Dutɛrɔnome 6:7 - Yálá laawoo hɛɓɛ (dc)

⁷ Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Yálá laawoo hɛɓɛ

⁷ Kaa pa kɛi ɉukulɔi ka lonnii diɛ; ka kɛ moi diɛ, ka kɛ ka yəi bɛlɛ́n, ə mą kɛ hiɛ pələ pɔ, ka kɛ laani, ka mą kɛ tɔɔni.

Bible

⁷ Ka ǹɛ́ kálônii dîa. Ka doo díkili ŋá tãi ka kɛ̀ seeni la kápɛrɛ-ŋai lai, ka kɛ̀ siai bere-ŋai su, tãi ka kɛ̀ laa-ni lai, da tãi ka kámu siɣe lai.

Dutɛrɔnome 6:7 Referans Kwoze

Dutɛrɔnome 11:19

Ka ka lonnii kalan na, kaa mo diɛ kɛlɛ-kɛlɛ; ka kɛ heeni ka yəi bɛlɛ́n-oo, ka kɛ pələ pɔ-oo, ka kɛ hiɛ ɓa-oo, ka kɛ laani-oo, ka kɛ tɔɔni-oo,

Ifisiɛŋ 6:4

Káái a lon gaa-nuą, 'ká hvo ká lonni hon a di liikələn bələ di kwəi. Kɛlaa, 'ká di kulɔ ɉu, káá di hutɔɔ, 'káá di liɛwoo kɛ a wooɠaai a həɠə gu Nąmu pɔ.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Dutɛrɔnome 6:2

'Ka ɲɔw Yai-Laa ka wɔ Yálái ɓa; kaa-oo, ka lonnii-oo, ka mąninni-oo da ka mąnin bulu mąninŋąą kəlee, 'ka nwɔ́ tíɓoɠaa da nwɔ tɔ́n nwooɠaai kəlee pɔ mɛ̨nį kɛ, ka wɔ yɛnɛ̨ɛ̨ kəlee hu, ka yíi a kwɛa.

Ifisiɛŋ 4:29

Woo ɲɔ̨n nɔpee ta hvo kulɔ ká la, kɛlaa yaamun, ká hvaa woo ə kɛ a nɛ̨ɛ̨, yɛ pɛli nu tənən dɔɔi, yɛ mɛ̨nį lɛlɛɛ kɛ mɛ̨n nuą diɛ.

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Hanwon 6:22

Yiliɠaai ɓə da ə́ tənən dɔɔ ə́ hiɛ pələ hu. Yá kɛ laani, diɛ ə́ mąą kpɛ, yá ə́ ɲįnąą ɓo, ka diɛni kaa lono kɛ.

Lukə 6:45

Nu kwəi kiliŋąhiɛ lɛlɛɛ lɔ ɓə, mɛ̨nį lɛlɛɛ kɛɛ a kulɔ ɉu. Nu kwəi kiliŋąhiɛ ɲɔ̨nwɔ̨ɔ̨ lɔ ɓə, mɛ̨nį ɲɔ̨nwɔ̨ɔ̨ kɛɛ a kulɔ ɉu. Mąąhɔlɔɓo, yii gaa nu nwɔ kiliŋąhiɛ hu, ya ɓə a tɛ na.»

Maafîu 12:35

Nui ɉɔn nɛlɛɛ, ya lɔ ɓə mɛ̨nį lɛlɛɛ a kulɔ nwɔ kiliŋąhiɛ hu. Nui ɉɔn ɲɔ̨nwɔ̨ɔ̨, ya lɔ ɓə mɛ̨nį ɲɔ̨n a kulɔ nwɔ kiliŋąhiɛ hu.

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Hanwon 15:7

Kilimąą nuą hvaa woo a mɛ̨nį kɔ́lɔn ŋąą ɲąąkwɛlɛ, Kɛlaa, kilikpɛɛgwəi nuą di wɛi, a kɛ a mɛ̨nį takpɛli.

Hanwon 10:21

Tələnmomun nwoo a liilaa tɛɛ nu pɔ, Kɛlaa, kilikpɛɛgwəi nuą da haa a mɛ̨nį kɔ́lɔn nwɛli.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Hanwon 15:2

Kilimąą nuą hvaa woo a kili wɛli too nu ɓa a ŋąąnɛ̨ɛ̨. Kɛlaa, kilikpɛɛgwəi nuą laa hvili yɛ tɔɔ a ɓowo.

Mąątɛ̨nɛ̨ 129:8

ɛlɛɛ, nuąi da tɛɛ laa di hva kɛ diɛ: «Yai-Laa ə lúwɔ́ tɔɔ kaa!» Ku kaa lúwɔ́ tooi kaa, Yai-Laa laa hu.

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Rutə 4:11

Galanɉonŋaa da nuąi kpɔ kɛ laa, gəlee diɛ mą: «Kwaa kɛ a gɛla. Di lúwɔ́ too Boozə ɓa diɛ mą: Nɛ̨ɛ̨nui ŋɛ̨i háákələi pai lɔi ə́ yəi bɛlɛ́n, Yai-Laa ə lúwɔ́ too mą; gɛ́ pələ ə kɛ yɛ Ɉakɔbə nɛ̨ąni hveelɛi: Rasɛlə da Lea. Diɛ ɓə Israɛlə nu huwu hɔlɔɓo. Yai-Laa ə ə́ yee laholoon Ɛfrata lonnii lɔwai, ə ə́ laa tɛ Bɛtleɛmə.

Mąątɛ̨nɛ̨ 37:30

Tələnmomun naaləi hva kpɛla kili mɛ̨nį ɓoɔ ɓa, tɛ̨ą mɛ̨nį lɔ ɓə a kulɔ na.

Rutə 2:12

Gɛ́ Yai-Laa a Israɛlə nwɔ Yálá, yai ə́ pa ə́ mąąkilɛi vaŋąn mu, ə ə́ túwɔ́ pələi tii hvɛla kulɔ.»

Rutə 2:4

Nąąlɔwai, ɉu hvo kpɛli kwɛa, Boozə ə həɠə Bɛtleɛmə, ə pa ɲəi ɲɛa. Ə nwoo pili gbai tee nuą diɛ, yɛ diɛ: «Yai-Laa ə kɛ ka pɔ!» «Diɛ kpɛli diɛ mą: Yai-Laa ə lúwɔ́ too yɛ́.»

Mąątɛ̨nɛ̨ 71:17

Yálá, yɛ́ ɓə gíli too yɛ́, ə həɠə kpɔ ɉúlɔnon ɲələ ɓa, aa lɛɛ ɉu yiihu aa həli la, ə́ kɛ mɛ̨nį ɲɛ̨i kɛnɛ̨ɠaa lɔ ɓə gáá noloɓoi.

Azaya 38:19

Nui lɔ vulú kɔ́lɔi, yaa tɔ̨nɔ̨ lɔ ɓə a ə́ laa tɛ, yɛ bələi gáá gɛi la haa kəlee. Lon gáá nąn gaa pai ə́ wɔ wɛlikɛmąąlaa hu kulɔi nonnii diɛ.

Zôo 8:10

Kɛlaa, di wɛi, di kaa pai pələ ɓoi yɛ́, di ə́ kilaa pɔ̨nɔ̨. Di wɔ kiliŋą laa hu, di kaa pai mɛ̨nįɠaai ŋɛ̨i ɓoi yɛ́; diɛ kɛ yɛ́:

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.