Dutɛrɔnome 5:21 - Yálá laawoo hɛɓɛ (dc)

²¹ «'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Yálá laawoo hɛɓɛ

²¹ «'Hvó ə́ ɲɛ̨i kulɔ ə́ ɓɛlan gaalon nɛ̨ą pɔ, hvó ə́ ɲɛ̨i kulɔ nwɔ pɛ́lɛ́i pɔ, da nwɔ tíiɠaai, nwɔ luwɔ hinąą, da nwɔ luwɔ nɛ̨ąą, da nwɔ nįŋɛ̨ɠaa, a wala kɛ tii nwɔ hoohvaalənŋąą, da ɲəi hɛn lɔpee ta.»

Bible

²¹ “ ‘Káfe káƃarâai dínɛyâai maa wɛli kɛ-maa pù kálii su, dípɛrɛi kpaa máŋ dílɔii, díyee mu sinaai kpaa máŋ díyee mu nɛyãai, díniŋai, dísoo fáleŋ da díkɔ̃liŋ kpéli-ŋai kélee.’

Dutɛrɔnome 5:21 Referans Kwoze

Lɛɛ gbɔwɔ ɓa 20:17

«'Ə́ ɲɛ̨i hvo kulɔ ə́ ɓɛlan gaalon nwɔ pɛ́lɛ́i pɔ, ə́ ɲɛ̨i hvo kulɔ nɛ̨ą pɔ, ə mą kɛ, a nwɔ luwɔ hilɛ da nwɔ luwɔ nɛ̨ą; ə kɛ a nwɔ nįŋɛ̨, ə mą kpɛli kɛ a nwɔ hoo hvaalən. Ə́ ɲɛ̨i hvo kulɔ ɲəi hɛn lɔpee ta pɔ.»

Lomaŋ 13:9

Hvó gaai, dɔ́n nwooɠaa ti ɓaa: 'Hvó wɛli kɛ, 'hvó nu paa, 'hvó nwuɔ̨ kɛ, 'hvó ɲɛ̨ikulɔbɔ kɛ, ə pɛlɛ la yiiɠaa ti diɛ, gəlee laa honŋąą kaa nwoo ŋɛ̨i hu: 'Ə́i ɓɛlan gaalon nwɛli la kɛ yɛ ə́ kpinį.

Lukə 12:15

Yili pulu, ə mo nuą kəlee diɛ, yɛ diɛ: «Ka gɛ a nɛlɛɛ, ka ka kpɔɔ mɛ̨i kaa, hɛn nwɛli laa mąą mɛ̨nį ɓa. Mąąhɔlɔɓo, hɛn gɔw hvəə a nu nwɔ ɲɛnɛ̨ɛ̨ mąą kɔ́nwɔ̨.»

Habakukə 2:9

kpalo ɓɛlaai kaa, kaai ka hvulu hɛn gɔw hon, kaa ɲiɓɛi laahvɛɛ la. Gaa ka kwəi, kaa kɛ kɛa a nu kpɛa kpɛa yili hu, mɛ̨nį nwąnąą ŋɛ̨i pai, da hva kɛa həli kaa.

Mise 2:2

Di kili a hvilɛn nɔ yɛa ta ɓa, daa mąn nwuɔ̨. Di ɲɛ̨i a kulɔ lɔ pɛlɛ́ ta pɔ, daa mąn ɉəɠə. Bɛlɛ́-o, nąmu-o, nu leelee-o, gwɛlin-o da gəlee həɠə.

Hebreu 13:5

'Ká hvo nɛɛ laa, wali lii yee hvo tɛɛ káá, ká túwɔ́ pələ hu. Yii gaa ká yəi, yili ə ká lii hon. Mąąhɔlɔɓo, gu Nąmu kpinįi ɓo mo, yɛ mą: «Kpaa-o! Vá ə́ lɛɛ laa, vá gíli kulɔ ə́ hu tanɔ̨n gbɛli!»

Samia Veerɛi 11:2

Yələwulii pɔ ta, Davidə ə muhəgə ɲəi gbinŋa, yɛ gɔwɔ hu hiɛ nwɔ tɔɔ pɛlɛ́i a yələi pɛlɛ́ ɲimąn mu ɲələi. Ə lɛɛ laa bɛlɛ́ ton na, ə nɛ̨ɛ̨nu ta kaa yɛ nwaa, nɛ̨ɛ̨nui tii lɛlɛɛ kpɔ kɛ a mɔlɔ.

Zôo 31:9

Akɛ nɛ̨ɛ̨nu takpɛli mąą mɛ̨nį aa ta níí kulɔ mą́ą́! Akɛ ŋą́ą́ ta mɛ́lan nwɔ pɛlɛ́ laaləi mąą hɛn!

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.