilɛn mą.

Nwun mąąɓo 7:2

Yai-Laa yɛ Zedeɔn ɓa: «Nu kpului ŋɛ̨i ə pɔ, gɛnɛ̨i, vá pɛli gɔ́ wiɛi Madian nuą mɛ̨i di yee hu, ə gɛ, Israɛlə lonnii di hvo pa di huɲąŋą kɛnɛ̨, diɛ kɛ diɛ: Di wɔ kuláálaa ɓə di yeetɛɛmąą kɛ la. Mąąwiɛi mąąnɛ̨ɛ̨ ə tɛɛ bɔ́, di hvo pa gɛ a di wɔɔ.

Samuɛlə dɔlɔɔ 2:7

Yai-Laa ɓə a nu kɛ a yeehowolo mun, yɛ nu kɛ a hɛn gɔw nąmu. A nu nwun mąą yɛɛ, yɛ nwɔ̨nɔ̨ nu nwun muhəɠə.

Kɔlɔnikɔ Veerɛi 25:9

Amasiasə yɛ Yálá nwɔ nui tii ɓa: «Akɛtii, nwali kwələ nwundɔ̨nɔ̨i ŋɛ̨i ŋį́ dɛɛ Israɛlə kɔlaɠai ɓai, ŋį́ yili kɛ ləi?» Yálá nwɔ nui yɛ mą: «Hɛn gaa Yai-Laa yəi yɛ dɛɛ ə́ pɔ, gɛnɛ̨ dɛɛ yili ɓa.»

Mąątɛ̨nɛ̨ 44:3

Ə́ yee ə lɔiɠaa kulɔ, di nąmįną yəi, yɛ́ ku nąnni hee laa, ə́ lɔiɠaa mɔ̨nɔ̨ɓo, yɛ́ pɛli ku nąnni heei kulɔi a nɛlɛɛ.

Ikilisiati 9:11

Ŋą́ą́ nwɔ̨nɔ̨ mɛ̨nį takpɛli kaa ɓɛ lɔi mɛ̨i, ya ɓaa: Nui mąąhulaa gilɛ həɠəi, ya lɔ hvəi a gilɛ həɠɛɛ dɔlɔ hɔlɔɓo; ɛlɛɛ, hvaŋą nąmįną lɔ hvəi kɔ́ a nɛ̨ɛ̨ diɛ; yili pulu, kilimąą mun nɔ hvəi a gbɔwɔ hɔlɔɓo yɛnɛ̨ɛ̨, ɛlɛɛ, nui nwun gaa ɉu, ya lɔ hvəi a kɛ a hɛn gɔw nąmu; kili mɛ̨nį kwɛli nuą lɔ hvəi da mąąwiɛ hɔlɔɓo. Mąąhɔlɔɓo, mɛ̨nį ɲąąnɛ̨ɛ̨ da ŋąąnwąnąą a həli nu kəlee ɓa.

Ikilisiati 12:1

Yɛ́i ŋɛ̨i a nunwunu! Ə́ nwunu yələi tii, 'hvó lɛ̨ą ə́ pɛli Yálá ɓa. Gɛɛ ə́ pɔlɔ yələ hvo kɛ həli mą, gɛɛ hvó pa kɛ diɛ: «Yɛnɛ̨ɛ̨ kun aa hee ɉú!» Ə́ kili lɛɛ ə́ pɛli Yálá hu.

Zɛnɛse 32:14

Ɉakɔbə ə yii gɛɛnąąi tii. Daatɛlɛɛɠaai kɛ ɲəi, ə niɛ Esau hąmą a da.

Dutɛrɔnome 6:11

a pɛlɛ́ɠaai di laahvɛɛ a hɛn gɔw lɛlɛɛ huwu lɔpee, kaa hvəi di pu li laa, yálɔwaɠaai naahvɛɛ a yələ kəlee, yii ka hvəi di tee li, viɲə da olivə wuluɠaai ka hvə di hin ni. Nąąlɔwai, ka kɔ̨nɔ̨n mį́i kɛa kaa pilɛ ɉu.

Dutɛrɔnome 8:1

Díɓoɠaa kpɔ ŋą ka tí a gɛɛ háákələi, ka tɔɔ a ka nwąnąi ka ɉon, əgɛ, ka lɛɛ yɛnɛ̨ɛ̨, ka huwu ə ɓɛlɛ, ka tamą; nɔi Yai-Laa ə gwɛla, ə naakwɛlanmo ka nąnni diɛ, ka lɔ nɔi tii hu, ka hee laa.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Kɔlɔnikɔ Maa-ŋuŋ 29:12

Hɛngɔw da mąąwiɛ da həɠə Ə́ pɔ, Ə́ ɓo heeni hɛn gəlee mɛ̨i. Heeɓolaa da huwalawalalaa, di kaa Ə́ yəi ŋą, mąąlaa kaa Ə́ yəi, Yɛ́ hɛn gəlee muhəɠə, Yɛ́ di huwalawala.

Ɉeremi 23:27

Di wɔ hįįɠaa tii da kɛ ɉukulɔi di kee ɓa, di kaa bɔ di náá kili kpɛɛ nwɔ́ nuąi ŋą, yɛ bələi di nąnni di lɛ̨ą la náá ɓa, Baalə mąą mɛ̨nį ɓa.