Dutɛrɔnome 6:10 - Yálá laawoo hɛɓɛ (dc)

¹⁰ Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,

Yálá laawoo hɛɓɛ

¹⁰ Yai-Laa ka wɔ́ Yálái a pa ka lɔi nɔi tii hu, yai Ə naakwɛlanmo ka nąn Abrahamə, Isaakə da Ɉakɔbə diɛ, yɛ gaa pai dɛɛi di pɔ, a lɔi ɉu taaɠaa kpɛa kpɛa, di lɛlɛɛ, yai kaa hvəi di tɔɔ li,

Bible

¹⁰ “Káɣâlai Yâwɛɛ ƃé pà a káa ǹɔii su é góno tée la kánîŋ-ni Eberaɣɛ̃ɛ, Aise da Zeeka yêei. Taa-lee kpaya-kpaya ƃûu ƃoɔɔ-ŋa,

Dutɛrɔnome 6:10 Referans Kwoze

Zasua 24:13

Ŋį́ lɔi tɛɛ ka pɔ, yii ka hvo mɔ̨nɔ̨ lɔpee ta mįi li mąą mɛ̨nį hu. Taa yiiɠaa ka hvo dɔɔ li, diɛ ka tii ka káá heeni di hu, ŋį́ viɲə yɛaɠaa, da olivə yɛaɠaa tɛɛ ka pɔ, yii kaa hvəi di hin ni. Di ɓáɠaa ka ŋɛ̨i ka káá mįi.»

Mąątɛ̨nɛ̨ 105:44

Ə tɔɔɓɛlaa di wɔ lɔi həɠə, ə dɛɛ di pɔ, diɛ huwu ta kpɛliɠaa kɛ kólo tɔlɔ mįi.

Nehemi 9:25

Di walawalaaɠaa hon, da lɔi lɛlɛɛɠaa, di pɛlɛ́ɠaa hɔlɔɓo a di wɔɔ, di laahvɛɛ a hɛn gɔw huwu lɔpee. Ya-lɔwa da viɲə yɛaɠaa. Olivə yeaɠaa, da ɓá wulu kpulu tamąą. Di di laa mįi, di koo haɠa ə laa di ŋą. Di wɔ yɛnɛ̨ɛ̨ kɛ di ɲąąnɛ̨ɛ̨ hu, ə́ wɔ mɛ̨nį lɛlɛ pələ ɓa.

Mąątɛ̨nɛ̨ 78:55

Ə nuą kpɛ di tɔwɔ, ə di wɔ lɔi ɲąąkwɛlɛ diɛ, nɔi ə lɛɛ a di kwɛlin; ə Israɛlə nu huwu hee di wɔ pɛlɛ́ɠaai mu.

Zɛnɛse 26:3

Hee laa, gáá pai kɛi ə́ pɔ, ɛlɛɛ, ŋį́ lúwɔ́ too yɛ́, mąąhɔlɔɓo, yɛ́ ka ə́ huwu ɓə gáá nɔi ŋɛ̨i tɛɛi ka pɔ. Bələ ɓə, ŋį́ gwɛ́la la ə́ nąn Abrahamə ɓa, gáá pai nwóó tii pɔ mɛ̨nį kɛi.

Zɛnɛse 15:18

Voló tɔ̨nɔ̨i tii, Yai-Laa da Abramə di mįnɛ̨ həɠə, yɛ mą: «Ə həɠə Eziptə lɔi ɲá lee ɓa, ə li la Eufratə ɓa, gáá nɔi ŋɛ̨i tɛɛi ə́ huwu pɔ.

Zɛnɛse 28:13

Nąąlɔwai, Yai-Laa ə kɛ tɔɔni gwɛlɛ, yɛ mą: «Ɲą́ą́ gáá a Yai-Laa, ə́ nąn Abrahamə nwɔ Yálá da Isaakə nwɔ Yálá. Nɔi ŋɛ̨i ə́ kaa laani mɛ̨i, gáá pai dɛɛi ə́ pɔ, ka ə́ huwu.

Dutɛrɔnome 9:1

Israɛlə lonnii, ka ka wəli tɔɔ! Ka káá pai Ɉurdɛn yá teen ɉii háákələi. Nu huwuɠaa ŋɛ̨i di kpɛa kpɛaa di tɛɛ kaa, di hvaŋą kɛnɛ̨ dɛɛ kaa, ka káá lii di wɔ lɔi kulɔi di yəi da di wɔ taaɠaai, taa kpɛa kpɛaɠaa di mąątinɛnŋąą a hįį muhəɠɛɛ ləɠə ləɠə.

Dutɛrɔnome 19:1

Ɓɛlɔwai Yai-Laa ka wɔ Yálá kaa pai nu huwuɠaa tii hukalai la ka ɲɛ̨itɔwɔ, yɛ di wɔ lɔi tɛɛ ka pɔ da di wɔ taaɠaai, da di wɔ pɛlɛ́ɠaai, kaa hee laa,

Dutɛrɔnome 31:20

Yaan, a tɛ̨ą, nɔi ŋɛ̨i ɲįnįyá da kwɛin nwulɔ da di kpoloon naa ɉu yɛ yá lon, gáá nąą tɛɛi di pɔ a di wɔɔ, yɛ bələi ŋą́ naakwɛlanmo la tii di kalaɓɔlɔni diɛ, gɛ́ gwɛ́la ɉu. Di kaa lii kɔ̨nɔ̨n ɉɔlɔɓoi laa a di liiɓa pələ, diɛ mįi; di kɔ́lɔ lɛlɛɛ yɛ laa diɛ. Yili pulu, di kaa pai di pulu tɔɔi mą́ą́, diɛ hvilɛn haliɠaa pulu, diɛ tí ɉaliɠaa tii diɛ; di kaa pai vííɓoi, di nwɔ́ mįnɛ̨i hu kala.

Dutɛrɔnome 1:8

Ka gɔlɔn kaa diɛ, ŋą́ą́ nɔi tii tɛɛ ka pɔ, ka lɔ ɉu; nɔi tii ɓə Yai-Laa ə gwɛla yɛ gaa dɛɛi ka nąnni pɔ, Abrahamə, Isaakə da Ɉakɔbə, da di huwu, ka li ka hee laa.»

Dutɛrɔnome 6:18

Mɛ̨nįi ɉaŋąą, nɛlɛɛ Yai-Laa ɲɛ̨i ɓa, ya ɓə mąąnɛ̨ɛ̨ ka gɛ, ka gɛ, ka kɛ nąąlɔwai nwun nąnɛ̨ɛ̨ hu. Nɔi lɛlɛɛi tii Yai-Laa ə naakwɛlanmo ka nąnni diɛ yɛ gwɛla ɉu, ka pɛli heei ɉu.

Dutɛrɔnome 6:23

Ku wɛi, ə ku kulɔ gɛɛnąąi tii ɓa, nɔi ə naakwɛlanmo ku nąnni diɛ yɛ gwɛla kpɔ ɉu, ə ku lɔ ɉu, ə dɛɛ ku pɔ.

Dutɛrɔnome 8:12

Ka kɛi kɔ̨nɔ̨n mįi kaa pilɛ ɉu, ka kɛi pa pɛlɛ́ lɛlɛɛɠaa tɔɔi kaa lɔ mu,