Dutɛrɔnome 6:6 - Yálá laawoo hɛɓɛ (dc)

⁶ Díɓoɠaai ŋɛ̨i gáá ɉu woo ɓoi kaa háákələi, mąąnɛ̨ɛ̨ ka di kanąn ka kili pɔ.

Yálá laawoo hɛɓɛ

⁶ Díɓoɠaai ŋɛ̨i gáá ɉu woo ɓoi kaa háákələi, mąąnɛ̨ɛ̨ ka di kanąn ka kili pɔ.

Bible

⁶ Fɛ̂ɛ ka dɔ̂ŋ-ŋai ŋí pɔ̃yɛ kálii gbɛ̃ ma ŋa sâa dɛɛ̂i kápɔi.

Dutɛrɔnome 6:6 Referans Kwoze

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Hanwon 7:3

'Hvó nɛɛ laa hvo kulɔ ə́ yəi, doo ə́ yee kpiɛ ɓa yɛ gbono, ə́ ganąn ə́ lii pɔ.

Dutɛrɔnome 11:18

Nwooɠaa ŋɛ̨i gáá dɛɛ ka pɔ, ka ganąn ka kili pɔ, ka ɲili ka yee kwąną, ka ganąn ka tɔwɔla, ə gɛ, ka hvo pa lɛ̨ą diɛ.

Mąątɛ̨nɛ̨ 37:31

Nwɔ Yálái nwɔ tɔ́n nwooi kaa níi hu, gɔwɔ pɔɔ hva pu ɉu.

Korɛntə veelɛ 3:3

Gəlee ə mą kɛ, ka káá a hɛɓɛ́i Kristə ə bɛ̨ɛ̨, galihvaɓoɔ kuɔ, kuɔ naa həli; hvo pɛ̨ɛ̨ li a hɛɓɛ́-yá, kɛlaa, bɛ̨ɛ̨i a Yálá hvulúmąą ŋą Kilii yee pɔɔ, hvo pɛ̨ɛ̨ li kwɛni ɓɛla mɛ̨i, kɛlaa, bɛ̨ɛ̨i nuą kili pɔ.

Dutɛrɔnome 32:46

ə mo diɛ, yɛ diɛ: «Nwooɠaa ŋɛ̨i ŋį́ ka kalan na háákələi, ka ɉon a ka nwąnąąi; gaa a gu lɔwai kɛla. Ka ka lonnii kalan a dɔ́n nwooɠaa ŋɛ̨i hon mɛ̨nį.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Lukə 8:15

Nu taɠaa diɛn, di kaa yɛ: Lɔi lɛlɛɛ, ɓɛi ɉihɛn ɉuwu taɠaa di too laa. Di wɛi, da Yálá laawoo mɛ̨n di di yee hee mu, di di yee kanąn ma, di tɔɔ la kpaan, nwoo tii ə ɉeei kaa di lii hu, ə ɓa a damąą.»

Hanwon 3:5

'Hvó ə́ kilitɔɔ ə́ kpɔwɔ nwɔ nwun gɛ ɉu laa ɓa, Kɛlaa, ə́ kilitɔɔ Yai-Laa ɓa.

Lukə 2:51

Jesus ə di woo hon, ə muhəɠə, ə lɛɛ di pɔ da diɛni də li di pɔ taai Nazarɛtə. Kɛlaa, Mari nwɛ́i ə gili lɛɛ mɛ̨nįɠaa tii kəlee hu.

Mąątɛ̨nɛ̨ 119:98

Ə́ wɔ tíɓoi aa gílí kɛ̨nɛ̨, aa dɛɛ ɲówóɠaa di wɛi ɓa, ŋą́ ɲéé hveelɛi hee mu, a yələ kəlee mɛ̨nį.

Mąątɛ̨nɛ̨ 40:8

Nąąlɔwai, ŋį́ mo gɛ́ diɛ: «Ɲą́ą́ ka, ŋą́ą́ pa, a hɛɓɛ́ yili ta yii di bɛ̨ɛ̨ a náá.

Zɔ̂ŋ Veerɛi 1:2

dɛ̨ąi gaa gu hu ɉáálai, ɛlɛɛ, yai pai lɛɛi gu pɔ ɲɛ̨n deei hvo mą;

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Samia Veerɛi 22:23

Nwɔ tɔ́nŋaa kəlee di kɛ ɲə́i, Və́ gíli kulɔ li bɔ liɛwoo tɔ̨nɔ̨ kpɛli hu.

Dutɛrɔnome 11:20

ka di pɛ̨ɛ̨ ka wɔ pɛlɛ́ɠaa gbon ma, ə mą kɛ, ka wɔ taa mąąkpɛ hii kponŋąą diɛ. Daaɠaa hu.

Mąątɛ̨nɛ̨ 119:13

Mɛ̨nįɠaai kpɔ a kulɔ ə́ la, di kaa lɔ kɛa ná a wələ.

Mąątɛ̨nɛ̨ 119:30

Tɛ̨ą pələ ɓə ŋą́ ɉəɠə a nííɓa, vílɛnŋąąi lɔ ə́ wɔ tíɓoɠaai pulu, gɛ́ di kɛ.