Dutɛrɔnome 6:22 - Yálá laawoo hɛɓɛ (dc)

²² Yai-Laa ə kwəi pili mąą mɛ̨nį kpɛa kpɛa da kpalo mɛ̨nį kpɛa kpɛa kɛ ku ɲɛ̨i ɓa; Eziptə lɔi da dɔɔmun nwɔ pɛ́lɛ́i nwun yɛ lɛɛ ɉu.

Yálá laawoo hɛɓɛ

²² Yai-Laa ə kwəi pili mąą mɛ̨nį kpɛa kpɛa da kpalo mɛ̨nį kpɛa kpɛa kɛ ku ɲɛ̨i ɓa; Eziptə lɔi da dɔɔmun nwɔ pɛ́lɛ́i nwun yɛ lɛɛ ɉu.

Bible

²² È ŋ̀ɛi-kɛ-maa da zu-gbɛlɛ-gbɛlɛ mɛni-ŋa kɛ̀ Ize a gâloŋ ŋɔpɛ́rɛi mu-ƃelai da ǹúui gbéli-ŋai.

Dutɛrɔnome 6:22 Referans Kwoze

Dutɛrɔnome 4:34

Awala kɛ tii, yálá ta, aa ta pa lɔi mɛ̨i, yɛ nu huwu ta kulɔ nu huwu takpɛli lɔwai a kwɛlɛɛn mɛ̨nįɠaa da kpalo mɛ̨nį ɛlɛɛ, a kwəi pili mąą mɛ̨nįɠaa, a kɔ́ɠaa, a nwɔ huwalawala laa, ɲee yɛ lɛɛ di mɛ̨i a mąą ɲɔwɔ, yɛ bələi ŋɛ̨i Yai-Laa ka wɔ Yálái ə gɛ la a kaa, yɛ ka kulɔ Eziptə lɔi hu kaa kpinįi ka nąą kaa?

Mąątɛ̨nɛ̨ 91:8

Ə́ ɲįnąąɓo lɔ, ə́ ə́ ɲɛ̨i hee, bələi di kaa nwąnąlɔ nuą hvɛla kulɔi la, ə́ nąą kaa.

Dutɛrɔnome 7:19

Ka ka kiliŋąhiɛ, Yai-Laa ka wɔ Yálái hvaŋą kɛnɛ̨ pələ ɓa, da ɲee kwɔnwɔ̨n ɉu walawala pələ. Mɔ̨nɔ̨ kpɛa kpɛaɠaa ka ɲɛ̨i ə tɔɔ ɉu, gbalo mɛ̨nįɠaa da gwəi pili mąą mɛ̨nįɠaa; yili gili ə too ka ŋą, a ɓɛlɔwai Ə ka kulɔ la nɔi tii hu, a nwɔ yee walawala laai hɛn da hva tɔɔ na. Yai-Laa ka wɔ Yálái kaa lɔ pai yili ɲɔ̨nwɔ̨nmą naai nu huwu tii diɛ, diɛi ka ka ɲɔwi diɛ.

Dutɛrɔnome 4:3

Mɛ̨nįi Yai-Laa ka wɔ Yálái ə gɛ Baalə-Peɔrə, kaa kpinįi ka nąą kaa a ka ɲɛ̨ikɔw; nuąi kpɔ hvilɛn Baalə pulu Peɔrə, Yai-Laa ka wɔ Yálái ə gəlee paa ka lɔwai.

Dutɛrɔnome 3:21

Nąąlɔwai, ŋį́ mo nwɔ̨nɔ̨ Ɉosue ɓa, gɛ mą: «Mɛ̨nii Yai-Laa ka wɔ Yálái ə gɛ a dɔɔɓɛlaa hveelɛi ŋɛ̨i, yaa gaa a ə́ ɲɛ̨ikɔw. Bələ ɓə Yai-Laa kaa pai gɛi la a dɔɔɓɛlaai kpɔ ka káá pai di kaai ɲa pulu pələ.

Dutɛrɔnome 1:30

Yai-Laa ka wɔ Yálái ɓə hiɛ́i ka ɲɛ̨itɔwɔ, yaa kpinįi lee ɓə pai gɔ́ kɔ́i a ka wɔ kɔ́; Yɛ bələi kpɔlɔɔ ə gɛ la Eziptə lɔi hu. Yɛ ka nwun mąąɓo, gbaɠala kaa tii kaa.

Mąątɛ̨nɛ̨ 135:9

Ə kwɛlɛɛn mɛ̨nįɠaa da kpalo mɛ̨nįɠaa kɛ, ə́ wɔ lɔi hu, Eziptə. A Faraɔn da ɲee pɔ nuą.

Lɛɛ gbɔwɔ ɓa 3:20

Gáá pai mɛ̨nį laai Eziptə lɔi ɓa, a kwɛlɛɛn mɛ̨nį tamąą kɛi gáá pai moi ɉu. Yili kɛɛ pulu ɓə di kaa pai ɓoi la kaa, kaa li.

Dutɛrɔnome 6:21

Ka kɛ ka lonnii diɛ: «Ku kɛ a Eziptə tɔɔmun nwɔ luwɔɠaa Eziptə lɔi hu; kɛlaa, Yai-Laa ə ku kulɔ Eziptə lɔi hu a vaŋą kɛnɛ̨.

Dutɛrɔnome 6:23

Ku wɛi, ə ku kulɔ gɛɛnąąi tii ɓa, nɔi ə naakwɛlanmo ku nąnni diɛ yɛ gwɛla kpɔ ɉu, ə ku lɔ ɉu, ə dɛɛ ku pɔ.

Mąątɛ̨nɛ̨ 136:4

Yaa tɔ̨nɔ̨ lɔ ɓə a mɛ̨nį ɲɛ̨i kpɛa kpɛa kɛ! Mąąhɔlɔɓo, nwɔ wɛlikɛmąąlaa ɲɛ̨n deei hvo mą!

Lɛɛ gbɔwɔ ɓa 10:2

Ŋą́ yili kɛ tii, ə gɛ, bələi ŋį́ mɛ̨nįɠaa kɛ la Eziptə lɔi hu, ka gɔ́lɔn a Yai-Laa. Ə́ pa kɛ ɉukulɔi ə́ lonnii diɛ da di wɔɔ lonnii.»