Dutɛrɔnome 7:4 - Yálá laawoo hɛɓɛ (dc)

⁴ Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Yálá laawoo hɛɓɛ

⁴ Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Bible

⁴ Ka gɛ̀ tí da pâi gɛ̂i kálônii sinaai líi é pene ɣâla da kpɛ́ni pɔ́ naa pere. Gɛ̀ ní Yâwɛɛ a pâi ǹíi ŋwanâi kâa é kásu-kara.

Dutɛrɔnome 7:4 Referans Kwoze

Dutɛrɔnome 6:15

Mąąhɔlɔɓo, Yai-Laa ka wɔ Yálái ŋɛ̨i heeni ka hamąi, gaa a Yálá tolɔɔ. Ka gɛ a nɛlɛɛ, Yai-Laa ka wɔ Yálá nwɔ líiholi hvo pa yɛɛ ka mɛ̨i, yɛ ka kpɛɛ lɔi mɛ̨i.

Nwun mąąɓo 2:20

Yai-Laa ə níiɲąnwąną Israɛlə lonnii diɛ, yɛ diɛ: «Mįnɛ̨i wɔlɔ kwa nu huwui ŋɛ̨i di nąnni ku ɉəɠə, yai ŋą́ kɛ di nąnni diɛ, ka mąąwiɛ, di wɛi daa mąą kala, di hvo nwóó hon ni.

Nwun mąąɓo 2:11

Mɛ̨nįi ɲɔ̨nwɔ̨ɔ̨ Yai-Laa ɲɛ̨i ɓa, ya ɓə Israɛlə lonnii di di yee lɔ ɉu, di kwɛli hvilɛn Baalə haliɠaa diɛ.

Dutɛrɔnome 4:26

háákələi ŋɛ̨i, yələkɔlɔn da lɔi di kaa a gɛla, ka kpɛɛ hiɛ kpɔlɔɔ li nąąlɔwai nɔi tii mɛ̨i, ɓɛi ka káá pai Ɉurdɛn teen ɉii kaa li laa. Ka yíi hva kwɛa, ka kpɛɛ kpɔ tɛ̨ɛ̨tɛ̨ɛ̨.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Dutɛrɔnome 20:18

Di hvo pa nee di yii pələ ɲɔ̨nwɔ̨ɔ̨ lɛ kaa, kaa hvilɛn di pulu, di wɔ hali mɛ̨nįɠaai hu. A nee kɛ a nɛ̨ŋɛ̨n ɉəɠɛɛ Yai-Laa ka wɔ Yálái ɓa.

Zasua 23:12

Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Nwun mąąɓo 3:6

Israɛlə nuą di yiliɠaai lonnii nɛ̨ą həɠə a di nɛ̨ąni, diɛ di kpɔ-kpɔ lonnii nɛ̨ąą tɛɛ yiliɠaai lon ɉinąą pɔ a di nɛ̨ąni, diɛ di wɔ haliɠaai mąąwiɛ.

Lɛɛ gbɔwɔ ɓa 34:16

Akɛ ka di lonnii nɛ̨ąą həɠə kaa dɛɛ ka lonnii pɔ a di nɛ̨ąni, nɛ̨ąą tii da kɛi túwɔ́ pələ ɲɔ̨n gulɔi da di wɔ haliɠaai, di kaa pai dúwɔ́ pələ ɲɔ̨n tii lɔi ka lonnii yee pɔ, da diɛni diɛ gɛ, da di wɔ haliɠaai.

Zasua 22:15

Di həli Rubɛn lonnii diɛ, da Gadə lonnii, ə mą kɛ Manase huwu bələ tɔ̨nɔ̨ Galaadə lɔi hu, di nwooɠaa ŋɛ̨i ɓo diɛ,

Tɔɔɓɛlaa dɔlɔɔ 16:31

Vilɛn mɛ̨nį Nevatə lon Ɉeroboamə nwɔ nɛ̨ŋɛ̨nŋąą pulu, yili lɔ hvəi, ə li kpɔ, ə Sidɔn nuą di wɔ tɔɔmun Ɛtbaalə lon Ɉezabɛlə həɠə a nɛ̨ą; ɛlɛɛ, ə li yɛ Baalə mąąwiɛ, yɛ kwɛli hvilɛn mą.