Dutɛrɔnome 6:17 - Yálá laawoo hɛɓɛ (dc)

¹⁷ Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Yálá laawoo hɛɓɛ

¹⁷ Mąąnɛ̨ɛ̨ ka Yai-Laa ka wɔ Yálái nwɔ tíɓoɠaa kɛ, da nwɔ tɔ́n nwooɠaa, da nwɔ lɔi hu yíi ɓo pələɠaa, yaai Ə naa ka nwuɔ̨.

Bible

¹⁷ Ka ŋɔtɔ̂ŋ-ŋai maa kɔ́ri ká dímɛi káa yɛ̂ɛ berei a ŋá lɛ́ la kâai.

Dutɛrɔnome 6:17 Referans Kwoze

Mąątɛ̨nɛ̨ 119:4

Yɛ́ kpinįi ɓə ə́ wɔ tɔn nwooɠaai lɛ, əgɛ, di di hon gbɔ a yɛlɛ.

Dutɛrɔnome 11:22

Mąąhɔlɔɓo, dɔnŋaa ŋɛ̨i gaa dɛɛi ka pɔ, ka ka yee kɛ mą kpɔ a nelee, a ɲąą pɛliɛ, kaa Yai-Laa ka wɔ Yálái wɛli la kɛ, kaa lɛɛ la nwɔ pələɠaai kəlee mɛ̨i, kaa kanąn mą a woo tɔ̨nɔ̨ laa;

Piɛrə veelɛ 3:14

Yili ɓə gaa mą:, nwɛ́li kɛ mąą nuą, gwa kɛi mąąkpɔn ti kɛ, ka ka ŋąą wala, ə gɛ, a pa, ə ka káá liilaa hu, hɔn nɔpee ta hvo kɛ kaa.

Korɛntə dɔlɔɔ 15:58

Yili ɓa tii, nwɛ́li kɛ mąą nuą, ka tɔɔ kpąą, ká mąą hvo kpɛlin, gu Ną́mu nwɔ kóloi hu, káá tɛ tɔwɔ a yələ kəlee. Ká gɔlɔn káá: Mɔ̨nɔ̨i ka káá mįi, hvo pai lɛɛi a kpɛli Ną́mu hu.

Taitɔ 3:8

Nwoo ti kaa a tɛ̨ąi da pɛli di kilitɔɔi mą, ɛlɛɛ, gáá bɔ ə́ ə́ wəli tɔɔ kpɔ mą kpąą, əgɛ, nuąi daa laa Yálá la, di pɛli kɛnɛ̨i mɛ̨nį lɛlɛɛɠaa kɛɛ hu. Yili ɓə nɛlɛɛ, dɔlɔ ə ɓo mą nuą diɛ.

Lɛɛ gbɔwɔ ɓa 15:26

Yɛ diɛ: «Akɛ ka ka wəli tɔɔ kpɔ a nɛlɛɛ, Yai-Laa ka wɔ Yálái woo ɓa; ka túwɔ́ a ɉaŋąą ɲɛ̨i ɓa, ka ka wəli tɔɔ nwɔ tiɓoɠaa diɛ, ka nwɔ tɔ́nŋąą kəlee pɔ mɛ̨nį kɛ, mɛ̨nį nwąnąąɠaa ti kpɔ ŋį́ naa Eziptə ɓa, vá da laa kaa. Mąąhɔlɔɓo, ɲą́ą́ Yai-Laa, ɲą́ą́ ɓə ŋą́ ka kɔ́lɔi pɔ̨nɔ̨.»

Hebreu 6:11

Kɛlaa, yii kpɔ nwɛli kaa kuɔ, ya ɓaa: ká tɛitɛi, ká ká hvaŋąlɔ, ká gilitɔɔmąą laa tii hunɛ̨ɛ̨, ə lɛɛ la ɉu ɲąą kpɛɛ yələ,

Dutɛrɔnome 11:13

A tɛ̨ąą! A kɛ ka ka wəli tɔɔ kpɔ a nɛlɛɛ nwɔ tɔ́nŋąą diɛ, yaai gáá háákələi naa həlii kaa, kaa Yai-Laa ka wɔ Yálái wɛli la kɛ, kaa tí mą a ka kwəi tɔ̨nɔ̨, a ka nwąnąąi kpɔ-kpɔɔ,

Dutɛrɔnome 5:1

Moisə ə Israɛlə lonnii kəlee təli, yɛ diɛ: «Israɛlə lonnii! Ka ka wəli tɔɔ dɔ́n nwooɠaa da nɔi hu yíi ɓo pələɠaa ɓa, yii gáá dɛɛi ka pɔ háákələi! 'Ka di mąąkwɛli, 'ka bɔ mɛ̨nį kɛ.

Dutɛrɔnome 5:29

Ə li kɛmun da naa kɛ di kwəi, diɛ ɲɔw Mą́ą́, diɛ nwɔ́ tíɓoɠaai kəlee kɛ a yələ kəlee, yili ə li kɛ a di wɔ nwun na nɛ̨ɛ̨, da di lonnii, kpɛɛ hvo li kɛ mą.

Dutɛrɔnome 5:32

Ka tɔɔ a ka nwąnąi, kaa túwɔ́ yɛ́ bələi Yai-Laa ka wɔ Yálái ə ka tí la. Ka hvo həɠə bələ mɛ̨i, ka hvo tɔɔ takpa-takpa.

Dutɛrɔnome 27:1

Moisə da Israɛlə kalanɉonŋąą di mo kpɔ a nwalawalaa nɔi nuą diɛ, diɛ kɛ diɛ: Dɔnŋąą ŋɛ̨i gáá dɛɛi ka pɔ háákələi, ka ka yee kanąn gəlee ɓa ka bɔ mɛ̨nį kɛ.

Mąątɛ̨nɛ̨ 119:2

Nuąi da lɛɛ nwɔ yɛnɛ̨ɛ̨ hon bələ pulu, diɛ gwɛli di kwəi tɔ̨nɔ̨ mɛ̨i, di nwun na nɛ̨ɛ̨i.