Dutɛrɔnome 6:15 - Yálá laawoo hɛɓɛ (dc)

¹⁵ Mąąhɔlɔɓo, Yai-Laa ka wɔ Yálái ŋɛ̨i heeni ka hamąi, gaa a Yálá tolɔɔ. Ka gɛ a nɛlɛɛ, Yai-Laa ka wɔ Yálá nwɔ líiholi hvo pa yɛɛ ka mɛ̨i, yɛ ka kpɛɛ lɔi mɛ̨i.

Yálá laawoo hɛɓɛ

¹⁵ Mąąhɔlɔɓo, Yai-Laa ka wɔ Yálái ŋɛ̨i heeni ka hamąi, gaa a Yálá tolɔɔ. Ka gɛ a nɛlɛɛ, Yai-Laa ka wɔ Yálá nwɔ líiholi hvo pa yɛɛ ka mɛ̨i, yɛ ka kpɛɛ lɔi mɛ̨i.

Bible

¹⁵ kpɛ́ni fêi, Káɣâlai Yâwɛɛ káa a tólo Ɣâla. Ǹíi a pâi ŋwânai kâa é kásu kara ǹɔii su.

Dutɛrɔnome 6:15 Referans Kwoze

Dutɛrɔnome 4:24

Mąąhɔlɔɓo, Yai-Laa ka wɔ Yálái kaa a nwɔ̨n yɛ kɛɛ kələn, gaa a Yálá tolɔɔ.

Lɛɛ gbɔwɔ ɓa 20:5

'Hvó pɛlɛ da lííla, hvo kwɛli hvilɛn diɛ; Mąąhɔlɔɓo, ɲą́ą́ Yai-Laa ka wɔ Yálá, gáá a Yálá tolɔɔ, nuąi da yowolaa kulɔ a ɲą́ą́, ŋą́ gwələ kulɔ di lonnii diɛ, da yiliɠaai di wɔɔ mąnįn bulu mąnįnŋąą diɛ.

Dutɛrɔnome 11:17

Ka yili kɛ tii, Yai-Laa nwɔ liiholi a ɓɛla ka mɛ̨i, ə yələkɔlɔn naa kpulu, tulɔ hva pu, ka wɔ hihɛn da hva kɛa lɛlɛ lɔi ɓa; ə lɛɛ, ka huwu yɛ pu a ɉukpuaa nɔi lɛlɛɛ tii Yai-Laa kaa dɛɛ ka pɔ ɉu.

Dutɛrɔnome 7:4

Mąąhɔlɔɓo, da ləi di nwun dinɛ̨n, di wɔ haliɠaa pɔ pələ; di di pulu tɔɔ Mą́ą́, yili a kɛ tii a Ɲą́ą́ Yai-Laa nwɔ́ liiholi muhəɠə ka pɔ, yɛ ka nwun na pili.

Amɔsə 9:8

Yai-Laa ɲɛ̨i kaa Israɛlə tɔɔmun ɉuwuhu nuą kɛ nɛ̨ŋɛ̨n ma. Yɛ diɛ: Gáá pai di kpɛɛi lɔi mɛ̨i. Kɛlaa, və́ pai Ɉakɔbə huwuhu nuą kəlee laa kpɛɛi lɔi mɛ̨i. Yai-Laa woo li.

Amɔsə 3:2

«Lɔi mɛ̨i heeɓo nuą kəlee lɔwai, kaa tɔ̨nɔ̨ gbən ɓə ŋį́ ɲɛ̨́i lɛlɛɛ hee kaa, yili mąą mɛ̨nį ɓa, mɛ̨nį ɲɔ̨nŋąąi kpɔ kaa gɛ, ka káá pai gwɛlan mo kɛi mą́ą́.»

Mąątɛ̨nɛ̨ 90:11

Gbɛɛ ɓə ə́ wɔ liiholii hvaŋą kɛnɛ̨ pələ kɔ́lɔn? Bələi lɔ nu a ɲɔw la yɛ́, bələ lɔ ɓə a ə́ wɔ liiholii kɔ́lɔn na.

Mąątɛ̨nɛ̨ 90:7

A tɛ̨ą, ə́ wɔ liiholii a ku kpɛɛ, yáá ku hu pu kuɔ a ə́ wɔ liiholi kɛnɛ̨ɛ̨i.

Kɔlɔnikɔ Veerɛi 36:16

Kɛlaa, di kɛi yɛlɛ kulɔ Yálá nwɔ wəlɛɛ ɓo nuąi hu, di tɛɠɛɓoɔ di wooɠaa hu, diɛ di woohəɠə gwəi mɛ̨nį hukulɔ nuą diɛ; ə lɛɛ la ɉu, Yai-Laa nwɔ liiholii ə tɛ nwąną ɓa, ɲali bulu hvo kɛa kɛ mą.

Tɔɔɓɛlaa dɔlɔɔ 13:34

Yili ɓə kɛ a nɛ̨ŋɛ̨n Ɉeroboamə nwɔ pɛ́lɛ́i ə ɉəɠə yaa li. Yili mąą mɛ̨nį ɓə gɛ, ɉuwu yɛ kpɛɛ lɔi mɛ̨i.

Dutɛrɔnome 5:9

«Ka hvo kwɛli hvilɛn ɉɛnŋąąi tii ta ɓa, ka hvo tí diɛ; mąąhɔlɔɓo Ɲą́ą́ Yai-Laa ka wɔ Yálái, gáá a Yálá tolɔɔ, nuąi da kɛ wɛli kpɛɛ mąą laa kulɔi a ɲą́ą́, ŋą́ di wɔ nɛ̨ŋɛ̨nŋąą pɔɔ kulɔ di lonnii diɛ, ə mą kɛ mąnįn bulu mąnįnɠaa diɛ.

Lɛɛ gbɔwɔ ɓa 32:12

Akɛ yá nuąi ŋɛ̨i kəlee nwun na pili yɛ pələi tii yaa mo la, Eziptə nuą kaa pai kɛi diɛ: ‹Ə́ di kulɔ lɔ Eziptə lɔi hu a gbąnąlaa, ə gɛ, ə́ di nwun na pili ɓɛ, ɲee koo mu, di laa ə kpɛɛ ɓɛ lɔi mɛ̨i.› Ee kə! Yai-Laa! Ə́ líí laa, Hvó mɛ̨nį ɲɔ̨n naa ə́ wɔ́ nu huwui ɓa.

Zɛnɛse 7:4

Hvo gaai, aa lɛɛ pulu a lɔwɔ tɔ̨nɔ̨, gáá pai tulɔ pui hvóló pow nąąn kpinį pow nąąn ɲee mu, nɔ̨ɔ̨nɔ̨ɔ̨ hɛnŋąąi kpɔ ŋį́ di pɛli, ŋį́ gəlee nwun na pili.»

Korɛntə dɔlɔɔ 10:22

Akɛti, gu kaa bɔ gu Ną́mu nwɔ toloi muhəɠə? Gaa ká kwəi gu hvaŋą kɛnɛ̨i gu tɛɛ mą?

Ɉeremi 7:6

'Ka hvo too nwea mɛ̨i! 'Ka hvo too təlilon mɛ̨i da galanin Nɛ̨ɛ̨nu! 'Ka hvo kwəi kwələ mun ɲąmą pu gɛɛnąą ŋɛ̨i ɓa! 'Ka hvo hvilɛn haliɠaa pulu, ka nwun na pili mɛ̨nį li.

Ɉeremi 28:16

Ə həli kɛa yɛ́; Yai-Laa woo ka, yɛ diɛ: Gaa pai ə́ həɠəi nɔi ŋɛ̨i mɛ̨i, ə́ kaa pai haai gwɛlan ŋɛ̨i yee mu. Mąąhɔlɔɓo, yáá nuą kwɛli tee Yai-Laa ɓa.»

Lonon mo 35:34

Mąą hvo nɛ̨ɛ̨li nɔi ka káá ɉu ka hvo mąą liɓi, ɓɛi gáá laa heeni, mąąhɔlɔɓo gáá a Yai-Laa. Ɛlɛɛ gáá heeni Israɛlə lonnii lɔwai.»

Zasua 23:12

Kɛlaa, ka ka pulu tɔɔ Yai-Laa ɓa, kaa humo a nu huwuɠaai ŋɛ̨i ka kwɛlɛ a diɛ, kaa nɛ̨ą həɠə di pɔɔli, kaa li di pɔɔli; diɛn diɛ pa ka pɔɔli,

Zasua 23:16

Mįnɛ̨i Yai-Laa ka wɔ Yálái da ka nąnnii di ɉəɠə, yai ə naa ka nwuɔ̨, ka ɉukala, kaa hvilɛn haliɠaa pulu, kaa kwɛli hvilɛn diɛ; Yai-Laa nwɔ liiɲąnwąną a ɓɛla ka mɛ̨i, ka kpɛɛ kpɔ a ɉu kpua nɔi lɛlɛɛ ŋɛ̨i ə dɛɛ ka pɔ ɉu.»