Dutɛrɔnome 7:5 - Yálá laawoo hɛɓɛ (dc)

⁵ Bələi mąąnɛ̨ɛ̨ ka nu huwuɠaa tii hon na bələ ka: Ka di wɔ haláá kulɔiɠaa wolo, gwɛniɠaai di ɉaɠa di wɔ haliɠaa mąą mɛ̨nį ɓa, ka di hu yali yali; nwuluɠaa da kɛ dɔɔi di wɔ haliɠaa mąą mɛ̨nį ɓa, ka di hu tee-tee, ka di wɔ haliɠaa kəlee kələn.

Yálá laawoo hɛɓɛ

⁵ Bələi mąąnɛ̨ɛ̨ ka nu huwuɠaa tii hon na bələ ka: Ka di wɔ haláá kulɔiɠaa wolo, gwɛniɠaai di ɉaɠa di wɔ haliɠaa mąą mɛ̨nį ɓa, ka di hu yali yali; nwuluɠaa da kɛ dɔɔi di wɔ haliɠaa mąą mɛ̨nį ɓa, ka di hu tee-tee, ka di wɔ haliɠaa kəlee kələn.

Bible

⁵ Mɛni-ŋai ŋí ƃé ká gɛ́ a dîa. Ka díɣâla-teƃele-ŋai wólo, ká díkɔni maa waa-ŋai wólo-wôlo, ká díɣâlai nɛ̀nii Asira fɛli kwaa-ŋai ma wuru-ŋai pɔ́ŋ, ka ŋ̀âla pɔkɔɔŋ-ŋai kéreŋ.

Dutɛrɔnome 7:5 Referans Kwoze

Lɛɛ gbɔwɔ ɓa 23:24

Kɛlaa, mąą hvo nɛ̨ɛ̨li ka hvo kwɛli hvilɛn di wɔ haliɠaai diɛ, kaa tí diɛ. Mɛ̨nįɠaai nuąi tii da gɛ, ka hvo da kɛ. Kɛlaa yaamun, mąąnɛ̨ɛ̨ ka di wɔ haliɠaai kala, ka di wɔ haláá kulɔiɠaa wolo.

Lɛɛ gbɔwɔ ɓa 34:13

Kɛlaa, mąąnɛ̨ɛ̨ ka di wɔ haláá kulɔiɠaa kala, ka di wɔ haláá kwɛniɠaa taɠa, nwuluɠaai da kɛ gɔi, ka gəlee pɔn.

Dutɛrɔnome 16:22

Ka hvə kwɛni ta tɔɔ a ka mąą mɛ̨nį. Mɛ̨nįɠaa tii wɛli kpɛɛi Yai-Laa ka wɔ Yálái ɓa kpɔ tɛ̨ɛ̨tɛ̨ɛ̨.

Dutɛrɔnome 9:21

Ɛlɛɛ, ɉɛn ŋɛ̨i ka bɛli a nįŋɛ̨ lon, ŋį́ ɉəɠə, ŋį́ ɉuyaləyalə, ŋą gələn; ŋį́ vunwɔ, ɲái tii kɛi həɠə ɲee ɓa pələ, ŋį́ vunwɔ pu ɉu.

Dutɛrɔnome 7:25

Di wɔ hali mąą nįnįnŋaai mąąnɛ̨ɛ̨ ka di kələn; ɛlɛɛ, nwali kwɛli, da ɉɛnii tii bɛlɛɛ di kɔ́lɔ ɓai, ka ɲɛ̨i hvo kulɔ bɔ, əgɛ, ka da həɠə, hvo pa kɛ a hɛlɛn ka tɔwɔ. Mąąhɔlɔɓo, yili a kɛ a mɛ̨nį ɲɔ̨nwɔ̨ɔ̨ kɛnɛ̨ Yai-Laa ka wɔ Yálái ɲɛ̨i ɓa.

Levetekɔ 26:1

«'Ka hvo hali pɛli, 'ka hvo hɛn da mąą nįnįn bɛli, a wala kɛ tii haláá kulɔi ta, ka mąą mɛ̨nį ɓa. 'Ka hvo kwɛni ta hvilɛn lɔi ɓa kaa kwɛli hvilɛn mą. Mąąhɔlɔɓo, ɲą́ą́ ɓə a Yai-Laa ka wɔ Yálá.

Lɛɛ gbɔwɔ ɓa 32:20

Nįŋɛ̨ lon tii di bɛli, Moisə ə gələn, ə vuŋɔ, ə bu yái, ə ɲá tɔɔ Israɛlə lonnii la.

Lonon mo 33:52

ka nɔi hu nuą kəlee kpɛ. Ka di wɔ haliɠaai kəlee kulɔ nɔi, yiiɠaai di ɉaɠaa a kwɛni; di wɔ haliɠaai kpɔ tii a kwɛli həgeenŋąą, ka gəlee kulɔ nɔi, ka di wɔ hali kɔ́iɠaa kəlee taɠa.

Dutɛrɔnome 16:21

Ɉaláá taɓalii ka káá pai dɔɔi Yai-Laa ka wɔ Yálá ɓa, ka hvo wulu ta tɔɔ gwɛlɛ, kaa gɔ́.

Kɔlɔnikɔ Veerɛi 14:3

Ə mo Ɉuda nuą diɛ, yɛ diɛ; 'ka hvilɛn Yai-Laa ka nąnni di wɔɔ Yálái pulu, ka nwɔ tɔ́n da mąąpamą wooɠaa hon.

Azaya 17:8

Hva kɛa ɲɛ̨i hee ɉali kɔ́iɠaa diɛ, ɓɛi ə bɛli a ɲee; ɉɛnŋąąi ɲee kpiɛ ə di kɛ, hva ɲɛ̨i hee di pɔ pələ, ɉali mąą nįnįnŋąą da voló mąąwiɛ hɛnŋąą.

Tɔɔɓɛlaa veelɛ 10:26

Di ɉaláá kwɛniɠaa kulɔ Baalə nwɔ pɛ́lɛ́i mu, di di kələn.

Kɔlɔnikɔ Maa-ŋuŋ 14:12

Filisti nuą di ɓo di wɔɔ haliɠaa diɛ di bu laa, Davidə yɛ diɛ: «'Ka ɉaliɠaa ŋɛ̨i kələn!»