Dutɛrɔnome 7:14 - Yálá laawoo hɛɓɛ (dc)

¹⁴ Gaa pai lúwɔ́ tooi kaa ə tɛɛ nu huwu kəlee ɓa; nu kəlee kwəi kaa pai nwun ɉii; daatɛlɛɛɠaa diɛ di kaa.

Yálá laawoo hɛɓɛ

¹⁴ Gaa pai lúwɔ́ tooi kaa ə tɛɛ nu huwu kəlee ɓa; nu kəlee kwəi kaa pai nwun ɉii; daatɛlɛɛɠaa diɛ di kaa.

Bible

¹⁴ A pâi lûwa támaa lâai kâa é tɛ́ɛ ǹúui gbéli-ŋai dîa. Káta fé pâi wɔ́lɔ kɛ̂i a kpóma-nuu. Kátaa-tulɛ-ŋai da fé pâi kɛ̂i naa nyii ǹóŋ fé pâi kɛ̂i bôlui.

Dutɛrɔnome 7:14 Referans Kwoze

Dutɛrɔnome 28:4

Lúwɔ́ ə kɛ ka kwəi lonnii diɛ, ə kɛ ka wɔ hihɛnŋąąi diɛ, ə kɛ ka wɔ taatɛlɛɛ lonnii diɛ, ka wɔ nįŋɛ̨ koo nɛ̨aɠaa da mɛlaa kɔ̨nwɔ̨leeɠaa.

Mąątɛ̨nɛ̨ 127:3

A tɛ̨ą, lon gaa mɛ̨nį, gaa a Yai-Laa yəi mɛ̨inɛ̨ɛ̨, nu hvɛla ɓaa, gwəi lonnii.

Dutɛrɔnome 28:11

Yai-Laa kaa pai kaa pai ka kwəi nwun ɉii, kaa lon gaa, ə mą kɛ ka wɔ taatɛlɛɛɠaa, ka wɔ lɔi ə lɛlɛ, yɛ ɉihɛnŋąą ŋąąnɛ̨ɛ̨, nɔi ŋɛ̨i Yai-La ə gwɛla, ka nąnni diɛ yɛ gaa dɛɛi ka pɔ, ɉu.

Levetekɔ 26:9

Gáá pai ka kwəi nwun ɉi, kaa lon damąą hɔlɔɓo, gɛ́ nwɔ́ mįnɛ̨i laa hɔn mo gwa kaani gu lɔwai.

Dutɛrɔnome 33:29

Israɛlə! Ə́ nwun na nɛ̨ɛ̨i! Gbɛɛ ɓə ka yaa ka kulaa tii ka kee ɓai? Yɛ́i ə tɔɔ bulu ɓaa Yai-Laa! Yaa ɓə gaa a ə́ mąąkpɔmąą ɓo hə́mə́! Yaa lɔ ɓə gaa a ə́ wɔ huwalawala ɓɔwa kwɛa! Ə́ yowoɠaa di hvo kolokpɛli di lii pɔ wɔlɔi ə́ pɔ, ya di wɔ lɔi too ə́ kɔ́wɔ mu, yɛ́ hiɛ ɉu.»

Mąątɛ̨nɛ̨ 115:15

Yai-Laa ə lúwɔ́ kɛ kaa, Yai yələ kɔ́lɔn da lɔi di pɛli.

Mąątɛ̨nɛ̨ 107:38

Yálá ə lúwɔ́ too diɛ, di huwu hu ə ɓɛlɛ kpɔ kɛnɛ̨, ɛlɛɛ, Yálá hvo hvaa mą, di wɔ taatɛlɛɛɠaai hu hvo kala.

Lonon mo 22:12

Yálá yɛ Balaamə ɓa: «Mąą hvo nɛ̨ɛ̨li hvó lɛɛ di pulu, ka diɛni ka hvo li, ɛlɛɛ, hvó nu huwui tii nɛ̨ŋɛ̨n naa, mąąhɔlɔɓo, lúwɔ́ kaa diɛ.»

Dutɛrɔnome 30:9

Ka kɛ mɛ̨nįɠaa kəlee hu, Yai-Laa ka wɔ Yálái a ɉu nɛ̨ɛ̨ ka yəi. A ka kwəi nwun, kaa lon damąą kaa, ka wɔ taatɛlɛɛɠaai kpɛli mąn diɛ di kaa tamąą, ə mą kɛ ka wɔ hihɛnŋąą diɛ ɓá kpɔ kɛnɛ̨. Mąąhɔlɔɓo, hɛn nwɔ̨nɔ̨ pai kɛi a Yai-Laa nwɔ kwəinɛ̨ɛ̨ mɛ̨nį, ya ɓaa, ka kɛ nwun nąnɛ̨ɛ̨ hu yɛ bələi ə gɛ la ka nąnni diɛ.