Dutɛrɔnome 6:18 - Yálá laawoo hɛɓɛ (dc)

¹⁸ Mɛ̨nįi ɉaŋąą, nɛlɛɛ Yai-Laa ɲɛ̨i ɓa, ya ɓə mąąnɛ̨ɛ̨ ka gɛ, ka gɛ, ka kɛ nąąlɔwai nwun nąnɛ̨ɛ̨ hu. Nɔi lɛlɛɛi tii Yai-Laa ə naakwɛlanmo ka nąnni diɛ yɛ gwɛla ɉu, ka pɛli heei ɉu.

Yálá laawoo hɛɓɛ

¹⁸ Mɛ̨nįi ɉaŋąą, nɛlɛɛ Yai-Laa ɲɛ̨i ɓa, ya ɓə mąąnɛ̨ɛ̨ ka gɛ, ka gɛ, ka kɛ nąąlɔwai nwun nąnɛ̨ɛ̨ hu. Nɔi lɛlɛɛi tii Yai-Laa ə naakwɛlanmo ka nąnni diɛ yɛ gwɛla ɉu, ka pɛli heei ɉu.

Bible

¹⁸ Ka Káɣâlai Yâwɛɛ nîa mɛni kɛ́ a gɛɛ mɛni-ŋai ka pâi kɛ̂i gɛ̂i ǹɔii su Yâwɛɛ è góno tèe la kánâŋ-ni yêei ŋãa-see é kɛ́.

Dutɛrɔnome 6:18 Referans Kwoze

Dutɛrɔnome 4:40

Yai-Laa nwɔ tɔ́nŋąąi da nwɔ tíɓoɠaa ŋɛ̨i gáá dɛɛi ka pɔ háákələi, ka di kɛ, yili a ka nwun na nɛ̨ɛ̨, kaa mąn, ka lonnii mąn, ka haa pulu, diɛ pɛli lamui yɛnɛ̨ɛ̨ nɔi ŋɛ̨i mɛ̨i yai háákələi Yai-La ka wɔ Yálái ə dɛɛ ka pɔ, a yələ kəlee mɛ̨ni.

Dutɛrɔnome 12:25

Ka hvo da mįi, bələ ɓə ka káá pai kɛi la nwunnąnɛ̨ɛ̨ hu. Kaa-oo, ka lonnii-oo, ka haa pulu. Hvo gaai, mɛ̨nį ɉaŋąą Yai-Laa ɲɛ̨i ɓa ya ka tii ka káá pai gɛi.

Lomaŋ 12:2

'Ká hvo ká kpɔɔ kɔ́ɔn háákələi yɛnɛ̨ɛ̨i ɓa, kɛlaa, ká nɛɛ laa, ka wɔɔ mɛ̨nį kɔlɔn gili ə ká pu ká nįnɛ̨ kɔlɔi, yili ɓə gaa a Yálá liiɓa, nɛlɛɛ, ɲąąnɛ̨ɛ̨, bɛliɛ ɉu.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Ɉaan 8:29

Nui dɔ́ɔ́, gaa bɔ́, hvo kɛ ɲą́ą́ dɔ̨nɔ̨ nɛ́ɛ́ li. Mąąhɔlɔɓo, niiɓa lɔ ɓə gáá gɛi a yələ kəlee.»

Izikiɛ 33:19

Nu ɲɔ̨nwɔ̨ɔ̨ a həɠə nwɔ kiliŋąhiɛ ɲɔ̨nwɔ̨ɔ̨ pulu, yɛ túwɔ a ɉaŋaa, a tələnmolaa, gaa pai lɛɛi yɛnɛ̨ɛ̨ mɛ̨nį lɛlɛɛ tii ə gɛ mąą mɛ̨nį ɓa.

Osia 14:9

Ɛfraimə! Nwɔ́ lə mɛ̨nį ɓə hali mɛ̨nį hu? Ɲą́ą́ ɓə ŋą́ nwoo mu hon, gɛ́ ɲɛ̨́i kɛ mą, nwɛ́i gáá lɔ yɛ wului naa ka ŋą a yələ kəlee, ɲą́ą́ ɓə ə́ ɓa a kulɔ váŋą hu.

Izikiɛ 33:16

Nɛ̨ŋɛ̨nŋaai ə gɛ, di hva da wulu lɛɛ nwuɔ̨, ə tɛ̨ą mɛ̨nį kɛ da tələnmolaa; yili mąą mɛ̨nį ɓa, gaa pai lɛɛi yɛnɛ̨ɛ̨.

Izikiɛ 33:14

Ŋą́ kɛ nu ɲɔ̨nwɔ̨ɔ̨ ɓa; ə́ kaa pai haai, ɛlɛɛ, mąą nu a ɲee kulɔ nwɔ nɛ̨ŋɛ̨n hu, yɛ túwɔ a tələnmolaa,

Izikiɛ 18:27

Nu ɲɔ̨nwɔ̨ɔ̨ a bulu tinɛ̨n nwɔ túwɔ pələ ɲɔ̨n ma, yɛ tɛ̨ą da tələnmo yíi ɓo, gaa pai lɛɛi yɛnɛ̨ɛ̨;

Izikiɛ 18:21

«Nu ɲɔ̨nwɔ̨ɔ̨ yaan a bulu tɔɔ gɛ nɛ̨ŋɛ̨nŋaa diɛ, yɛ nwɔ́ tiɓoɠaai kəlee pɔ mɛ̨nį kɛ, yɛ hiɛ a ɉaŋaa, a kwəi kwələ laa, mąą nui a lɛɛ yɛnɛ̨ɛ̨, ɉəɠə mąą hvo mą.

Izikiɛ 18:5

«Tələnmo mun da akɛi túwɔ a ɉaŋąą, a gwəi kwəlɛɛ,

Azaya 3:10

Ka mo kaa diɛ: tələnmomun nwun na nɛ̨ɛ̨i, hvó gaai kaa pai gɛ tíi dɔlɔ mįi.

Mąątɛ̨nɛ̨ 19:11

Viɛlaɓɔɔi ə tɛɛ hɛni ɓa, dɛɛ kpɔ hɛni waa kpulu tamąą ɓa. Nɛ̨ɛ̨i dɛɛ kwɛ̨inwulɔ ɓa, dɛɛ kpɔ kwɛ̨i gulaa nįnɛ̨ ɓa.

Dutɛrɔnome 13:18

Mąą hvo nɛ̨ɛ̨li ka hvo ka yee tunwɔ̨n ɉɛnŋąąi kpɔ di di kalaɠalai da ɓa. Ka wala tunwɔ̨n da ɓa, Yai-Laa kaa pai nwɔ liiholi kɛnɛ̨i kpɛlai bələi. Yɛ nwɔ wɛlikɛmąąlaa tɛɛ ka pɔ, yɛ ka mąąwɛli kaa, yɛ ka ɓuwuɓo yɛ bələi ə naakwɛlanmo la ka nąnni diɛ.

Dutɛrɔnome 12:28

Díɓo wooɠaa kpɔ ŋɛ̨i gáá dɛɛi ka pɔ, ka ka wəli tɔɔ diɛ, ka di pɔ mɛ̨nį kɛ, yili pɔ pələ ɓə ka kɛ la nwunąnɛ̨ɛ̨ hu; ka ka lonnii ka haa pulu, a yələ kəlee; hvo gaai, mɛ̨nįi ɉaŋąą Yai-Laa ka wɔ Yálái ɲɛ̨i ɓa, ya ka tii ka káá pai kɛi gɛi.

Dutɛrɔnome 8:11

Ka gɛ a nɛlɛɛ, ka hvo lɛ̨ą Yai-Laa ka wɔ Yálái ɓa, ka hvo nwɔ tɔ́n da nwɔ lɔi hu yíi ɓo pələɠaa lɛɛ; diɛi gáá di tɛɛi ka pɔ háákələi.

Dutɛrɔnome 5:33

Mąąnɛ̨ɛ̨ ka hiɛ yɛ bələi Yai-Laa ə nɛ la kaa, a yələ kəlee, kaa pɛli lɛɛi yɛnɛ̨ɛ̨, kaa ɓo la nwun na nɛ̨ɛ̨ hu, ɛlɛɛ, nɔi ka káá lii heei ɉui, ka yíi ə kwɛa ɉu.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Izikiɛ 18:19

«Ka káá kɛi diɛ: Lə mɛ̨nį ɓa yai lon va nąn nwɔ nɛ̨ŋɛ̨n bulu mɔ̨nɔ̨ mįi? Mąąhɔlɔɓo, non ə tələnmo yii ɓo, yɛ túwɔ a ɉaŋaa; ə nwɔ́ tɔ́n nwooɠaai kəlee pɔ mɛ̨nį kɛ; yili mąą mɛ̨nį ɓa, a lɛɛ yɛnɛ̨ɛ̨.

Dutɛrɔnome 6:19

Gaa pai ka yowoɠaa kəlee kpɛi ka tɔwɔ, yɛ di mąą kwɛa kaa. Bələ ɓə ə naakwɛlanmo la.

Azaya 38:3

Yɛ kɛ mą: «Ee kə! Yai-Laa, nɛ̨ɛ̨ yɛ́, ə́ kiliŋąhiɛ, ə́ vilɛn bələi ŋą́ túwɔ́ la ə́ ɲɛ̨i ɓa a tɛ̨ą da kwəi kwələ laa; mɛ̨nįi kɛ a nɛ̨ɛ̨ yɛ́, ya ɓə ŋą́ kɛi gɛ.» Ezekiasə ə wɔlɔ kpɔ kɛnɛ̨.

Dutɛrɔnome 6:10

Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,