Dutɛrɔnome 6:11 - Yálá laawoo hɛɓɛ (dc)

¹¹ a pɛlɛ́ɠaai di laahvɛɛ a hɛn gɔw lɛlɛɛ huwu lɔpee, kaa hvəi di pu li laa, yálɔwaɠaai naahvɛɛ a yələ kəlee, yii ka hvəi di tee li, viɲə da olivə wuluɠaai ka hvə di hin ni. Nąąlɔwai, ka kɔ̨nɔ̨n mį́i kɛa kaa pilɛ ɉu.

Yálá laawoo hɛɓɛ

¹¹ a pɛlɛ́ɠaai di laahvɛɛ a hɛn gɔw lɛlɛɛ huwu lɔpee, kaa hvəi di pu li laa, yálɔwaɠaai naahvɛɛ a yələ kəlee, yii ka hvəi di tee li, viɲə da olivə wuluɠaai ka hvə di hin ni. Nąąlɔwai, ka kɔ̨nɔ̨n mį́i kɛa kaa pilɛ ɉu.

Bible

¹¹ pɛ́rɛ kpaya-kpaya láa fɛ́ɛ a sãa lɛ́lɛɛ-ŋa káa ǹɔii ŋí ma nyii káfe dɔ̀ɔ ní káa kpîŋ. Ya-loa-ŋa nyii káa kpîŋ káfe dée níi, da sí-sãa sii támaa nyii káfe zí níi díkaa naa. Ka dímiî díkɛ kálii làa, ká kɛ́ gbéli-ŋai ŋãa nɛ̃ɛ kula.

Dutɛrɔnome 6:11 Referans Kwoze

Dutɛrɔnome 32:15

Bələ ɓə Yesurun ə kɔ̨nɔ̨n mįi la ə pilɛ ɉu, goo ə hee, ə kulɔ nwoo mu laa kɛ, ə kɛnɛ̨ tɛɓɛlɛ-tɛɓɛlɛ, goo ə hee. Ə gili kulɔ bɛli Yálá hu, ə nɛɛ laa. Ə mąąkɔ̨nwɔ̨ kwɛni ɓɛlɛkpɛɛ ma, yaai gaa a nwun mąąɓomun.

Nwun mąąɓo 3:7

Mɛ̨nįi kɛ ɲɔ̨nwɔ̨ɔ̨ Yai-Laa ɲɛ̨i ɓa, Israɛlə ə ɲee lɔ ɉu, di di pulu tɔɔ Yai-Laa ɓa, yai a di wɔ Yálá, diɛ kwɛli hvilɛn Baaləɠaa da Aseraɠaa diɛ.

Dutɛrɔnome 11:15

Gaa pai kɛi kala tiliin dɛɛi ka wɔ taatɛlɛɛɠaai pɔ, kaa kɔ̨nɔ̨n mįi kaa pilɛ ɉu.

Dutɛrɔnome 14:29

Levi nu huwui tii lɔi hvo di yəi, di kwɛlin və di yəi, nwɛ̨ą, təliɠaa da kalaninŋąą, diɛi tii ka wɔ taaɠaai hui, da pa di di laa mįi, di pilɛ ɉu. Yai-Laa ka wɔ Yálái yɛ pɛli lúwɔ́ tooi kaa ka kɛ mɛ̨nįɠaa kəlee hu.

Dutɛrɔnome 19:1

Ɓɛlɔwai Yai-Laa ka wɔ Yálá kaa pai nu huwuɠaa tii hukalai la ka ɲɛ̨itɔwɔ, yɛ di wɔ lɔi tɛɛ ka pɔ da di wɔ taaɠaai, da di wɔ pɛlɛ́ɠaai, kaa hee laa,

Zasua 24:13

Ŋį́ lɔi tɛɛ ka pɔ, yii ka hvo mɔ̨nɔ̨ lɔpee ta mįi li mąą mɛ̨nį hu. Taa yiiɠaa ka hvo dɔɔ li, diɛ ka tii ka káá heeni di hu, ŋį́ viɲə yɛaɠaa, da olivə yɛaɠaa tɛɛ ka pɔ, yii kaa hvəi di hin ni. Di ɓáɠaa ka ŋɛ̨i ka káá mįi.»

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Mąątɛ̨nɛ̨ 105:44

Ə tɔɔɓɛlaa di wɔ lɔi həɠə, ə dɛɛ di pɔ, diɛ huwu ta kpɛliɠaa kɛ kólo tɔlɔ mįi.